Sai Kumar : ‘ప్రణయగోదారి’ నుంచి సాయికుమార్ పవర్ ఫుల్ లుక్ రిలీజ్..
తాజాగా 'ప్రణయగోదారి' సినిమా నుంచి సాయికుమార్ పవర్ ఫుల్ లుక్ విడుదల చేసారు.
- Published By: 10TV Digital Team ,Published On : July 6, 2024 / 06:38 AM IST
Sai Kumar First Look Released from Pranaya Godari Movie by Komatireddy Rajagopal Reddy
Sai Kumar : కమెడియన్ అలీ సోదరుని తనయుడు సదన్ ప్రణయగోదారి అనే సినిమాతో హీరోగా ఎంట్రీ ఇస్తున్నాడు. సదన్, ప్రియాంక ప్రసాద్ జంటగా PL విఘ్నేష్ దర్శకత్వంలో పిఎల్‌వి క్రియేషన్స్‌ బ్యానర్ పై పారమళ్ళ లింగయ్య నిర్మాణంలో ఈ సినిమా తెరకెక్కుతుంది. సునీల్ రావినూతల, 30 ఇయర్స్ పృథ్వీ, సాయి కుమార్.. పలువురు నటీనటులు ఈ సినిమాలో ముఖ్య పాత్రలు పోషిస్తున్నారు.
తాజాగా ‘ప్రణయగోదారి’ సినిమా నుంచి సాయికుమార్ పవర్ ఫుల్ లుక్ విడుదల చేసారు. ఈ సినిమాలో సాయి కుమార్ పెద‌కాపు అనే ప‌వ‌ర్‌ఫుల్ పాత్ర‌లో క‌నిపించ‌బోతున్నారు. సాయి కుమార్ ఫస్ట్ లుక్ ని ఎమ్మెల్యే కోమ‌టి రెడ్డి రాజ‌గోపాల్ రెడ్డి రిలీజ్ చేసారు. ఈ సందర్భంగా ఆయన మాట్లాడుతూ.. మా మునుగోడుకి చెందిన పారుమ‌ళ్ళ లింగయ్య సినిమా నిర్మాణంలోకి వచ్చి ప్రణయగోదారి సినిమాని నిర్మిస్తున్నందుకు అభినంద‌న‌లు. ఆయనకు నా స‌హ‌కారం ఎప్పుడూ వుంటుంది. ఈ సినిమా మంచి హిట్ అయి భ‌విష్య‌త్‌లో లింగయ్య మరిన్ని సినిమాలు చేయాలి అని అన్నారు.
Also Read : Aarambham : ఓటీటీలోకి వచ్చేసిన ఎమోషనల్ సైన్స్ ఫిక్షన్ ‘ఆరంభం’..
సినిమా ద‌ర్శ‌క నిర్మాత‌లు మాట్లాడుతూ.. సాయికుమార్ ఫస్ట్ లుక్‌ను విడుదల చేసి, మా కంటెంట్‌ను మెచ్చుకొని అభినందించిన మునుగోడు ఎమ్మేల్యే కోమ‌టి రెడ్డి రాజ‌గోపాల్ రెడ్డి గారికి మా కృత‌జ్ఞత‌లు. ఫీల్‌గుడ్ ఎంట‌ర్‌టైన‌ర్‌గా ఈ సినిమా తెరకెక్కిస్తున్నాం. గోదారి అందాలు, అక్కడి ప్రజల జీవన విధానాలు సినిమాలో క‌నిపిస్తాయి. త్వరలోనే రిలీజ్ డేట్ ని ప్ర‌క‌టిస్తాం అని తెలిపారు.
