కరోనా వైరస్ కారణంగా ఇండియన్ ప్రీమియర్ లీగ్ 13 వ సీజన్ భారతదేశంలో నిర్వహించట్లేదు. మాములుగా అయితే ఐపీఎల్ సీజన్ ఇండియాలో జరిగితే చాలా లాభాలు వస్తాయి. వాస్తవానికి అది వేల కోట్లలో ఉంటుంది. అయితే ఇప్పుడు అంతకుముందుతో పోలిస్తే.. ఈసారి కరోనా కారణంగా ఐపీఎల్తో వచ్చే లాభాలు బీసీసీఐకి పూర్తిగా తగ్గిపోయాయి. అయితే వచ్చే డబ్బును కొంతవరకు రికవరీ చేసుకునేందుకు దృష్టిలో ఉంచుకుని ఈ సీజన్ను యునైటెడ్ అరబ్ ఎమిరేట్స్లో నిర్వహించాలని భారత క్రికెట్ బోర్డు నిర్ణయించింది.
ఐపిఎల్ 13వ సీజన్ UAEలో సెప్టెంబర్ 19వ తేదీ నుంచి నవంబర్ 10వ తేదీ వరకు జరుగబోతుంది. అయితే, ఐపీఎల్ విదేశాలలో ఆడటం ఇదే మొదటిసారి కాదు. అంతకుముందు, 2009 మరియు 2014 సంవత్సరాల్లో లోక్సభ ఎన్నికలు మరియు భద్రతా కారణాల దృష్ట్యా ఐపిఎల్ను విదేశాలలో ఆడించారు.
రెండవ సీజన్ దక్షిణాఫ్రికాలో:
ఇండియన్ ప్రీమియర్ లీగ్ 2008లో ప్రారంభం అవగా.. లీగ్ మొదటి సీజన్ అనుకోని విధంగా భారీ విజయం అయ్యింది. ఇది క్రికెట్ అత్యంత ప్రజాదరణ పొందిన టోర్నమెంట్ జాబితాలో చోటు సంపాదించింది. కానీ మరుసటి సంవత్సరం ఐపిఎల్కు సంబంధించి నిర్వాహకులు చాలా ఇబ్బందులు పడ్డారు.
2009 సంఘటనకు నాలుగు నెలల ముందు, ముంబైలో జరిగిన ఉగ్రవాద దాడి టోర్నమెంట్కు ముప్పుగా మారింది. ఇది మాత్రమే కాదు. మార్చి 2009లో పాకిస్తాన్ పర్యటన సందర్భంగా శ్రీలంక జట్టుపై ఉగ్రవాద దాడి జరగడంతో.. క్రికెటర్ల భద్రతపై ప్రశ్న మరింత తీవ్రమైంది.
2009లో ఐపిఎల్ జరగాల్సి ఉండగా, 15వ లోక్సభ ఎన్నికలు కూడా దేశంలో జరగాల్సి ఉండడంతో.. ఎన్నికలను దృష్టిలో ఉంచుకుని ఐపీఎల్ మ్యాచ్లకు భద్రతా దళాలను అందించడానికి కేంద్ర ప్రభుత్వం నిరాకరించింది.
మార్చి 2009 చివరలో దక్షిణాఫ్రికాలో ఐపిఎల్ను మార్చనున్నట్లు బిసిసిఐ ప్రకటించింది. దక్షిణాఫ్రికాలో ఐపిఎల్ రెండవ సీజన్ ఏప్రిల్ 18వ తేదీన ప్రారంభమైంది, చివరి మ్యాచ్ మే 24న జరిగింది. 2009 సీజన్లో, డెక్కన్ ఛార్జర్స్ టైటిల్ను కైవసం చేసుకుంది. ఫైనల్లో రాయల్ ఛాలెంజర్స్ బెంగళూరును ఓడించింది. ఐపిఎల్ కారణంగా దక్షిణాఫ్రికా ఆర్థిక వ్యవస్థ 100 మిలియన్ డాలర్లు పెరిగిందని అప్పట్లో ఆ దేశం ప్రకటించింది.
2014లో యూఏఈలో ఐపిఎల్:
2014లో కూడా లోక్సభ ఎన్నికల కారణంగా ఐపీఎల్ మార్గంలో సమస్యలు వచ్చాయి. లోక్సభ ఎన్నికలను దృష్టిలో ఉంచుకుని అప్పటి కేంద్ర హోంమంత్రి సుశీల్ కుమార్ షిండే ఐపీఎల్ మ్యాచ్లకు భద్రతా దళాలను అందించడానికి నిరాకరించారు. దీని తరువాత, ఐపిఎల్ షెడ్యూల్ను మార్చాలని బిసిసిఐ నిర్ణయించింది.
ఇండియన్ ప్రీమియర్ లీగ్ యొక్క ఏడవ సీజన్ ఏప్రిల్ 16వ తేదీన ప్రారంభమైంది. టోర్నమెంట్ మొదటి 20 మ్యాచ్లను యునైటెడ్ అరబ్ ఎమిరేట్స్ మూడు మైదానాలైన దుబాయ్, అబుదాబి మరియు షార్జాకు మార్చారు.
మే 2వ తేదీన, ఐపిఎల్ 7 భారతదేశానికి తిరిగి వచ్చింది. రాంచీలోని JSCA మైదానంలో చెన్నై మరియు కోల్కతా నైట్ రైడర్స్ మధ్య మ్యాచ్ జరిగింది. ఈ టోర్నమెంట్ చివరి మ్యాచ్ జూన్ 1 న కోల్కతా నైట్ రైడర్స్ మరియు కింగ్స్ ఎలెవన్ పంజాబ్ మధ్య జరిగింది, దీనిని కెకెఆర్ మూడు వికెట్ల తేడాతో గెలుచుకుంది.
అయితే, 2009 తర్వాత మొత్తం టోర్నమెంట్ విదేశాలలో ఆడటం ఇది రెండోసారి. ఇది కాకుండా, మొదటిసారి, ఐపిఎల్ మ్యాచ్లు ప్రేక్షకులు లేకుండా మైదానంలో జరగబోతున్నాయి.