VJ Sunny – Sound Party : సినీ జ‌ర్న‌లిస్టుల చేతుల మీదుగా.. విజె సన్నీ కొత్త మూవీ టైటిల్ లోగో లాంచ్‌..
బిగ్ బాస్ ఫేమ్ విజె సన్నీ తన కొత్త మూవీ టైటిల్ ని అనౌన్స్ చేశాడు. సినీ జ‌ర్న‌లిస్టుల చేతుల మీదుగా ఈ మూవీ టైటిల్ లోగోని..
- Published By: 10TV Digital Team ,Published On : June 28, 2023 / 07:24 PM IST
VJ Sunny new movie Sound Party titled logo released by movie journalists
VJ Sunny – Sound Party : ఫుల్ మూన్ మీడియా ప్రొడక్షన్స్ పతాకంపై తొలి ప్ర‌య‌త్నంగా బిగ్ బాస్ – 5 టైటిల్ విన్నర్ విజె సన్నీ హీరోగా, హ్రితిక శ్రీనివాస్ హీరోయిన్ గా నటిస్తున్న నూతన చిత్రం ‘సౌండ్ పార్టీ’. దర్శకుడు జయశంకర్ సమర్పణలో టాలెంటెడ్ రైటర్ ‘సంజయ్ శేరి’ ఈ చిత్రం ద్వారా దర్శకుడిగా పరిచయం కాబోతున్నారు. ఈ చిత్రం నేటితో షూటింగ్ విజ‌య‌వంతంగా పూర్తి చేసుకున్న సంద‌ర్భంగా సార‌థి స్టూడియోలో ఈ చిత్రానికి సంబంధించిన టైటిల్ లోగో పోస్ట‌ర్ ను జ‌ర్న‌లిస్ట్ ల చేతుల మీదుగా ఆవిష్క‌రించారు.
Yadamma Raju : ఏడాది కాకముందే కమెడియన్ జంట విడాకులు.. ఏమైందో చెప్పిన యాదమ్మ రాజు!
జ‌ర్న‌లిస్ట్ గా మొద‌లైన స‌న్ని కెరీర్ దిన‌దినాభివృద్ధి చెందుతూ ముందుకెళుతోందని, ఈ సినిమాతో త‌ను సిల్వ‌ర్ స్క్రీన్ పై మ‌రింత సౌండ్ చేయాల‌ని కోరుకుంటున్నట్లు జ‌ర్న‌లిస్టులు తమ ఆశాభావం వ్యక్తం చేస్తూ మూవీ టీంకి ఆల్ ది బెస్ట్ చెప్పారు. కాగా నిన్న (జూన్ 27) ఈ సినిమా ప్రమోషన్స్ లో భాగంగా సన్నీ.. పార్టీ పెట్ట‌బోతున్నా అంటూ రిలీజ్ చేసిన వీడియో బాగా వైరల్ అయ్యింది. అయితే అది సౌండ్ పార్టీ అని నేడు తెలిసింది. ఈ సినిమాలో 30 ఇయ‌ర్స్ పృథ్వీ ఒక ముఖ్య పాత్రలో నటిస్తున్నాడు.
Vijay Antony Hatya Movie : జూలై 21న విజయ్ ఆంటోనీ ‘హత్య’
ఈ చిత్ర షూటింగ్ ని కేవలం 25 రోజుల్లోనే పూర్తి చేసినట్లు నిర్మాత ర‌వి పోలిశెట్టి తెలియజేశారు. ముందుగా అనుకున్నట్లే ఈ సినిమాని ఆగష్టులో రిలీజ్ చేసేలా ప్రణాళిక సిద్ధం చేస్తున్నట్లు వెల్లడించారు. ఇక ఈ సినిమాకి మోహిత్ రెహ‌మానిక్ సంగీతం అందిస్తున్నాడు. కాగా సౌండ్ పార్టీ టైటిల్ మంచి క్యాచీగా ఉంది. వరుస సినిమాలు, వెబ్ సిరీస్ తో దూసుకుపోతున్న సన్నీ.. ఈ సినిమాతో ఎలాంటి సక్సెస్ ని అందుకున్నాడో చూడాలి.
VJ Sunny new movie Sound Party titled logo released by movie journalists
VJ Sunny new movie Sound Party titled logo released by movie journalists
VJ Sunny new movie Sound Party titled logo released by movie journalists
VJ Sunny new movie Sound Party titled logo released by movie journalists
