Unni Mukundan : వేధింపుల కేసులో ఉన్ని ముకుందన్‌‌కి షాక్ ఇచ్చిన కోర్ట్.. స్టే తొలిగింపు, విచారణ ఎదుర్కొవాల్సిందే!
మహిళ పై వేధింపులకు పాల్పడ్డాడు అంటూ మలయాళ నటుడు ఉన్ని ముకుందన్ 2017 నుంచి ఆరోపణల ఎదురుకుంటున్నాడు. తాజాగా కేరళ హైకోర్టు ముకుందన్‌‌కి షాక్ ఇచ్చింది.
- Published By: 10TV Digital Team ,Published On : May 23, 2023 / 08:53 PM IST
Kerala highcourt remove stay on Unni Mukundan case
Unni Mukundan : మలయాళ నటుడు ఉన్ని ముకుందన్ గత కొంతకాలంగా మహిళా వేధింపు కేసులో నిందుతుడిగా ఆరోపణలు ఎదురుకుంటున్నాడు. 2017 ఆగస్టు 23న సినిమా విషయం గురించి చర్చించేందుకు ఉన్ని ముకుందన్ కొట్టాయంకు చెందిన ఒక మహిళతో సమావేశం అయ్యాడు. ఆ సమయంలో ముకుందన్ ఆమె పై దాడి చేసినట్లు.. ఆ మహిళ సెప్టెంబర్ 15న పోలీసులకు ఫిర్యాదు చేసింది. ఇక దాని పై ముకుందన్ స్పందిస్తూ.. “ఆ మహిళ చెప్పిన మాట్లల్లో నిజం లేదు. ఆమె నా పై కేసు ఫైల్ చేసే ముందు నా నుంచి 25 లక్షలు డిమాండ్ చేసింది. అవి ఇస్తేనే కేసులో ఇరికించకుండా ఉంటానని ఆమె బెదిరించిందని” పేర్కొన్నాడు.
అంతేకాదు ఆమె పై పరువు నష్టం కేసు ఫైల్ చేసి, తన పై పెట్టిన కేసుని కొట్టేయాలంటూ మేజిస్ట్రేట్ కోర్టు, సెషన్స్ కోర్టులో పిటిషన్ దాఖలు చేశాడు. అయితే కోర్ట్ ఆ పిటిషన్ కొట్టేసి విచారణ ఎదురుకోవాలని కోరింది. ఆ తరువాత 2021లో కేరళ హైకోర్ట్ లో ముకుందన్ తరుపు లాయర్.. ఫిర్యాదు చేసిన మహిళతో విషయం సెటిల్ అయ్యిపోయిందని అఫిడవిట్‌ సబ్మిట్ చేసి కేసు పై స్టే పొందారు. అయితే ఆ అఫిడవిట్‌లో ఉన్న సంతకం ఆ మహిళది కాదని ఆమె తరుపు లాయర్ కోర్టుకి స్పష్టం చేయగా.. న్యాయవాది ఆ విషయం పై సీరియస్ అయ్యారు.
Bro : స్పెషల్ సాంగ్‌లో Bro తో చిందేయడానికి పోటీ పడుతున్న భామలు.. నిజమేనా?
అంతకుముందు ఇచ్చిన స్టేని ఎత్తివేస్తూ.. విచారణ ఎదురుకోవాలని ఉన్ని ముకుందన్ ని కోర్ట్ ఆదేశించింది. కాగా ముకుందన్ కూడా విచారణ ఎదురుకోవడానికి సిద్దమే అంటూ తెలియజేశారు. మరి ఈ కేసులో నుంచి ముకుందన్ నిర్దోషిగా బయటికి వస్తాడా? లేదా? చూడాలి. కాగా ఈ నటుడు ఇటీవల ‘మలికాపురం’ సినిమాతో మంచి విజయాన్ని అందుకున్నాడు.
