Triple Train Accident : ఘోర రైలు ప్రమాదంలో 300 మంది మృతి..ప్రధాని మోదీ రాక
మరోవైపు ప్రమాద స్థలంలో సహాయక చర్యలు ముగిశాయని రైల్వే అధికారులు తెలిపారు. భారతదేశంలో నాల్గవ ఘోరమైన రైలు ప్రమాదంగా గుర్తించారు. కోల్‌కతాకు దక్షిణాన 250 కిలోమీటర్ల దూరంలో, భువనేశ్వర్‌కు 170 కిలోమీటర్ల దూరంలో ఉన్న బాలాసోర్ జిల్లాలోని బహనాగ బజార్ స్టేషన్ సమీపంలో శుక్రవారం రాత్రి 7 గంటల ప్రాంతంలో ఈ ప్రమాదం జరిగింది
- Published By: 10TV Digital Team ,Published On : June 3, 2023 / 01:50 PM IST
Triple Train Accident
Triple Train Accident: ఒడిశా రాష్ట్రంలోని బాలాసోర్ లో మూడు రైళ్లు ఢీకొన్న ఘోర ప్రమాదంలో మృతుల సంఖ్య 300కి చేరుకుంది. ఈ ప్రమాదంలో 900 మందికి పైగా ప్రయాణికులు గాయపడ్డారు. శనివారం ప్రధాని నరేంద్ర మోదీ ఢిల్లీ నుంచి ఒడిశా రైలు ప్రమాద స్థలానికి బయలుదేరారు.రైలు ప్రమాద స్థలాన్ని, గాయపడిన వారిలో కొందరిని చేర్చిన ఆసుపత్రిని ప్రధాని మోదీ సందర్శించనున్నారు.ప్రధాని కటక్‌లోని ఆసుపత్రిని సందర్శించి అక్కడ రైలు ప్రమాద క్షతగాత్రులను పరామర్శించనున్నారు. శనివారం తెల్లవారుజామున ఒడిశా రైలు ప్రమాదానికి సంబంధించి పరిస్థితిని సమీక్షించడానికి ప్రధాని ఢిల్లీలో సమావేశాన్ని ఏర్పాటు చేశారు.
ఇది కూడా చదవండి : Odisha train accident Updates: బాలాసోర్ రైలు ప్రమాదం లైవ్ అప్‌డేట్‌లు
మరోవైపు ప్రమాద స్థలంలో సహాయక చర్యలు ముగిశాయని రైల్వే అధికారులు తెలిపారు. భారతదేశంలో నాల్గవ ఘోరమైన రైలు ప్రమాదంగా గుర్తించారు. కోల్‌కతాకు దక్షిణాన 250 కిలోమీటర్ల దూరంలో, భువనేశ్వర్‌కు 170 కిలోమీటర్ల దూరంలో ఉన్న బాలాసోర్ జిల్లాలోని బహనాగ బజార్ స్టేషన్ సమీపంలో శుక్రవారం రాత్రి 7 గంటల ప్రాంతంలో ఈ ప్రమాదం జరిగింది.ఈ రైలు ప్రమాదంపై సౌత్ ఈస్ట్ సర్కిల్ కమిషనర్ రైల్వే సేఫ్టీ ఏఎం చౌదరి నేతృత్వంలో విచారణ జరుగుతుందని భారతీయ రైల్వే ఒక ప్రకటనలో తెలిపింది. కమిషనర్ రైల్వే సేఫ్టీ పౌర విమానయాన మంత్రిత్వ శాఖ కిందకు వస్తుంది.
రైలు ప్రమాదం ఎలా జరిగిందంటే…
రైలు నంబర్ 12864 బెంగుళూరు-హౌరా సూపర్‌ఫాస్ట్ ఎక్స్‌ప్రెస్‌కు చెందిన పలు బోగీలు హౌరాకు వెళ్లే మార్గంలో పట్టాలు తప్పడంతో పాటు పక్కనే ఉన్న ట్రాక్‌లపై పడిపోయాయి.అంతలో కోరమాండల్ ఎక్స్‌ప్రెస్ పట్టాలు తప్పి మరో రైలు కోచ్‌లను ఢీకొట్టింది.చెన్నైకి వెళ్తున్న కోరమాండల్ ఎక్స్‌ప్రెస్‌లోని కొన్ని కోచ్‌లు పట్టాలు తప్పడంతో దాని వ్యాగన్‌లను గూడ్స్ రైలు ఢీకొంది.
పట్టాలు తప్పిన కోచ్‌ల కింద నుంచి మృతదేహాలను బయటకు తీయడానికి గ్యాస్ కట్టర్‌లను ఉపయోగించారు. విపత్తు నిర్వహణ సిబ్బంది, అగ్నిమాపక సిబ్బంది కూడా మృతదేహాలను బయటకు తీయడానికి శ్రమించారు.ప్రమాద స్థలంలో రైల్వే ట్రాక్‌లు పూర్తిగా ధ్వంసమయ్యాయి. బాలాసోర్ జిల్లా ఆసుపత్రి కారిడార్‌లో స్ట్రెచర్‌లపై పడుకున్న క్షతగాత్రులతో యుద్ధ ప్రాంతంలా కనిపించింది.
