అమెరికా నుంచి రూ.32,000 కోట్లతో 31 ప్రిడేటర్ డ్రోన్ల కొనుగోలు కోసం ఒప్పందం కుదుర్చుకున్న భారత్
భారత సాయుధ బలగాల నిఘా సామర్థ్యాలను మరింత పెంపొందించడానికి ప్రిడేటర్ డ్రోన్లు బాగా ఉపయోగపడతాయి.
- Published By: 10TV Digital Team ,Published On : October 15, 2024 / 02:00 PM IST
Predator drones: అమెరికా నుంచి రూ.32,000 కోట్లతో 31 ప్రిడేటర్ డ్రోన్ల కొనుగోలు కోసం ఆ దేశంతో భారత్ ఇవాళ ఒప్పందం చేసుకుంది. ఇండియన్ ఆర్మీ, నేవీ, ఎయిర్ ఫోర్స్ కోసం వీడిని వాడతారు. ఇరు దేశాల అధికారుల సమక్షంలో ఈ సంతకాలు జరిగాయి.
భారత్‌లో ఆ డ్రోన్ల మెయింటెనెన్స్, రిపేర్, సమగ్ర సదుపాయాల కోసం ఈ ఒప్పందం జరిగింది. భారత సాయుధ బలగాల నిఘా సామర్థ్యాలను మరింత పెంపొందించడానికి ప్రిడేటర్ డ్రోన్లు బాగా ఉపయోగపడతాయి. ఈ ఫారిన్ మిలిటరీ సేల్స్ ఒప్పంద కాంట్రాక్టుల కోసం అమెరికా బృందం భారత్‌కు వచ్చినట్లు రక్షణ శాఖ అధికారులు చెప్పారు.
ఇటీవలే భారత భద్రతా వ్యవహారాల క్యాబినేట్ కమిటీ ప్రిడేటర్ డ్రోన్ల కొనుగోళ్లకు ఆమోదం తెలిపిన విషయం తెలిసిందే. ఈ డ్రోన్లలో 15 నావికా దళానికి, మిగతావి వైమానిక, ఆర్మీకి వెళ్తాయి. అమెరికాతో ఈ ఒప్పందం కోసం చాలా కాలంగా ప్రయత్నాలు జరిగాయి. కొన్నివారాల క్రితం అడ్డంకులు అన్నీ తొలగిపోయాయి.
డెలావేర్‌లో జరిగిన క్వాడ్ లీడర్స్ సమ్మిట్ సందర్భంగా డ్రోన్ల కొనుగోలుకు సంబంధించి ప్రధాని నరేంద్ర మోదీ, అమెరికా అధ్యక్షుడు జో బిడెన్ చర్చలు జరిపిన నెలలోపే ఈ ఒప్పందంపై తుది నిర్ణయం తీసుకోవడం గమనార్హం. ఎంక్యూ-9బీ ప్రిడేటర్లు నిశ్శబ్దంగా ఆపరేషన్‌ను పూర్తి చేస్తాయి. దాని స్టెల్త్ ఫీచర్ మిగతా డ్రోన్లకు ఉండదు. ఈ డ్రోన్ భూమి నుంచి 250 మీటర్ల ఎత్తు వరకు చేరుకుంటుంది.
Video: ఛాతీపై రతన్ టాటా ముఖాన్ని టాటూగా వేయించుకున్న యువకుడు.. ఎందుకంటే?
