Maruti Suzuki Jimny Price : మారుతి సుజుకి జిమ్నీ థండర్ ఎడిషన్ మోడల్ వచ్చేసింది.. జిమ్నీ కారుపై రూ. 2 లక్షలు తగ్గింపు!
Maruti Suzuki Jimny Price : మారుతి సుజుకి జిమ్నీ థండర్ ఎడిషన్ లాంచ్ చేసింది. ఈ కొత్త కారు మోడల్ ధర తగ్గింపును రూ. 2 లక్షల తగ్గింపుతో అందిస్తోంది.
![Maruti Suzuki Jimny Price : మారుతి సుజుకి జిమ్నీ థండర్ ఎడిషన్ మోడల్ వచ్చేసింది.. జిమ్నీ కారుపై రూ. 2 లక్షలు తగ్గింపు! Maruti Suzuki Jimny Price : మారుతి సుజుకి జిమ్నీ థండర్ ఎడిషన్ మోడల్ వచ్చేసింది.. జిమ్నీ కారుపై రూ. 2 లక్షలు తగ్గింపు!](https://10tv.in/wp-content/uploads/2023/12/Maruti-Suzuki-Jimny-Price-slashed-by-Rs-2-lakh.jpg)
Maruti Suzuki Jimny Price slashed by Rs 2 lakh
Maruti Suzuki Jimny Price : ప్రముఖ ఆటోమొబైల్ తయారీ కంపెనీ మారుతి సుజుకి జిమ్నీ ఈ ఏడాదిలో దేశ మార్కెట్లో అత్యంత ఆదరణ పొందిన కార్లలో ఒకటి. అయితే, మారుతి సుజుకి ఈ జిమ్నీ మోడల్ ధరను తగ్గిస్తున్నట్టు ప్రకటించింది. పండుగ సీజన్ సమయంలో కంపెనీ రూ. 1 లక్ష వరకు డిస్కౌంట్లను ఆఫర్ చేసింది. దాంతో జిమ్నీ కార్ల ధరలను దాదాపు రూ. 2 లక్షలు తగ్గించింది.
మారుతీ సుజుకి జిమ్నీ థండర్ ఎడిషన్ :
అయితే, ఇప్పుడు కొత్త మారుతి సుజుకి జిమ్నీ థండర్ ఎడిషన్ రూ. 10.74 లక్షల ప్రారంభ ధర, (ఎక్స్-షోరూమ్)తో లాంచ్ అయింది. రూ. 12.74 లక్షలకు విక్రయించిన జిమ్నీ స్టాండర్డ్ జీటా ఎమ్టి ట్రిమ్తో పోల్చితే.. ఈ జిమ్నీ కారు మోడల్ ధర రూ. 2 లక్షల తగ్గింపును పొందింది. అదేవిధంగా, ఇతర ట్రిమ్ల ధరలు కూడా భారీగా తగ్గనున్నాయి. మారుతి సుజుకి నెక్సా వెబ్సైట్ ప్రకారం.. జిమ్నీ థండర్ ఎడిషన్ రూ. 10.74 లక్షలకు (ఎక్స్-షోరూమ్) అందుబాటులో ఉంది. ఇది పరిమిత కాలానికి ప్రారంభ ధర మాత్రమేనని గమనించాలి.
మారుతి అందించే కార్లలో పరిమిత ఎడిషన్ మోడల్ తక్కువ వ్యవధిలో విక్రయిస్తోంది. జిమ్నీ సాధారణ వేరియంట్ల కన్నా రెండు మార్పులను కలిగి ఉంది. క్రోమ్ (ORVM) క్యాప్స్తో పాటుగా పక్కన కొత్త మౌంటైన్ డెకాల్ను పొందుతుంది. అంతేకాకుండా, పరిమిత ఎడిషన్ ట్రిమ్లు బోనెట్ గార్నిష్, ఫెండర్ గార్నిష్, స్కఫ్ ప్లేట్ గార్నిష్, బంపర్పై కొన్ని క్రోమ్ ఎలిమెంట్స్ వంటి అనేక అప్లియన్స్స్ ప్రామాణిక అంశంగా పొందుతాయి.
మారుతీ సుజుకి జిమ్నీ స్పెషిఫికేషన్లు :
మారుతి సుజుకి జిమ్నీ ఐడిల్ స్టార్ట్ స్టాప్ టెక్నాలజీతో 1.5ఎల్ కె-సిరీస్ ఇంజన్ను పొందుతుంది. 5-స్పీడ్ మాన్యువల్ లేదా 4-స్పీడ్ ఆటోమేటిక్ ట్రాన్స్మిషన్ ఆప్షన్ కలిగి ఉంటుంది. 5-స్పీడ్ ఎంటీకి 16.94 కెఎంపీఎల్, 4-స్పీడ్ ఏటీకి 16.39కెఎంపీఎల్ ఇంధన సామర్థ్యాన్ని అందిస్తుంది. పర్మినెంట్ ఆల్గ్రిప్ ప్రో (4WD) టెక్నాలజీతో వస్తుంది.
![Maruti Suzuki Jimny Price : మారుతి సుజుకి జిమ్నీ థండర్ ఎడిషన్ మోడల్ వచ్చేసింది.. రూ. 2 లక్షలు తగ్గిన జిమ్నీ కారు ధర Maruti Suzuki Jimny Price slashed by Rs 2 lakh](https://diey8xpfs90ha.cloudfront.net/wp-content/uploads/2023/12/Maruti-Suzuki-Jimny-Price-slashed-by-Rs-2-lakh-1.jpg)
Maruti Suzuki Jimny Price
మారుతి సుజుకి జిమ్నీ ఫీచర్లు :
జిమ్నీ ఇంటీరియర్స్ సిల్వర్ ఇన్సర్ట్లతో బేసిక్ బ్లాక్ షేడ్స్తో మినిమలిస్టిక్ డిజైన్ను అందిస్తాయి. 22.86 సెం.మీ (9”) స్మార్ట్ప్లే ప్రో+తో వస్తుంది. ఆపిల్ కార్ ప్లే, ఆండ్రాయిడ్ ఆటోతో వైర్లెస్ కనెక్టివిటీని అందిస్తుంది. (ARKAMYS) ద్వారా ఆధారితమైన సరౌండ్ సెన్స్ సౌండ్ సిస్టమ్ను అందిస్తుంది.
జిమ్నీ జీటా, ఆల్ఫా వేరియంట్లను కలిగి ఉంది. వాటి ధరలు (ఎక్స్-షోరూమ్) ఈ కింది విధంగా ఉన్నాయి.
* జీటా ఎంటీ – రూ. 12.74 లక్షలు
* జీటా ఏటీ – రూ. 13.94 లక్షలు
*ఆల్ఫా ఎంటీ – రూ. 13.69 లక్షలు
* ఆల్ఫా ఏటీ – రూ. 14.89 లక్షలు
* ఆల్ఫా ఎంటీ (డ్యూయల్ టోన్) – రూ. 13.85 లక్షలు
* ఆల్ఫా ఏటీ (డ్యూయల్ టోన్) – రూ. 15.05 లక్షలు
Read Also : Maruti Suzuki Swift 2024 : కొత్త మారుతి సుజుకి స్విఫ్ట్ 2024 భారత్కు వచ్చేస్తోంది.. ఫొటోలు చూశారా?