Apple Watch Series 9 : కొంటే ఆపిల్ వాచ్ కొనాల్సిందే.. కొత్త ఆపిల్ వాచ్ సిరీస్ 9, అల్ట్రా 2 వాచ్.. కొత్త సెన్సార్లు, మరెన్నో ఫీచర్లు, ధర ఎంతంటే?
Apple Watch Series 9 : ఆపిల్ లేటెస్ట్ 'వండర్లస్ట్' ఈవెంట్లో (Apple Watch Series 9), సెకండ్ జనరేషన్ (Apple Watch Ultra 2)ని ఆవిష్కరించడంతోపాటు (iPhone 15) సిరీస్ను లాంచ్ చేసింది. పూర్తి వివరాలను ఇప్పుడు తెలుసుకుందాం.
Apple Watch Series 9 : కొత్త ఆపిల్ వాచ్ కోసం చూస్తున్నారా? ప్రపంచ ఐటీ దిగ్గజం ఆపిల్ (Apple) ‘వండర్లస్ట్’ ఈవెంట్ 2023 సందర్భంగా అనేక సరికొత్త ప్రొడక్టులను ఆవిష్కరించింది. ప్రధానంగా ఐఫోన్ 15 సిరీస్ మోడళ్లతో పాటు ఆపిల్ వాచ్ సిరీస్ను కూడా ప్రవేశపెట్టింది. ఆసక్తి గల కస్టమర్లు ఆకర్షణీయమైన ఫీచర్లతో స్మార్ట్వాచ్ ఎక్స్పీరియన్స్ పొందవచ్చు. టెక్ దిగ్గజం ఐఫోన్ 15 సిరీస్తో పాటు కొత్త ఆపిల్ వాచ్ అల్ట్రా 2 స్మార్ట్వాచ్ను కూడా లాంచ్ చేసింది.
ఆపిల్ వాచ్ సిరీస్ల ధర ఎంతంటే? :
ఆపిల్ వాచ్ సిరీస్ 9 ప్రారంభ ధర రూ. 41,900గా ఉంది. ఆపిల్ వాచ్ బ్యాండ్లు, ఆపిల్ వాచ్ నైక్ బ్యాండ్లు, ఆపిల్ వాచ్ Hermès బ్యాండ్లను ఈరోజు (Apple.com/store) నుంచి ఆర్డర్ చేసేందుకు అందుబాటులో ఉంటాయి. సెప్టెంబర్ 22 నుంచి ఆఫ్లైన్ స్టోర్లలో అందుబాటులో ఉండనున్నాయి.
ఆపిల్ వాచ్ సిరీస్ 9 స్పెషిఫికేషన్లు :
కొత్త ఆపిల్ వాచ్ సిరీస్ 9 స్మార్ట్వాచ్ కొత్త S9 చిప్తో ఆధారితమైనది. ఈ CPU విశేషమైన 5.6 బిలియన్ ట్రాన్సిస్టర్లను కలిగి ఉంది. 8 GPUతో పోలిస్తే.. 60 శాతం పెరుగుదల ఉంటుంది. స్పీడ్లో 30 శాతం బూస్ట్ని ప్రదర్శిస్తుంది. ఆపిల్ సిరీస్ 9 సెకండ్ జనరేషన్ అల్ట్రా వైడ్బ్యాండ్ చిప్తో వస్తుంది. కచ్చితమైన లొకేషన్-ఆధారిత ఫీచర్లను అందిస్తుంది. ఈ ఫీచర్ ద్వారా మీ వాచ్ ఎక్కడ ఉన్నా ట్రాక్ చేయొచ్చు. ఆపిల్ చిప్ ఆపిల్ వాచ్ సిరీస్ 9 యూజర్లను వారి హోమ్పాడ్లో సింపుల్ ట్యాప్తో మ్యూజిక్ ప్లేబ్యాక్ని కంట్రోల్ చేసేందుకు అనుమతిస్తుంది.
ఆపిల్ వాచ్ డిస్ప్లేను కూడా మెరుగుపరిచింది. ఇప్పుడు 2వేలనిట్ల గరిష్ట ప్రకాశాన్ని కలిగి ఉంది. ముందున్న వాచ్ సిరీస్ 8 కన్నా రెట్టింపు ఉంటుంది. ఆపిల్ వాచ్ సిరీస్ 9లో కొత్త ‘డబుల్-ట్యాప్’ ఫీచర్ అప్డేట్ చేసింది. ఈ ఫంక్షన్ ద్వారా వినియోగదారులు తమ చూపుడు వేలు, బొటనవేలును కలిపి నొక్కడం ద్వారా ఫోన్ కాల్లకు సమాధానం ఇవ్వడానికి అనుమతిస్తుంది. (Apple Vision Pro)తో డిస్ప్లే ట్యాపింగ్ ఫీచర్ను గుర్తుకు తెస్తుంది. తద్వారా వినియోగదారులకు ఎక్కువ యాక్సస్ అందిస్తుంది. ఈ కొత్త ‘డబుల్-ట్యాప్’ ఫీచర్ వచ్చే నెల నుంచి అందుబాటులోకి వస్తుంది.
ఆపిల్ వాచ్ సిరీస్ 9, ఆపిల్ లేటెస్ట్ స్మార్ట్వాచ్ ఆపరేటింగ్ సిస్టమ్ (watchOS 10)తో పాటుగా రిలీజ్ అయ్యే అవకాశం ఉంది. (watchOS 10OS)కు గణనీయమైన సపోర్టు అందిస్తుంది. డిజిటల్ క్రౌన్ ద్వారా విడ్జెట్ స్టాక్ను యాక్సెస్ చేయొచ్చు. అంతేకాదు.. కోర్ ఆపిల్ వాచ్ యాప్లతో అప్డేట్ చేసిన వెర్షన్లను కలిగి ఉంటుంది.
ఆపిల్ వాచ్ సిరీస్ 9 వివిధ బ్యూటీ ఆప్షన్లలో అందుబాటులో ఉంటుంది. అల్యూమినియం మోడల్స్, పింక్, స్టార్లైట్, సిల్వర్, మిడ్ నైట్, ప్రొడక్టు రెడ్ కలర్ ఆప్షన్లలో అందుబాటులో ఉంటాయి. స్టెయిన్లెస్ స్టీల్ వెర్షన్లు గోల్డ్, సిల్వర్, గ్రాఫైట్లలో అందుబాటులో ఉంటాయి. వినియోగదారులు తమ ప్రాధాన్యతలకు సరిపోయే స్టయిల్ ఎంచుకోవడానికి అనుమతిస్తుంది.
ఆపిల్ వాచ్ అల్ట్రా 2 స్పెషిఫికేషన్లు :
ఆపిల్ వాచ్ అల్ట్రా 2 కూడా అందుబాటులోకి వచ్చింది. 3,000నిట్స్ డిస్ప్లేను కలిగి ఉంది. కొత్త మాడ్యులర్ అల్ట్రా వాచ్ ఫేస్తో వస్తుంది. ఆపిల్ వాచ్ సిరీస్ 9లో S9 చిప్ని పొందవచ్చు. అప్గ్రేడ్ చేసిన అల్ట్రా వైడ్బ్యాండ్ చిప్, డబుల్ ట్యాప్ సపోర్ట్ కూడా అందిస్తుంది.