Sankranthiki Vasthunam : దిల్ రాజుకు మ‌రో షాక్‌.. ఏపీ హైకోర్టులో సంక్రాంతికి వ‌స్తున్నాం మూవీపై పిల్
సంక్రాంతికి వ‌స్తున్నాం సినిమాపై ఆంధ్ర‌ప్ర‌దేశ్ హైకోర్టులో పిల్ దాఖ‌లైంది.
- Published By: 10TV Digital Team ,Published On : January 24, 2025 / 05:52 PM IST
Pil File in Andhra pradesh high court on Sankranthiki Vasthunam Movie
సంక్రాంతికి వ‌స్తున్నాం సినిమాపై ఆంధ్ర‌ప్ర‌దేశ్ హైకోర్టులో పిల్ దాఖ‌లైంది. ఈ మూవీ బ‌డ్జెట్‌, క‌లెక్ష‌న్ల విష‌యంలో క్విడ్ ప్రోకోకు పాల్ప‌డ్డార‌ని ఆరోపిస్తూ పిటిష‌న‌ర్ న్యాయ‌స్థానంలో ఈ పిల్ ను దాఖ‌లు చేశారు. ఈ సినిమా అద‌న‌పు షోల ద్వారా వ‌చ్చిన ఆదాయాన్ని ప్ర‌భుత్వ ఖ‌జానాలో జ‌మ చేసేలా ఆదేశాలు ఇవ్వాల‌ని, ఐటీ, ఈడీ, జీఎస్టీతో విచార‌ణ జ‌రిపించాల‌ని పేర్కొన్నారు.
విక్ట‌రీ వెంక‌టేష్ హీరోగా అనిల్ రావిపూడి ద‌ర్శ‌క‌త్వంలో సంక్రాంతికి వ‌స్తున్నాం చిత్రం తెర‌కెక్కింది. సంక్రాంతి కానుక‌గా ఈ చిత్రం జ‌న‌వ‌రి 14న ప్రేక్ష‌కుల ముందుకు వ‌చ్చింది. థియేట‌ర్ల‌లో న‌వ్వులు పూయిస్తూ ఫ్యామిలీ ఆడియ‌న్స్‌ను మెచ్చింది. మీనాక్షి చౌద‌రి, ఐశ్వ‌ర్య రాజేశ్‌లు క‌థానాయిక‌గాలుగా న‌టించిన ఈ చిత్రం బాక్సాఫీస్ వ‌ద్ద క‌లెక్ష‌న్ల సునామీ సృష్టిస్తోంది.
Hathya Review : ‘హత్య’ మూవీ రివ్యూ.. మర్డర్ మిస్టరీ..
విడుద‌లైన 9 రోజుల్లోనే ప్ర‌పంచ వ్యాప్తంగా రూ.230 కోట్ల గ్రాస్ క‌లెక్ష‌న్లు సాధించింది. ఈ విష‌యాన్ని చిత్ర బృందం తెలియ‌జేసింది. తొలి రోజే ఈ చిత్రం రూ.45 కోట్ల గ్రాస్ వ‌సూళ్లు చేసి వెంక‌టేష్ కెరీర్‌లో అత్య‌ధిక వ‌సూళ్ల‌ను రాబ‌ట్టిన చిత్రంగా నిలిచిన సంగ‌తి తెలిసిందే.
ఈ సినిమా బ్లాక్ బాస్ట‌ర్ విజ‌యాన్ని అందుకోవ‌డంతో పాటు ప‌లు వివాదాలు సైతం చుట్టు ముడుతున్నాయి. ఇప్ప‌టికే ఈ చిత్ర నిర్మాత దిల్ రాజు ఇంట్లో ఐటీ సోదాలు జ‌రుగుతున్నాయి. నాలుగు రోజులు పాటు ఐటీ అధికారులు దిల్ రాజు ఇంట్లో, కార్యాల‌యాల్లో సోదాలు నిర్వ‌హిస్తున్నారు. తాజాగా ఏపీ హైకోర్టులో ఈ చిత్ర ఆదాయం పై పిల్ దాఖ‌లైంది.
