6,6,6,4,6,6.. ఐపీఎల్లో అన్సోల్డ్.. కట్ చేస్తే.. జానీ బెయిర్ స్టో ఊచకోత..
సౌతాఫ్రికా టీ20 లీగ్లో కేశవ్ మహరాజ్ (Jonny Bairstow) బౌలింగ్లో ఒకే ఓవర్లో 34 పరుగులను పిండుకున్నాడు జానీ బెయిర్ స్టో
- Published By: 10TV Digital Team ,Published On : January 6, 2026 / 10:10 AM IST
SA20 Jonny Bairstow smashes Maharaj for 34 runs in an over
- ఐపీఎల్లో అన్సోల్ట్
- సౌతాఫ్రికా టీ20 లీగ్లో జానీ బెయిర్ స్టో విధ్వంసం
- కేశవ్ మహరాజ్ బౌలింగ్లో ఒకే ఓవర్లో 34 పరుగులు
Jonny Bairstow : సౌతాఫ్రికా టీ20 లీగ్లో ఇంగ్లాండ్ వెటరన్ ఆటగాడు జానీ బెయిర్ స్టో దుమ్ములేపుతున్నాడు. సన్రైజర్స్ ఈస్ట్రన్కేప్ ప్రాతినిధ్యం వహిస్తున్న ఈ కుడిచేతి వాటం బ్యాటర్ ప్రిటోరియా క్యాపిటల్స్తో సోమవారం జరిగిన మ్యాచ్లో బౌలర్ల పై విరుచుకుపడ్డాడు. కేవలం 45 బంతుల్లోనే 8 ఫోర్లు, 6 సిక్సర్ల సాయంతో 85 పరుగులతో అజేయంగా నిలిచాడు.
ఒకే ఓవర్లో 34 పరుగులు..
సన్రైజర్స్ ఈస్ట్రన్కేప్ ఇన్నింగ్స్ 12వ ఓవర్లో జానీ బెయిర్ స్టో (Jonny Bairstow ) పూనకం వచ్చినట్లు చెలరేగిపోయాడు. స్పిన్నర్ కేశవ్ మహరాజ్ ఈ ఓవర్ను వేశాడు. తొలి బంతికి సిక్స్ కొట్టి హాప్ సెంచరీ పూర్తి చేసుకున్నాడు జానీ బెయిర్ స్టో. ఆ తరువాత మరో రెండు సిక్సర్లు బాదాడు. నాలుగో బంతికి ఫోర్ కొట్టగా.. చివరి రెండు బంతులను సిక్సర్లుగా మలిచాడు. దీంతో ఈ ఓవర్లో (6,6,6,4,6,6) మొత్తం 34 పరుగులు వచ్చాయి.
BCCI : బీసీసీఐతో ఏ సమాచారాన్ని పంచుకోవడం లేదు.. బీసీబీ అధ్యక్షుడు అమీనుల్ ఇస్లాం
ఇదిలా ఉంటే.. బెయిర్ స్టోను ఐపీఎల్ 2026 మినీ వేలంలో ఎవ్వరూ తీసుకోలేదు. రూ కోటీ బేస్ ప్రైస్తో వేలంలో అడుగుపెట్టిన అతడి కోసం ఏ ఫ్రాంఛైజీ ఆసక్తి చూపించలేదు.
ఇక మ్యాచ్ విషయానికి వస్తే.. ఈ మ్యాచ్లో ప్రిటోరియా క్యాపిటల్స్ తొలుత బ్యాటింగ్ చేసింది. నిర్ణీత 20 ఓవర్లలో 7 వికెట్లు కోల్పోయి 176 పరుగులు చేసింది. ప్రిటోరియా బ్యాటర్లలో కానర్ ఎస్టర్హుయిజెన్ (52), షెర్ఫేన్ రూథర్ఫోర్డ్ (47నాటౌట్) రాణించారు. సన్రైజర్స్ బౌలర్లలో అన్రిచ్ నార్ట్జే మూడు వికెట్లు తీశాడు. ఆడమ్ మిల్నే రెండు వికెట్లు పడగొట్టాడు.
Vaibhav Suryavanshi : వైభవ్ సూర్యవంశీ సిక్సర్ల వర్షం.. 24 బంతులు ఆడితే 10 సిక్సర్లే..
ఆ తరువాత క్వింటన్ డికాక్ (79 నాటౌట్; 41 బంతుల్లో 5 ఫోర్లు, 6 సిక్సర్లు), జానీ బెయిర్ స్టో (85 నాటౌట్; 45 బంతుల్లో 8 ఫోర్లు, 6 సిక్సర్లు) హాఫ్ సెంచరీలతో చెలరేగడంతో 177 పరుగుల లక్ష్యాన్ని సన్రైజర్స్ ఈస్టర్న్ కేప్ 14.2 ఓవర్లలో వికెట్ నష్టపోకుండా ఛేదించింది.
