WPL 2023: విమెన్స్ ప్రీమియర్ లీగ్ పాయింట్ల పట్టికలో ఎవరు టాప్ లో ఉన్నారు? ఎవరు చిట్టచివరి స్థానంలో ఉన్నారు?
ముంబై ఇండియన్స్, రాయల్ చాలెంజర్స్ బెంగళూరు, గుజరాత్ జెయింట్స్ ఇప్పటివరకు రెండేసి మ్యాచులు ఆడాయి. మిగిలిన రెండు జట్లు ఢిల్లీ క్యాపిటల్స్, యూపీ వారియర్స్ ఒక్కో మ్యాచు ఆడాయి. 2 మ్యాచులు ఆడి రెండింటిలోనూ గెలిచింది ముంబై ఇండియన్స్. దీంతో పాయింట్ల పట్టికలో 4 పాయింట్లతో అగ్రస్థానంలో ఉంది.
- Published By: 10TV Digital Team ,Published On : March 7, 2023 / 04:21 PM IST
WPL 2023
WPL 2023: విమెన్స్ ప్రీమియర్ లీగ్ (డబ్ల్యూపీఎల్) టోర్నీలో నిన్న రాయల్ చాలెంజర్స్ బెంగళూరుపై ముంబై ఇండియన్స్ గెలుపొందడంతో పాయింట్ల పట్టికలో ముంబై జట్టు ప్రస్తుతం అగ్రస్థానంలో కొనసాగుతోంది. మొట్టమొదటి విమెన్స్ ప్రీమియర్ లీగ్ మార్చి 4న ప్రారంభమైన విషయం తెలిసిందే. తొలి మూడు రోజుల్లో నాలుగు మ్యాచులు జరిగాయి.
ముంబై ఇండియన్స్, రాయల్ చాలెంజర్స్ బెంగళూరు, గుజరాత్ జెయింట్స్ ఇప్పటివరకు రెండేసి మ్యాచులు ఆడాయి. మిగిలిన రెండు జట్లు ఢిల్లీ క్యాపిటల్స్, యూపీ వారియర్స్ ఒక్కో మ్యాచు ఆడాయి. 2 మ్యాచులు ఆడి రెండింటిలోనూ గెలిచింది ముంబై ఇండియన్స్. దీంతో పాయింట్ల పట్టికలో 4 పాయింట్లతో అగ్రస్థానంలో ఉంది.
ఢిల్లీ క్యాపిటల్స్ ఒక్క మ్యాచు ఆడి అందులో గెలిచింది. యూపీ వారియర్స్ కూడా ఒక్క మ్యాచు ఆడి అందులో గెలిచింది. అయితే, ఢిల్లీ క్యాపిటల్స్ రన్ రేట్ అధికంగా ఉండడంతో 2 పాయింట్లతో ముంబై తర్వాత రెండో స్థానంలో ఉంది. యూపీ వారియర్స్ 2 పాయింట్లతో మూడో స్థానంలో కొనసాగుతోంది.
WPL 2023, Mumbai vs Bangalore-Live Updates: బెంగళూరుపై ముంబై ఘనవిజయం, హేలీ ధనాధన్ బ్యాటింగ్
ఆర్సీబీ, గుజరాత్ టైటాన్స్ రెండేసి మ్యాచులు ఆడి ఒక్క మ్యాచు కూడా గెలవకపోవడంతో చివరి స్థానాల్లో ఉన్నాయి. గుజరాత్ టైటాన్స్ రన్ రేట్ కంటే ఆర్సీబీ రన్ రేట్ కాస్త ఎక్కువ ఉంది. దీంతో ఆర్సీబీ నాలుగో స్థానంలో, గుజరాత్ టైటాన్స్ చిట్టచివరి (5వ స్థానంలో) స్థానంలో ఉన్నాయి. ఇవాళ రాత్రి 7.30 గంటలకు ఢిల్లీ క్యాపిటల్స్, యూపీ వారియర్స్ మధ్య మ్యాచు ప్రారంభం కానుంది.
WPL 2023 Points Table
