‘బి ద రియల్ మ్యాన్’ ఛాలెంజ్ పూర్తి చేసిన రౌడీ.. ఏం చేశాడో తెలుసా!
- Published By: vijay ,Published On : April 25, 2020 / 08:52 AM IST
ప్రస్తుతం టాలీవుడ్ ప్రముఖుల్లో ఒకరి నుండి మరొకరికి చేరుతున్న ‘బి ద రియల్ మ్యాన్’ ఛాలెంజ్‌‌లో భాగంగా ఇటీవల యంగ్ టైగర్ ఎన్టీఆర్ విసిరిన ఛాలెంజ్ సక్సెస్ఫుల్‌గా పూర్తి చేసిన డైరెక్టర్ కొరటాల శివ, ఆపై దానిని యూత్ సెన్సేషన్ విజయ్ దేవరకొండకు విసరగా, ‘శివ గారు మా అమ్మ మమ్మల్ని ఇంట్లో పనులు చేయనీయడం లేదు, మమ్మల్ని రియల్ మెన్‌గా కాదు, ఇంకా చిన్నపిల్లల మాదిరిగానే చూస్తోంది.
అయినప్పటికీ ఈ లాక్‌డౌన్ ముగిసేలోపు ఏదో విధంగా మీరు ఇచ్చిన ఛాలెంజ్‌ని సక్సెస్ఫుల్‌గా పూర్తి చేస్తాను’ అంటూ ట్వీటిన రౌడీ తాజాగా ఛాలెంజ్ పూర్తి చేశాడు. హౌస్ క్లీనింగ్, వాటర్ పట్టడంతో పాటు మ్యాంగో ఐస్‌క్రీమ్ తయారు చేసి, అమ్మ, తమ్ముడికి సర్వ్ చేశాడు. ఈ వీడియో సోషల్ మీడియాలో వైరల్ అవుతోంది.
ఇక నీ వంతు అంటూ మలయాళ యంగ్ హీరో దుల్కర్ సల్మాన్‌కు ఛాలెంజ్ విసిరాడు రౌడీ.
