Game changer : గేమ్ ఛేంజర్ నుంచి ‘కొండ దేవర’ పాట వ‌చ్చేసింది.. విన్నారా?
తాజాగా గేమ్ ఛేంజర్ నుంచి కొండ దేవర పాట‌ను విడుద‌ల చేశారు.
- Published By: 10TV Digital Team ,Published On : January 8, 2025 / 12:38 PM IST
Konda Devara Song from Ram Charan Game changer movie out now
గ్లోబ‌ల్ స్టార్ రామ్‌చ‌ర‌ణ్ న‌టిస్తున్న మూవీ గేమ్ ఛేంజర్. శంక‌ర్ ద‌ర్శ‌క‌త్వంలో ఈ చిత్రం తెర‌కెక్కుతోంది. సంక్రాంతి కానుక‌గా మ‌రో రెండు రోజుల్లో (జ‌న‌వ‌రి 10న) ఈ చిత్రం ప్రేక్ష‌కుల ముందుకు రాబోతుంది. ఈ నేప‌థ్యంలో తాజాగా కొండ దేవర పాట‌ను విడుద‌ల చేశారు.
“నెత్తురంతా ఉడుకుతున్న ఊరువాడ జాత‌ర” అంటూ ఈ పాట సాగుతోంది. కాస‌ర్ల శ్యామ్ లిరిక్స్ అందించ‌గా, త‌మ‌న్‌, శ్రావ‌ణ భార్గ‌వి పాడారు. ప్ర‌స్తుతం ఈ పాట యూట్యూబ్‌లో దూసుకుపోతుంది.
SHARWA-37 : ‘శ‌ర్వా 37’ కోసం నంద‌మూరి, కొణిదెల హీరోలు.. టైటిల్‌, ఫ‌స్ట్ లుక్ డేట్ ఫిక్స్‌..
ఈ చిత్రంలో కియారా అద్వాని క‌థానాయిక. శ్రీ వేంక‌టేశ్వ‌ర క్రియేష‌న్స్ బ్యాన‌ర్ పై దిల్ రాజు ఈ చిత్రాన్ని నిర్మించారు. ఎస్ జే సూర్య, అంజ‌లి, శ్రీకాంత్ లు కీల‌క పాత్ర‌ల్లో క‌నిపించారు. ఈ చిత్రంపై అభిమానుల్లో భారీ అంచ‌నాలే ఉన్నాయి. ఇప్ప‌టికే విడుద‌లైన టీజ‌ర్‌, పాట‌లు, ట్రైల‌ర్ సినిమాపై అంచ‌నాల‌ను అమాంతం పెంచేశాయి.
ఈ చిత్రంలో ప్లాష్ బ్యాక్ ఎపిసోడ్ అదిరిపోతుంద‌ని చిత్ర బృందం చెబుతోంది. అప్ప‌న్న పాత్ర‌లో చ‌ర‌ణ్ అద‌ర‌గొట్టేశాడ‌ని అంటున్నారు. ఈ చిత్రంలోని పాట‌ల‌కే రూ.75 కోట్ల‌కు పైగా ఖ‌ర్చు చేశార‌ని నిర్మాత దిల్ రాజు ఇటీవ‌ల చెప్పిన సంగ‌తి తెలిసిందే.
Yash birthday : య‌శ్ పుట్టిన రోజు.. ‘టాక్సిక్’ బర్త్‌డే పీక్ వీడియో వ‌చ్చేసింది.. గూస్‌బంప్స్..
