Bihar: 15 ఏళ్లుగా పాఠాలు చెప్తున్న నకిలీ టీచర్లు.. ఇలా ఎలా సాధ్యమైందంటే?
ఈ విషయం విచారణలో వెల్లడైంది. జగదీష్‌పూర్ పోలీస్ స్టేషన్ పరిధిలోని కౌరా పంచాయతీలో ఉన్న మధురాపూర్‌లోని అప్‌గ్రేడ్ చేసిన మిడిల్ స్కూల్ ఉపాధ్యాయుడు సంజయ్ కుమార్‌పై ప్రాథమిక నమోదు చేశారు
- Published By: 10TV Digital Team ,Published On : November 8, 2023 / 05:11 PM IST
Bihar Fake Teachers
Bihar: బిహార్ రాష్ట్రంలో నకిలీ ఉపాధ్యాయులు పట్టుబడ్డారు. భోజ్‌పూర్ జిల్లాలో గత 15 ఏళ్లుగా నకిలీ సర్టిఫికెట్లను అడ్డుపెట్టుకుని ఉపాధ్యాయ వృత్తి కొనసాగిస్తున్న ఇద్దరు ఉపాధ్యాయుల ఉదంతాన్ని మానిటరింగ్ ఇన్వెస్టిగేషన్ బ్యూరో బట్టబయలు చేసింది. విషయం వెలుగులోకి రావడంతో వీరిద్దరితో పాటు పలువురు గుర్తు తెలియని వ్యక్తులపై సోమవారం సమీప పోలీస్ స్టేషన్‌లో ఎఫ్ఐఆర్ నమోదైంది. ఎఫ్ఐఆర్ ప్రకారం.. తరారీ బ్లాక్ ఏరియాలోని రాజ్‌పూర్ మిడిల్ స్కూల్‌కు చెందిన బ్లాక్ ఉద్యోగి ఉపాధ్యాయుడు అభినవ్ రాజ్, ఉత్తరప్రదేశ్‌లోని జౌన్‌పూర్ జిల్లాలో ఉన్న వీర్ బహదూర్ సింగ్ పూర్వాంచల్ విశ్వవిద్యాలయం నుంచి బి.ఎడ్ నకిలీ మార్కు షీట్ తీసుకున్నారు.
దాని ఆధారంగానే 2008-10 సంవత్సరం నుంచి ఇప్పటి వరకు ఉపాధ్యాయులుగా పనిచేస్తున్నారు. ఈ విషయం విచారణలో వెల్లడైంది. జగదీష్‌పూర్ పోలీస్ స్టేషన్ పరిధిలోని కౌరా పంచాయతీలో ఉన్న మధురాపూర్‌లోని అప్‌గ్రేడ్ చేసిన మిడిల్ స్కూల్ ఉపాధ్యాయుడు సంజయ్ కుమార్‌పై ప్రాథమిక నమోదు చేశారు. ఇతడు 2003 నుంచి పంచాయతీ టీచర్‌గా పనిచేస్తున్నాడు. ఉద్యోగం చేస్తున్న సమయంలో బీహార్ స్కూల్ ఎగ్జామినేషన్ బోర్డు నకిలీ మెట్రిక్యులేషన్ సర్టిఫికెట్ ఇచ్చి ఉద్యోగం చేస్తున్నాడు.
పాట్నా హైకోర్టు ఆదేశాల మేరకు వారిద్దరి పత్రాల విచారణలో ఈ విషయం వెల్లడైంది. అనంతరం, నిఘా ఇన్‌స్పెక్టర్ కమ్ కేస్ ఐఓ అరుణ్ పాశ్వాన్ సంబంధిత రెండు పోలీస్ స్టేషన్‌లలో ఎఫ్ఐఆర్ నమోదు చేశారు. మోసపూరితంగా సర్టిఫికేట్లు ఏర్పాటు చేసినందుకు, ఇద్దరు ఉపాధ్యాయులు, మోసానికి సహకరించిన చాలా మంది గుర్తుతెలియని వ్యక్తులపై ఎఫ్ఐఆర్ నమోదు చేశారు. ఈ ఎఫ్ఐఆర్ అంనతరం, వందలాది మంది ఉపాధ్యాయులు మోసపూరితంగా పనిచేస్తున్నారనే కలకలం రేగింది.
