Anna Lezhneva : మా ఆయన నాకు పియానో కొనిచ్చారు.. చిన్నప్పటి ఫోటో షేర్ చేసి పవన్ భార్య పోస్ట్..
అన్నా లెజినోవా తన చిన్నప్పటి ఫోటోని షేర్ చేస్తూ.. (Anna Lezhneva)
- Published By: Saketh U , Published On : April 13, 2026 / 11:56 AM IST
Anna Lezhneva
Anna Lezhneva : పవన్ కళ్యాణ్ భార్య అన్నా లెజినోవా రెగ్యులర్ గా సోషల్ మీడియాలో యాక్టివ్ గా ఉంటూ పోస్టులు చేస్తుంది. తాజాగా అన్నా లెజినోవా తన చిన్నప్పటి ఫోటో షేర్ చేసి సంగీతంతో తనకు ఉన్న అనుబంధం గుర్తుచేసుకుంది. చిన్నప్పుడు వయోలిన్ వాయించే ఫోటోని అన్నా లెజినోవా తన సోషల్ మీడియాలో షేర్ చేసింది.
Also Read : Arya : కాశీ సాధువుల్లో క్రిమినల్స్ ఉన్నారు.. హీరో సంచలన వ్యాఖ్యలు..
అన్నా లెజినోవా తన చిన్నప్పటి ఫోటోని షేర్ చేస్తూ.. ఈ చిన్నారిని నేనే. అప్పుడు నాకు ఏడేళ్ల వయసు. సెయింట్ పీటర్స్బర్గ్లో చలికాలం. నా చేతులు అప్పటికీ చాలా చిన్నవి అయినా ఓ సంగీత పాఠశాలలో పెద్ద వేదికపై ఒక సీరియస్ టర్మ్ కచేరీలో నేను నిలబడి ఉన్నాను. అప్పుడు నేను లుడ్విగ్ వాన్ బీథోవెన్ రచించిన “లా మార్మోట్” వాయిస్తున్నాను. నా గురువు పియానో వద్ద నా పక్కన కూర్చుని, నాకు సహకరిస్తూనే, నన్ను ముందుండి నడిపించారు. మూడేళ్ళ తర్వాత నేనే స్వయంగా పియానో వాయించడం మొదలుపెట్టాను.
నేను ఐదేళ్ల వయసులో వయోలిన్ నేర్చుకోవడం ప్రారంభించాను. సాధారణ పాఠశాలతో పాటు పదిహేనేళ్ల వయసు వరకు సంగీత పాఠశాలకు హాజరయ్యాను. నేను వృత్తిపరమైన సంగీత ప్రస్థానాన్ని కొనసాగించనప్పటికీ సంగీతం, శాస్త్రీయ సంగీతం ఎల్లప్పుడూ నాలో ఒక భాగంగానే ఉన్నాయి. నేను భారతదేశానికి వచ్చినప్పుడు నా భర్త నాకు ఒక పియానో కొనిచ్చారు. వయోలిన్ కూడా ఇక్కడే కొనిచ్చారు. అవి పెట్టెలో భద్రంగా ఉన్నాయి. కానీ ఈ మధ్య నాకు వాయించాలనే తపన కలగడం లేదు. ఆ సంగీతం ఇంకా నాలోనే ఎక్కడో ఉండిపోయి మళ్ళీ వినబడటానికి సరైన సమయం కోసం ఎదురుచూస్తున్నట్టుగా ఉంది. సంగీతం భాష, నేపథ్యానికి అతీతంగా మనుషులను కలుపుతుంది. దాని ద్వారా మనం ఒక్క మాట కూడా మాట్లాడకుండానే బాధను, ప్రేమను, ఆనందాన్ని అనుభూతి చెందగలం. అది సంస్కృతుల మధ్య, ప్రజల మధ్య, ఖండాల మధ్య ఒక వారధి అంటూ ఎమోషనల్ గా పోస్ట్ చేసింది.
Also Read : Asha Bhosle : లతా మంగేష్కర్, ఆశా భోస్లే.. అక్కాచెల్లెళ్ల పుట్టుక, మరణం.. ఎన్ని యాదృచ్ఛికాలో..
