Thalaivar 171 : రజినీకాంత్ సినిమా అప్డేట్‌ని లీక్ చేసిన సందీప్ వంగ.. లోకేష్ కనగరాజ్ అదరగొట్టేశాడట..

రజినీకాంత్ 171వ సినిమా అప్డేట్‌ని లీక్ చేసిన సందీప్ రెడ్డి వంగ. అదేంటంటే..

Thalaivar 171 : రజినీకాంత్ సినిమా అప్డేట్‌ని లీక్ చేసిన సందీప్ వంగ.. లోకేష్ కనగరాజ్ అదరగొట్టేశాడట..

Sandeep Reddy Vanga leaks Rajinikanth Thalaivar 171 movie update

Updated On : April 8, 2024 / 7:16 PM IST

Thalaivar 171 : కోలీవుడ్ లో తెరకెక్కుతున్న మోస్ట్ క్రేజిస్ట్ ప్రాజెక్ట్ తలైవర్ 171. రజినీకాంత్ హీరోగా రూపొందుతున్న ఈ చిత్రాన్ని లోకేష్ కనగరాజ్ డైరెక్ట్ చేస్తున్నారు. ఈ మూవీ పై తమిళ్ ఆడియన్స్ లో మాత్రమే కాదు, తెలుగు ప్రేక్షకుల్లో కూడా భారీ అంచనాలు నెలకొన్నాయి. ఇటీవల ఈ సినిమా నుంచి రజిని ఫస్ట్ లుక్ ని రిలీజ్ చేసి.. ఫ్యాన్స్ కి వింటేజ్ రజినీకాంత్ ని గుర్తు చేశారు.

దీంతో ఈ సినిమా పై మరిన్ని అంచనాలు క్రియేట్ అయ్యాయి. కాగా ఈ మూవీ టైటిల్ ని ఏప్రిల్ 22న ప్రకటిస్తామంటూ ప్రకటించిన సంగతి తెలిసిందే. అయితే ఆ రోజు కేవలం టైటిల్ అనౌన్స్‌మెంట్ మాత్రమే కాదట, టీజర్ కూడా రాబోతుందట. ఈ విషయాన్ని టాలీవుడ్ సెన్సేషనల్ డైరెక్టర్ సందీప్ రెడ్డి వంగ లీక్ చేశారు. రీసెంట్ గా ఈ డైరెక్టర్ ఓ బాలీవుడ్ ఇంటర్వ్యూలో పాల్గొన్నారు.

Also read : Spirit : ప్రభాస్ హాలీవుడ్ మూవీని రీమేక్ చేద్దాం అన్నారు.. కానీ నేను స్పిరిట్ మూవీని.. సందీప్ వంగ

ఆ ఇంటర్వ్యూలో మాట్లాడుతూ.. “నాకు విక్రమ్ సినిమా బాగా నచ్చింది. ఇటీవల లోకేష్ కనగరాజ్ ని కూడా కలుసుకున్నాను. ఆ సమయంలో రజినీకాంత్ కొత్త సినిమా టీజర్ ని చూసాను. ఆ సినిమా కోసం నేను ఎదురు చూస్తున్నాను” అంటూ చెప్పుకొచ్చారు. ఈ కామెంట్స్ తో టీజర్ కూడా రిలీజ్ అవుతుందని తెలియజేయడమే కాకుండా, ఆడియన్స్ లో టీజర్ పై హైప్ ని కూడా క్రియేట్ చేశారు. మరి సందీప్ కి నచ్చిన ఆ టీజర్ ఎలా ఉండబోతుందో చూడాలి.

ఇది ఇలా ఉంటే, ఈ సినిమాలో రజిని పాత్రతో సమానంగా ఓ పవర్‌ఫుల్ క్యారెక్టర్ ఉంటుందట. ఇక ఆ పాత్ర కోసం లోకేష్ కనగరాజ్.. షారుఖ్ ఖాన్ ని సంప్రదించినట్లు సమాచారం. అయితే ఆ ఆఫర్ ని షారుఖ్ చాలా సున్నితంగా తిరస్కరించారని, దీంతో ఆ ఆఫర్ ని రణ్‌వీర్‌ సింగ్ దగ్గరకి తీసుకు వెళ్లినట్లు వార్తలు వచ్చాయి. మరి వీటిలో ఎంత నిజముందో తెలియదు.