Indian Hockey : అద్భుత విజయంతో సూపర్-4లో హాకీ టీమిండియా
ఆసియా కప్ హాకీ పోటీలో నిలవాలంటే కచ్చితంగా గెలవాల్సిన మ్యాచ్‌లో భారత హాకీ పురుషుల జట్టు దుమ్ములేపింది. పూల్‌-ఏలో భాగంగా ఇండోనేషియాతో ఆఖరి లీగ్‌ మ్యాచ్‌ జరింగింది. ఇందులో రెచ్చిపోయిన భారత పురుషుల జట్టు ఏకంగా 16-0 తో సూపర్-4కు అర్హత సాధించింది.
- Published By: 10TV Digital Team ,Published On : May 26, 2022 / 10:48 PM IST
Indin Hock
Indian Hockey: ఆసియా కప్ హాకీ పోటీలో నిలవాలంటే కచ్చితంగా గెలవాల్సిన మ్యాచ్‌లో భారత హాకీ పురుషుల జట్టు దుమ్ములేపింది. పూల్‌-ఏలో భాగంగా ఇండోనేషియాతో ఆఖరి లీగ్‌ మ్యాచ్‌ జరింగింది. ఇందులో రెచ్చిపోయిన భారత పురుషుల జట్టు ఏకంగా 16-0 తో సూపర్-4కు అర్హత సాధించింది. టీమిండియా తరపున డిస్పన్‌ టిర్కీ 4 గోల్స్‌ బాదారు.
అతనితో పాటు సుదేవ్‌ హ్యాట్రిక్‌ గోల్స్‌తో మెరిశాడు. సెల్వం, పవన్‌, వెటరన్‌ ఆటగాడు ఎస్‌వీ సునీల్‌లు కీలక సమయాల్లో గోల్స్‌తో మెరిసి హాకీ టీమిండియాకు విజయం అందించారు. పురుషుల ఆసియా హాకీ కప్ చరిత్రలో ఏ జట్టుకైనా ఇదే అతిపెద్ద విజయం.
ఇండోనేషియాతో మ్యాచ్‌కు ముందు టీమిండియా చిరకాల ప్రత్యర్థి పాకిస్తాన్‌తో ఓపెనింగ్‌ మ్యాచ్‌ను 1-1తో డ్రా చేసుకుంది. ఆ తర్వాత జపాన్‌తో జరిగిన మ్యాచ్‌ను 2-5తో ఓడిపోవడంతో సూపర్-4 అవకాశాలను సంక్లిష్టంగా మారాయి. ఇండోనేషియాతో జరిగే ఆఖరి మ్యాచ్‌లో 15 గోల్స్‌ కొడితే గానీ భారత్‌కు సూపర్-4కు అర్హత సాధించే అవకాశం ఉండేది.
Read Also : హాకీ పురుషుల ప్రపంచ కప్ అధికారిక లోగో ఆవిష్కరణ..
అదే సమయంలో జపాన్‌ చేతిలో పాకిస్తాన్‌ కూడా ఓటమి గురికావాలి. ఆశించినట్లే జపాన్‌ చేతిలో పాకిస్తాన్‌ ఓడిపోయింది. ఇండోనేషియాతో మ్యాచ్‌లో ఒక గోల్‌ ఎక్కువే కొట్టిన టీమిండియా గ్రాండ్‌ విక్టరీ అందుకొని సూపర్-4లో అడుగుపెట్టింది. జపాన్‌, కొరియా మలేషియాలు 2023 వరల్డ్‌కప్‌కు అర్హత సాధించాయి.
మరోవైపు 2023 హాకీ వరల్డ్‌కప్‌కు భారత్‌ ఆతిథ్యం ఇస్తుండడంతో ఆతిథ్య హోదాలో భారత పురుషుల హాకీ జట్టు ఇప్పటికే పోటీలో ఉన్నట్లే.
