కరోనా కల్లోలం.. 6 నెలల పసికందుకి కోవిడ్ పాజిటివ్

తీవ్ర జ్వరం, దగ్గు, జలుబుతో పసికందు బాధపడుతోందని డాక్టర్లు తెలిపారు.

6 Month Old Baby Test Corona Positive

Coronavirus : దేశంలో మరోసారి కరోనావైరస్ మహమ్మారి కల్లోలం రేపుతోంది. క్రమంగా కోవిడ్ పాజిటివ్ కేసులు పెరుగుతున్నాయి. పలు రాష్ట్రాల్లో కేసులు వెలుగుచూస్తున్నాయి. ఇదిలా ఉండగా పసికందులు కరోనా బారిన పడుతుండటం ఆందోళనకు గురి చేస్తోంది.

తెలంగాణలో 14 నెలల చిన్నారికి వైరస్ సోకడం అందరినీ షాక్ కి గురి చేసింది. తాజాగా వెస్ట్ బెంగాల్ లో 6 నెలల పసికందుకు కరోనా పాజిటివ్ రావడం ఆందోళన కలిగిస్తోంది. కోల్ కతా మెడికల్ కాలేజీ అండ్ హాస్పిటల్ లో చిన్నారికి చికిత్స అందిస్తున్నారు. తీవ్ర జ్వరం, దగ్గు, జలుబుతో పసికందు బాధపడుతోందని డాక్టర్లు తెలిపారు.

Also Read : దక్షిణాదిలో పెరుగుతున్న కోవిడ్ కేసులు.. తెలుగు రాష్ట్రాల్లోను మహమ్మారి కలవరం

పశ్చిమ బెంగాల్ లో మూడు కరోనా కేసులు నమోదయ్యాయి. బాధితుల్లో 6 నెలల చిన్నారి కూడా ఉంది. పసికందు తల్లిదండ్రులు బీహార్ నుంచి వెస్ట్ బెంగాల్ కు వచ్చారు. కరోనా బారిన పడ్డ ముగ్గురూ.. తీవ్రమైన జ్వరం, దగ్గు, జలుబుతో బాధపడుతున్నారు. ఆర్టీ పీసీఆర్ టెస్ట్ చేయగా.. కరోనా పాజిటివ్ గా నిర్ధారణ అయ్యింది. కాగా, ఇవాళ దేశంలో 640 కరోనా కేసులు నమోదయ్యాయి. యాక్టివ్ కేసుల సంఖ్య 2వేల 997కి చేరింది.

కాగా, కరోనా కొత్త వేరియంట్ JN.1 ప్రభావంతో కేసులు పెరుగుతున్నాయి. అయితే, కోవిడ్ కొత్త వేరియంట్ JN1 పై పెద్దగా ఆందోళన చెందాల్సిన అవసరం లేదని అధికారులు చెబుతున్నారు. దీనికి వేగంగా విస్తరించే లక్షణం ఉన్నప్పటికీ.. ఆసుపత్రికి వెళ్లాల్సిన అవసరం లేకుండానే కోలుకుంటున్నారని వెల్లడించారు.

దీర్ఘకాలిక వ్యాధులు ఉన్న వాళ్లకు కొత్త వేరియంట్ త్వరగా సోకే ప్రమాదం ఉందన్నారు. హైదరాబాద్ లో 14 నెలల చిన్నారికి కరోనా పాజిటివ్ గా నిర్ధారణ అయినట్లు నిలోఫర్ డాక్టర్లు తెలిపారు. నాంపల్లికి చెందిన చిన్నారి జ్వరం, న్యుమోనియాతో బాధపడుతోంది. కోవిడ్ పరీక్ష చేయగా పాజిటివ్ వచ్చింది. ప్రస్తుతం చిన్నారి ఆరోగ్యం నిలకడగా ఉందని డాక్టర్లు తెలిపారు.

Also Read : సెల్ ఫోన్ అడిక్షన్ నుండి బయటపడాలా? జస్ట్ బ్లాక్ వాల్ పేపర్ సెట్ చేసుకోండి చాలు

కొవిడ్ కొత్త వేరియంట్ JN.1 పై శాస్త్రవేత్తలు ఆందోళన వ్యక్తం చేశారు. గత వేరియట్లు ఊరిపితిత్తులను టార్గెట్ చేయగా, ఈ కొత్త వేరియంట్ తో జీర్ణవ్యవస్థ ప్రభావితమయ్యే అవకాశాలు ఎక్కువ అని తెలిపారు. గత ఇన్ఫెక్షన్లు, వ్యాక్సిన్ల ప్రభావంతోనే ఈ వైరస్ రూపాంతరం చెంది ఉండొచ్చన్నారు. రోగనిరోధక వ్యవస్థ కూడా గుర్తించలేని విధంగా ఈ JN.1 ఉందన్నారు శాస్త్రవేత్తలు.