Vaibhav Suryavanshi : చ‌రిత్ర సృష్టించిన వైభ‌వ్ సూర్య‌వంశీ.. యూత్ వ‌న్డేల్లో సిక్స‌ర్ల కింగ్‌..

యూత్ వ‌న్డే క్రికెట్‌లో అత్య‌ధిక సిక్స‌ర్లు కొట్టిన ఆట‌గాడిగా వైభ‌వ్ సూర్య‌వంశీ (Vaibhav Suryavanshi) రికార్డుల‌కు ఎక్కాడు.

Vaibhav Suryavanshi Creates History Breaks Unmukt Chand Record in Youth ODI cricket

Vaibhav Suryavanshi : టీమ్ఇండియా యువ సంచ‌ల‌నం 14 ఏళ్ల వైభ‌వ్ సూర్యవంశీ అరుదైన ఘ‌న‌త సాధించాడు. యూత్ వ‌న్డే క్రికెట్‌లో అత్య‌ధిక సిక్స‌ర్లు కొట్టిన‌ ఆట‌గాడిగా చ‌రిత్ర సృష్టించాడు. బ్రిస్సేన్ వేదిక‌గా ఆస్ట్రేలియా అండ‌ర్‌-19తో రెండో వ‌న్డే మ్యాచ్‌లో 6 సిక్స‌ర్లు కొట్ట‌డం ద్వారా అత‌డు ఈ ఘ‌న‌త సాధించాడు. ఈ క్ర‌మంలో అత‌డు టీమ్ఇండియా అండ‌ర్‌-19 మాజీ కెప్టెన్ ఉన్ముక్త్ చంద్ రికార్డును బ్రేక్ చేశాడు.

ఉన్ముక్త్ చంద్ 21 ఇన్నింగ్స్‌ల్లో 38 సిక్స‌ర్లు కొట్ట‌గా సూర్యవంశీ (Vaibhav Suryavanshi) కేవ‌లం 10 ఇన్నింగ్స్‌ల్లోనే 41 సిక్స‌ర్లు బాదాడు. ఈ జాబితాలో వీరిద్ద‌రి త‌రువాత జావాద్ అబ్రార్‌, షాబైబ్ ఖాన్‌, య‌శ‌స్వి జైస్వాల్ లు ఉన్నారు.

India A vs Australia A : 1, 1, 1,11.. ఇవీ ర్యాంకులు కాదండోయ్‌.. టీమ్ఇండియా స్టార్ ఆట‌గాళ్ల స్కోర్లు.. ఘోరంగా విఫ‌ల‌మైన కేఎల్ రాహుల్‌, నితీశ్ రెడ్డి, జురెల్‌..

యూత్ వ‌న్డే క్రికెట్‌లో అత్య‌ధిక సిక్స‌ర్లు కొట్టిన ఆట‌గాళ్లు వీరే..

* వైభ‌వ్ సూర్య‌వంశీ (భార‌త్‌) – 10 ఇన్నింగ్స్‌ల్లో 41 సిక్స‌ర్లు
* ఉన్ముక్త్ చంద్ (భార‌త్‌) – 21 ఇన్నింగ్స్‌ల్లో 38 సిక్స‌ర్లు
* జావాద్ అబ్రార్ (బంగ్లాదేశ్‌) – 22 ఇన్నింగ్స్‌ల్లో 35 సిక్స‌ర్లు
*షాబైజ్ ఖాన్ (పాకిస్తాన్) – 24 ఇన్నింగ్స్‌ల్లో 31 సిక్స‌ర్లు
* య‌శ‌స్వి జైస్వాల్ (భార‌త్) – 27 ఇన్నింగ్స్‌ల్లో 30 సిక్స‌ర్లు
* తౌహీద్ హృద‌య్ (బంగ్లాదేశ్‌) – 45 ఇన్నింగ్స్‌ల్లో 30 సిక్స‌ర్లు

ఇక ఈ మ్యాచ్‌లో సూర్య‌వంశీ ఆకాశ‌మే హ‌ద్దుగా చెల‌రేగాడు. 68 బంతులు ఎదుర్కొన్న అత‌డు 5 ఫోర్లు, 6 సిక్స‌ర్లు బాది 70 ప‌రుగులు చేశాడు. సూర్య‌వంశీతో పాటు విహాన్ మల్హోత్రా (70), అభిజ్ఞాన్ కుండు (71)లు హాఫ్ సెంచ‌రీల‌తో చెల‌రేగ‌డంతో భార‌త్‌-ఏ 49.4 ఓవ‌ర్ల‌లో 300 ప‌రుగులు చేసింది. ఆసీస్ బౌల‌ర్ల‌లో విల్ బైరోమ్ మూడు వికెట్లు తీశాడు. యష్ దేశ్‌ముఖ్ రెండు వికెట్లు ప‌డ‌గొట్టాడు.