Spirit : ప్రభాస్ ‘స్పిరిట్‌’ స్టోరీ ఎలా ఉంటుందో చెప్పిన సందీప్ వంగ.. మొదటిరోజే 150 కోట్లు వస్తాయంట..

రీసెంట్ ఇంటర్వ్యూలో ప్రభాస్ 'స్పిరిట్‌' స్టోరీ ఎలా ఉంటుందో చెప్పిన సందీప్ వంగ. మొదటిరోజే 150 కోట్లు వస్తాయంటూ చెప్పుకొచ్చిన దర్శకుడు.

Spirit : ప్రభాస్ ‘స్పిరిట్‌’ స్టోరీ ఎలా ఉంటుందో చెప్పిన సందీప్ వంగ.. మొదటిరోజే 150 కోట్లు వస్తాయంట..

Sandeep Reddy Vanga comments about Prabhas Spirit movie story

Updated On : April 8, 2024 / 3:04 PM IST

Spirit : ప్రభాస్ అభిమానులంతా ఎంతో ఆశగా ఎదురు చూస్తున ప్రాజెక్ట్ ‘స్పిరిట్’. సందీప్ రెడ్డి వంగ డైరెక్ట్ చేస్తున్న ఈ సినిమాలో ప్రభాస్ మొదటిసారి పోలీస్ ఆఫీసర్ పాత్రని పోషిస్తున్నారు. యానిమల్ వంటి బ్లాక్ బస్టర్ తరువాత సందీప్ వంగ డైరెక్ట్ చేస్తున్న సినిమా కావడంతో ఫ్యాన్స్ ఈ ప్రాజెక్ట్ పై భారీ అంచనాలు పెట్టుకున్నారు. అర్జున్ రెడ్డి, యానిమల్ సినిమాల్లో హీరోల పాత్రలా.. స్పిరిట్ లో కూడా ప్రభాస్ ని చూసేందుకు క్యూరియాసిటీతో ఉన్నారు.

ప్రస్తుతం ప్రీ ప్రొడక్షన్ వర్క్స్ జరుపుకుంటున్న ఈ మూవీ గురించిన ఆసక్తికర విషయాలను సందీప్ వంగ రీసెంట్ ఇంటర్వ్యూలో తెలియజేసారు. ఈ మూవీ స్టోరీ గురించి మాట్లాడుతూ.. “ప్రభాస్ ఒక నిజాయితీ గల పోలీస్ ఆఫీసర్ పాత్రలో కనిపిస్తారు. అలాంటి ఆఫీసర్ జాబ్ లో, తనకి దగ్గర వ్యక్తి విషయంలో ఒక తప్పు జరుగుతుంది. ఆ తరువాత ఆ పోలీస్ ఆఫీసర్ ఎలా రియాక్ట్ అయ్యాడు” అనేది కథని చెప్పుకొచ్చారు.

Also read : Kannappa : ‘కన్నప్ప’లో మరో బాలీవుడ్ స్టార్ హీరో.. ఇంకెంతమందిని తీసుకొస్తాడో మంచు విష్ణు..

మూవీ స్క్రిప్ట్ ఆల్మోస్ట్ 60 శాతం పూర్తి అయ్యిందని చెప్పుకొచ్చారు. డిసెంబర్ నాటికీ స్క్రిప్ట్ మొత్తం పూర్తి చేసి.. షూటింగ్ కి తీసుకు వెళ్తామని పేర్కొన్నారు. ఇక ఈ మూవీ 300 కోట్ల బడ్జెట్ ని పెడుతున్నట్లు వెల్లడించారు. ట్రైలర్ అండ్ టీజర్ అనుకున్నట్లు ఆడియన్స్ కి రీచ్ అయితే.. ప్రభాస్ ఇమేజ్ కి మొదటిరోజే 150 కోట్లు వచ్చేస్తాయని సందీప్ వంగ తన ధీమాని వ్యక్తం చేశారు.

ఇక ఈ కామెంట్స్ తో ప్రభాస్ అభిమానుల్లో అంచనాలు మరింత పెరిగిపోయాయి. కాగా ఈ సినిమా స్క్రిప్ట్ ని యానిమల్ కంటే ముందే ప్రభాస్ కి వినిపించారట. కరోనా సమయంలో ప్రభాస్ కి ఈ స్టోరీ లైన్ చెప్పగా.. ఆయనకి బాగా నచ్చేసి గ్రీన్ సిగ్నల్ ఇచ్చారట.