Vinayaka Chavithi Special Event Jai Jai Ganesha Telecast
Vinayaka Chavithi : ప్రతి పండక్కి బుల్లితెరపై ఈటీవీలో స్పెషల్ ఈవెంట్ ని టెలికాస్ట్ చేస్తారని తెలిసిందే. నేడు వినాయక చవితి సందర్భంగా జై జై గణేశా అనే ఈవెంట్ ని స్పెషల్ గా టెలికాస్ట్ చేశారు. మల్లెమాల సంస్థ ఈ ఈవెంట్ ని రూపొందించింది. ఈ ఈవెంట్ లో జబర్దస్త్ వర్సెస్ శ్రీదేవీ డ్రామా కంపెనీ అన్నట్టు సాగింది. ఈ ఈవెంట్లో ఇంద్రజ, కుష్బూలతో పాటు శివాజీ కూడా వచ్చి సందడి చేశారు. రష్మీ హోస్ట్ గా ఈ ఈవెంట్ సాగింది.
Also Read : Viran Muttamsetty : అల్లు అర్జున్ కజిన్ విరాన్ ముత్తంశెట్టి.. కొత్త సినిమా అనౌన్స్..
ఇక ఈ షోలో నటుడు శివాజీ త్వరలో ఒక షోకి జడ్జ్గా వస్తానని చెప్పారు. అయితే అది జబర్దస్త్ షోకి జడ్జ్గా వస్తారా? శ్రీదేవీ డ్రామా కంపెనీకి జడ్జ్గా వస్తారా? అన్నది మాత్రం చెప్పలేదు. ఈ రెండు షోలకు జడ్జీలుగా ఉన్న కుష్బూ, ఇంద్రజలను కాసేపు ఆట పట్టించారు శివాజీ. ఈ ఈవెంట్లో జబర్దస్త్ ఆర్టిస్టులు, శ్రీదేవీ డ్రామా కంపెనీ ఆర్టిస్టులు పోటాపోటీగా స్కిట్లు, పర్ఫార్మెన్స్ లు చేశారు.
ఓ పక్క ఎంటర్టైన్మెంట్ తో పాటు ఇటీవల వచ్చిన వరదలు, వాటి వల్ల వచ్చిన నష్టాలను కూడా ఎమోషనల్ గా చూపించారు. దీంతో ఈ జై జై గణేశా ఈవెంట్ బాగానే సక్సెస్ అయింది.