Rao Bahadur OTT : ఓటీటీలోకి సత్యదేవ్ ‘రావు బహదూర్’.. ఎప్పుడు, ఎందులో స్ట్రీమింగ్ కానుందంటే?
సత్యదేవ్ మెయిన్ లీడ్లో నటించిన రావు బహదూర్ (Rao Bahadur OTT) చిత్ర ఓటీటీ స్ట్రీమింగ్ తేదీ ఫిక్సైంది.
- Published By: Thota Vamshi Kumar , Updated On : July 28, 2026 / 1:05 PM IST
Satyadev Rao Bahadur OTT streaming date fix
Rao Bahadur OTT : సత్యదేవ్ మెయిన్ లీడ్లో నటించిన చిత్రం ‘రావు బహదూర్’. దీపా థామస్ కథానాయికగా నటించగా వెంకటేష్ మహా దర్శకత్వంలో ఈ మూవీ తెరకెక్కింది. మహేష్ బాబు, నమ్రతా శిరోద్కర్ జిఎంబి ఎంటర్టైన్మెంట్ సమర్పణలో ఏ+ఎస్ మూవీస్, శ్రీచక్రాస్ ఎంటర్టైన్మెంట్స్ బ్యానర్స్ పై చింతా గోపాలకృష్ణ రెడ్డి, అనురాగ్ రెడ్డి, శరత్ చంద్ర లు ఈ చిత్రాన్ని నిర్మించారు. సైకాలజికల్ థ్రిల్లర్ జానర్లో రూపుదిద్దుకున్న ఈ మూవీ జూలై 3న ప్రేక్షకుల ముందుకు వచ్చింది.
సత్యదేవ్ పాత్ర, ఆయన నటన విమర్శకులతో పాటు సినీ ప్రముఖులను సైతం మెప్పించింది. థియేటర్లలో అలరించిన ఈ చిత్రం ఎప్పుడెప్పుడు ఓటీటీలోకి వస్తుందా? అని ఆసక్తిగా ఎదురుచూస్తున్న వారికి శుభవార్త ఇది. ఈ చిత్ర ఓటీటీ తేదీ ఫిక్సైంది.
ప్రముఖ ఓటీటీ సంస్థ నెట్ఫ్లిక్స్లో జూలై 31 నుంచి స్ట్రీమింగ్ కానుంది. తెలుగుతో పాటు హిందీ, తమిళ్, కన్నడ, మలయాళ బాషల్లో అందుబాటులో ఉండనున్నట్లు నెట్ఫ్లిక్స్ సోషల్ మీడియా వేదికగా వెల్లడించింది.
Samajika nibandhanalatho mee burrani kadagadaniki Rao Bahadur osthunnadu! 😎👑 pic.twitter.com/A97zYKYU8i
— Netflix India South (@Netflix_INSouth) July 28, 2026
