Originals: ఈ ఏడాదిలో య‌స్ ఓరిజిన‌ల్స్ నుంచి తొమ్మిది సినిమాలు

కంటెంట్ ఓరియంటెడ్ సినిమాల‌తో త‌న‌దైన శైలిలో సినిమాలు చేస్తున్న య‌స్ ఓరిజిన‌ల్స్ ఈ ఏడాదిలో మ‌రింత వేగంగా సినిమాలు ప్లాన్ చేస్తుంది.

S Originals

S Originals: కంటెంట్ ఓరియంటెడ్ సినిమాల‌తో త‌న‌దైన శైలిలో సినిమాలు చేస్తున్న య‌స్ ఓరిజిన‌ల్స్ ఈ ఏడాదిలో మ‌రింత వేగంగా సినిమాలు ప్లాన్ చేస్తుంది. ఏకంగా తొమ్మిది సినిమాలు ఈ సంవ‌త్స‌రం య‌స్ ఓరిజిన‌ల్స్ బ్యాన‌ర్ నుంచి రాబోతున్నాయి. కాన్సెప్ట్‌లను నమ్మి ప్ర‌తి సినిమా డిఫరెంట్‌గా రూపొందించే కొత్త త‌రం ద‌ర్శ‌కుల‌ను ప‌రిచ‌యం చేసే ఎస్ ఎంటర్‌టైన్‌‌మెంట్స్ టాలీవుడ్‌లో త‌న ముద్ర‌ను బ‌లంగా వేసేందుకు సిద్ధం అవుతోంది.

నూతన సంవ‌త్స‌రంలోకి అడుగుపెట్టిన సంద‌ర్భంగా త‌మ సంస్థ‌నుంచి రాబోతున్న సినిమా విశేషాలపై నిర్మాత సృజ‌న్ య‌ర‌బోలు మాట్లాడుతూ.. య‌స్ ఓరిజిన‌ల్స్‌ను టాలీవుడ్‌లో ప్ర‌త్యేక స్థానంలో నిలుపాల‌న్న‌దే నా కోరిక‌. ఇప్ప‌టివ‌ర‌కు భాగ‌స్వామ్యంలో కొన్ని సినిమాల‌ను నిర్మించాము. కానీ ఇప్ప‌డు య‌స్ ఓరిజిన‌ల్స్ బ్యాన‌ర్ నుంచే ఈ యేడాది 9 సినిమాలు రిలీజ్ చేయబోతున్నాము. ఈ సినిమాల షూటింగ్స్ దాదాపుగా ముగింపు దశకు చేరుకోవడం సంతోషంగా ఉంది.

మా బ్యాన‌ర్ నుంచి రాబోతున్న ఈ సినిమాల ద్వారా కొత్త ద‌ర్శ‌కులు ప‌రిచ‌యం కాబోతున్నారు. టాలెంట్‌పై న‌మ్మ‌కంతో వారిని ప్రోత్స‌హించ‌డం జరుగుతోంది. ఇవే కాకుండా మ‌రికొన్ని క‌థ‌ల‌ను ఫైన‌ల్ చేశాము. విడుద‌ల‌కు సిద్దం అవుతున్న సినిమాల్లో బ్ర‌హ్మానందం, కలర్స్ స్వాతి, స‌ముద్ర‌ఖ‌ని, శివాత్మిక రాజ‌శేఖ‌ర్, రాహుల్ విజ‌య్ ప్ర‌ధాన పాత్ర‌ల‌లో న‌టిస్తున్న పంచ‌తంత్రం ముందు ఉంది.

ఇటీవలికాలంలో యూత్‌లో స్పెషల్ క్రేజ్ సొంతం చేసుకున్న సంతోష్ శోభ‌న్ హీరోగా, ఎమ్ ఆర్ ప్రొడక్షన్ డిజిటల్ మీడియాలో బ్రాండ్‌గా ఎదిగిన సుభాష్ ద‌ర్శ‌కునిగా ప‌రిచ‌యం చేస్తూ ఒక అంద‌మైన ప్రేమ‌క‌థ‌ను రూపొందించాం. ఈ సినిమా షూటింగ్ పూర్తి చేసుకొని పోస్ట్ ప్రోడ‌క్ష‌న్ ప‌నుల్లో ప్రస్తుతం ఉంది. ఒక కొత్త కాన్సెప్ట్‌తో సుమంత్ హీరోగా రూపొందిన అహం సినిమా షూటింగ్ ఆఖ‌రి షెడ్యూల్ జ‌రుగుతుంది.

కొత్త ద‌ర్శ‌కుడు బ్రిజేష్ ద‌ర్శ‌క‌త్వంలో వైర‌ల్, బ్ర‌హ్మానందం గారి త‌న‌యుడు గౌత‌మ్ హీరోగా చేస్తున్న సినిమా షూటింగ్ మొద‌టి షెడ్యూల్ కంప్లీట్ అయ్యింది ఈసినిమాతో సుబ్బు చెరుకూరి ద‌ర్శ‌కుడిగా ప‌రిచ‌యం అవుతున్నారు. గ‌తం సినిమాతో విమ‌ర్శ‌కుల ప్ర‌శంస‌లు పొందిన కిర‌ణ్ ద‌ర్శ‌క‌త్వంలో అదే టీంతో మ‌రో సినిమా రూపొందిస్తున్నాము. ఆ సినిమా షూటింగ్ చివ‌రి ద‌శ‌లో ఉంది.

వీటితో పాటు క‌న్న‌డంలో బీర్బల్ ట్రియాలజీ తీసిన ద‌ర్శ‌కుడు శ్రీని ద‌ర్శ‌క‌త్వంలో ఓల్డ్ మంక్ అనే సినిమాని రూపొందిస్తున్నాము. కొత్త ద‌ర్శ‌కుడు విష్ణు ద‌ర్శ‌త్వంలో మ‌లయాళంలో రూపొందుతున్న నైనాలో 96 మూవీ ఫేమ్ గౌరి కిషన్ లీడ్ రోల్‌లో చేస్తుంది. ఇప్పటికే షూటింగ్ పూర్త‌వగా.. బాలీవుడ్ పాపుల‌ర్ రైట‌ర్స్ సిద్దార్ధ, గ‌రీమ ద‌ర్శ‌క‌త్వంలో రూపొందున్న దుకాన్ మూవీ షూటింగ్ ఆఖ‌రి షెడ్యూల్‌ల‌లో ఉంది.

2022 సంవ‌త్స‌రం య‌స్ ఓరిజ‌న‌ల్స్ కి చాలా ప్ర‌త్యేకంగా ఉండ‌బోతుంది. మా సంస్థ‌నుండి తొమ్మ‌ది సినిమాలు రిలీజ్ అవుతాయి. కొత్త కాన్సెప్ట్ ల‌తో ప్రేక్ష‌కుల‌ను ఆక‌ట్టుకుంటాయ‌నే న‌మ్మ‌కం బ‌లంగా ఉంది. కొత్త టాలెంట్‌ని ప్రోత్స‌హించ‌డంలో య‌స్ ఓరిజిన‌ల్స్ సంస్థ ఎప్పుడూ ముందుంటుందని అన్నారు.