మహబూబ్​నగర్​లో “జీ తెలుగు” తారల సందడి..

నటీనటుల అదిరిపోయే ఎంట్రీతో ఆరంభమైన కార్యక్రమం కోలాహలంగా సాగింది.

ప్రత్యేక కార్యక్రమాలతో తెలుగు ప్రేక్షకులను అలరిస్తోంది ​జీ తెలుగు ఛానల్. వీక్షకులకు రెట్టింపు వినోదాన్ని అందించేందుకు ఎప్పటికప్పుడు ప్రత్యేక కార్యక్రమాలతో ప్రజల్లోకి వెళ్లే జీ తెలుగు తాజాగా మహబూబ్​నగర్​ వేదికగా “పడమటి సంధ్యారాగంలో జానకి పుట్టినరోజు వేడుక” పేరిట మెగా ఈవెంట్​ నిర్వహించింది.

విజయవంతంగా కొనసాగుతున్న జీ తెలుగు సీరియల్స్​ పడమటి సంధ్యారాగం, ముక్కుపుడక, చామంతి నటీనటులు తమ అభిమానులను నేరుగా కలిసేందుకు ఆత్మీయ సమ్మేళన కార్యక్రమాన్ని నిర్వహించింది. అభిమాన ప్రేక్షకుల మధ్య కోలాహలంగా జరిగిన ‘పడమటి సంధ్యారాగంలో జానకి పుట్టినరోజు వేడుక’ కార్యక్రమాన్ని మే 18న (ఆదివారం) రాత్రి 7 గంటలకు మీ జీ తెలుగులో చూడొచ్చు.

రవి వ్యాఖ్యాతగా వ్యవహరించిన ఈ కార్యక్రమం ఆద్యంతం ప్రేక్షకులకు వినోదం పంచింది. జీ తెలుగు ప్రేక్షకులను మెప్పిస్తూ విజయవంతంగా కొనసాగుతున్న పడమటి సంధ్యారాగం, ముక్కుపుడక, చామంతి సీరియల్స్​ నటీనటులు ఈ వేదికపై నుంచి తమ అభిమానులతో సంభాషించి వారి సంతోషంలో పాలుపంచుకున్నారు. నటీనటుల అదిరిపోయే ఎంట్రీతో ఆరంభమైన కార్యక్రమం కోలాహలంగా సాగింది.

దాదాపు 50 మంది కుటుంబ సభ్యులు ఉన్న ఓ ఉమ్మడి కుటుంబం ఈ కార్యక్రమంలో పాల్గొని పడమటి సంధ్యారాగం సీరియల్​ కుటుంబాన్ని కలిసి ముచ్చటించారు. వికలాంగురాలైన ఒక అభిమాని చామంతి(మేఘనా లోకేష్)ని కలిసి ముచ్చటించడం అందరి హృదయాలను హత్తుకుంది.

ఆద్య(ప్రీతి శర్మ)-రామలక్ష్మి(సౌందర్య) మధ్య జరిగిన జుగల్భందీ మరింత వినోదాన్ని పంచింది. జానపద గాయకుడు రాము రాథోడ్- త్రినయని(అషిక) గాన కచ్చేరి ప్రేక్షకుల్లో ఉత్సాహాన్ని రెట్టింపు చేసింది. జీ తెలుగు నటీనటులు తమ అభిమానులతో సెల్ఫీలు దిగడం, బహుమతులతో సర్ ప్రైజ్ చేయడంతోపాటు వారిని పలకరించి ముచ్చటించారు. ఘనంగా జరిగిన ఈ సరదా సంబరాన్ని జీ తెలుగు వేదికగా మీరూ మిస్​ కాకుండా చూసేయండి!