VN Aditya : సమ్మె పేరుతో కార్మికులను షూటింగులకు దూరం చేసి.. రోడ్డు మీద పడేయడం కాదు.. డైరెక్టర్ ఫైర్..

(VN Aditya) తాజాగా సీనియర్ డైరెక్టర్ వి.ఎన్.ఆదిత్య సమ్మెపై ఫైర్ అయ్యారు. సమ్మె పేరుతో కార్మికులను షూటింగులకు దూరం చేసి.

VN Aditya

VN Aditya : గత రెండు వారాల నుండి తెలుగు ఫిలిం ఫెడరేషన్ ఏకంగా 30 శాతం వేతనాలు పెంచాలని డిమాండ్ చేస్తూ సినీ కార్మికులతో కలిసి షూటింగ్స్ కి వెళ్లకుండా సమ్మె చేస్తుంది. నిర్మాతలు దీనిని వ్యతిరేకిస్తున్నారు. వేతనాలు పెంచుతాం కానీ కొన్ని డిమాండ్స్ ఉన్నాయి అని నిర్మాతలు అడిగిన వాటికి కూడా ఫిలిం ఫెడరేషన్ ఒప్పుకోవట్లేదు. ఇప్పటికే దీనిపై పలువురు నిర్మాతలు కొంతమంది యూనియన్ లీడర్స్, ఫెడరేషన్ నాయకులపై డైరెక్ట్ గానే విమర్శలు చేసారు. వాళ్ళు యూనియన్స్ పేరుతో నిర్మాతలకు ఎంత నష్టం కలిసాగిస్తున్నారో ప్రెస్ మీట్ పెట్టి మరీ వివరించారు. తాజాగా సీనియర్ డైరెక్టర్ వి.ఎన్.ఆదిత్య(VN Aditya) సమ్మెపై ఫైర్ అయ్యారు.

డైరెక్టర్ వి.ఎన్.ఆదిత్య తన సోషల్ మీడియాలో.. ఒక వ్యక్తి సినిమాల్లోకి వచ్చి డబ్బులొస్తేనే తీస్తాను రాకపోతే వేరే వ్యాపారంలో పెడతాను అనుకోకుండా లాభమొచ్చినా నష్టమొచ్చినా సినిమాలే తీస్తూ తన బయటి వ్యాపారాలలో వచ్చిన లాభాలు కూడా సినిమా రంగం మీదకే మళ్లిస్తూ ఈ రంగంలో పదేళ్లలో దాదాపు వెయ్యికోట్ల పైగా పెట్టుబడి పెట్టుకుని ఫ్లాపుల్ని, ట్రోలింగులని ఎదురీదుతూ మొండిగా తట్టుకుని నిలబడితే ఆయన్ని ఎంకరేజ్ చేసి మరిన్ని మంచి సినిమాలు చేసేలా ప్రోత్సహించాల్సింది పోయి అబద్ధపు ప్రచారాలతో, స్వార్ధపూరిత రాజకీయాలతో కుల వివక్షలతో ఈ రంగం మీద పెట్టుబడిని బయటి రంగాలకి మళ్లించేలా మన ప్రవర్తన ఉంటే ఎవడికిరా నష్టం.

Also Read : Naga Susheela : నా తమ్ముడు.. అక్క చెప్పిన మాటలకు ‘నాగార్జున’ ఎమోషనల్.. నాగ్ వల్లే ఆయన ప్రశాంతంగా కన్నుమూశారు..

యాభై సినిమాలకు రెండొందల మందికి పైగా పదేళ్లలో ఆయన పెట్టిన మూడు పూటల భోజనం ఖర్చు మాత్రమే ఒక పది పెద్ద సినిమాల బడ్జెట్టు. కారు డ్రైవర్లకి, ప్రొడక్షన్ బాయ్స్ కి డబ్బులెగ్గొట్టి, హీరో, హీరోయన్స్ కి మాత్రమే డబ్బులిచ్చి, బడా ప్రొడ్యూసర్స్ లా మార్కెట్ లో పోజు కొట్టే చాలామందిని ఒక్క మాట అనలేని యూనియన్ లీడర్లు ఈయన మీద మాత్రం విరుచుకు పడిపోతారు. ఏ కార్మిక సంఘం అయినా వర్కర్ కి అన్యాయం చేసిన ప్రొడ్యూసర్ పై పడాలి. వేలమంది వర్కర్స్ కి పని కల్పించే ప్రొడ్యూసర్స్ మీద కాదు.

ఈ సమ్మె వల్ల కడుపులు కాలుతున్న కార్మికులు లక్షల్లో ఉన్నారు తెలుగు ఇండస్ట్రీలో. వాళ్ల ఆకలి బాధలకు ఏ యూనియన్ నాయకుడు సమాధానం చెప్తాడు. కళారంగంలో పని దొరకడమే మొదటి ప్రాధాన్యత. దానిని ఆపే సంఘాలు ఉన్నా ఒకటే.. ఊడినా ఒకటే. చేతనైతే యూనియన్లు అన్నీ కలిసి ఒక్క రోజు షూటింగ్ జరిగేందుకు దోహదపడాలి కానీ ఆపడానికి కాదు.

Also Read : Thama Teaser : ర‌ష్మిక ఫ‌స్ట్ హార‌ర్ సినిమా.. ‘థామా’ టీజ‌ర్ వ‌చ్చేసింది..

ఎన్నుకున్న నాయకులు షూటింగులకు అంతరాయం కలగకుండా సమస్యలకు పరిష్కారం తేవాలి అది సామర్ధ్యం అంటే. పనుంటే గాని డబ్బు, అన్నం దొరకని పరిశ్రమలో పని ఆపి ఎవ్వరూ ఎవ్వరినీ ఉద్ధరించలేరు. నేను ఏ యూనియన్ లో అయినా సాధారణ సభ్యుడినే గానీ ఏ పదవిలోనూ ప్రస్తుతం లేను. అయినా నాకేం తెలుసని ఈ పోస్ట్ పెట్టానని ఎవరైనా అనుకుంటే ముప్ఫై అయిదేళ్లుగా సినిమా రంగంలో వస్తున్న ప్రతి మార్పు కి ప్రత్యక్ష సాక్షిని నేను. నా అనుభవాన్ని మించిన అర్హత లేదు అని కచ్చితంగా చెప్పగలను. రెండు శాతం సక్సెస్ రేటున్న రంగానికి ఇన్వెస్ట్ మెంట్లు తెప్పించడం చాలా కష్టం. రెండు వేల ఎనిమిది నుండి నా ద్వారా వచ్చిన పెట్టుబడులు రెండు వేల కోట్లు. రాబోయే పెట్టుబడులు మరో వేయి కోట్ల పైనే. నా వల్ల వచ్చిన గౌరవం ముప్ఫై రెండు జాతీయ, అంతర్జాతీయ స్థాయి పురస్కారాలు. ఇంతకన్నా అర్హత కావాలా మాట్లాడడానికి..? నిర్మాతల్ని సినిమాలు తీయనివ్వండి. కార్మికులు బాగుంటారు. షూటింగులు ఆపకండి. అడుక్కు తినాల్సి వస్తుంది. సినిమా అనేది పని చేసేవాడికి మాత్రమే పరమాన్నం పెడుతుంది. పని లేని రోజున పస్తులు పెట్టి పడుకోపెడుతుంది. ఇది తెలుసుకుని మసలుకోండి.

సమ్మె చేస్తే గాని సమస్య పరిష్కారం కాలేదంటే ముందు ఆ సంఘం నాయకుణ్ని మార్చెయ్యాలి. చర్చలతో సమస్యలకి పరిష్కారం తేలేని నాయకుడు ఏ సంఘానికైనా అప్రయోజకుడే. దాసరి గారైనా, చిరంజీవి గారైనా, తమ్మారెడ్డి భరద్వాజ గారైనా, మోహన్ బాబు గారైనా, బాలకృష్ణ గారైనా, ఇటువంటి సమస్య వస్తే సమ్మె పరిష్కారం కాదని చర్చలతోనే పరిష్కరించుకుందాం అని ముందే చెప్తారు, పరిష్కారం తెస్తారు. ఈ లోగా వచ్చే భత్యాన్ని ఆపద్దని చెప్తారు. ఎవరైనా ఇదే చెప్తారు, చెప్పాలి కూడా. అదీ కార్మికుల సంక్షేమం గురించి ఆలోచించడం అంటే. సమ్మె పేరుతో వాళ్లని షూటింగులకు దూరం చేసి రోడ్డు మీద పడేయడం కాదు లీడర్ షిప్ అంటే అని ఫైర్ అయ్యారు. దీంతో ఈ డైరెక్టర్ వ్యాఖ్యలు టాలీవుడ్ లో చర్చగా మారాయి.

Also Read : Nandamuri Family : నందమూరి కుటుంబంలో విషాదం.. ఆ హీరో తల్లి కన్నుమూత..