Poco F7 Launch : అద్భుతమైన ఫీచర్లతో పోకో F7 ఫోన్ వచ్చేస్తోంది.. లాంట్ టైమ్‌లైన్, డిజైన్, స్పెషిఫికేషన్లు, ధర వివరాలివే..!

Poco F7 Launch : పోకో F7 సిరీస్ వచ్చేస్తోంది. లాంచ్ టైమ్‌లైన్, డిజైన్, స్పెషిఫికేషన్లు, ధర వివరాలు లీక్ అయ్యాయి.

Poco F7 Launch

Poco F7 Launch : పోకో నుంచి సరికొత్త ఫోన్ వస్తోంది. ఈ నెలాఖరులో భారత మార్కెట్లో పోకో F7 లాంచ్ కానుంది. రాబోయే పోకో F-సిరీస్ ఫోన్ ల్యాండింగ్ పేజీ ఫ్లిప్‌కార్ట్‌లో లైవ్ అయింది. ఈ ఫోన్ డిజైన్, స్పెసిఫికేషన్లు, ఇతర కీలక వివరాలు ఇంకా రివీల్ కాలేదు.

ఈ ఏడాది ప్రారంభంలో చైనాలో రెడ్‌మి టర్బో 4 ప్రో రీబ్రాండెడ్ వెర్షన్‌గా లాంచ్ కానుందని నివేదికలు సూచించాయి. అదనంగా, ఫోన్ స్పెసిఫికేషన్లు కూడా ఆన్‌లైన్‌లో లీక్ అయ్యాయి. భారీ బ్యాటరీ, ఫాస్ట్ ఛార్జింగ్ సపోర్ట్, డ్యూయల్ రియర్ కెమెరా సెన్సార్‌ను సూచిస్తున్నాయి. రాబోయే పోకో F7 గురించి ఇప్పటివరకు తెలిసిన పూర్తి వివరాలు ఇలా ఉన్నాయి.

Read Also : Post Office Scheme : మీకు జీతం పడిందా? పోస్టాఫీసులో ఇలా పెట్టుబడి పెడితే 5 ఏళ్లలో లక్షాధికారి అయిపోవచ్చు..!

పోకో F7 డిజైన్ (అంచనా) :
ఈ బ్రాండ్ పోకో F7 డిజైన్‌, ఫోన్ లైవ్ ఫొటో లీక్ అయింది. టిప్‌స్టర్ అభిషేక్ యాదవ్ పోకో F7 డిజైన్‌ను షేర్ చేశారు. ఈ 2 ఇమేజ్ సెన్సార్‌లతో కూడిన ఓవల్ షేప్ కెమెరా మాడ్యూల్‌ను వెల్లడించారు.

పోకో F7 స్పెసిఫికేషన్లు (అంచనా) :
ఈ స్మార్ట్‌ఫోన్ 6.83-అంగుళాల ఫ్లాట్ OLED LTPS డిస్‌ప్లే 120Hz రిఫ్రెష్ రేట్, 1.5K రిజల్యూషన్, 1,800 నిట్స్ బ్రైట్‌నెస్‌తో కలిగి ఉంటుందని అంచనా. హుడ్ కింద హ్యాండ్‌సెట్ క్వాల్కమ్ స్నాప్‌డ్రాగన్ 8s జనరేషన్ 4తో 16GB వరకు ర్యామ్, 512GB స్టోరేజీతో రావచ్చు.

కెమెరా విషయానికొస్తే.. పోకో F7లో 50MP సోనీ IMX766 ప్రైమరీ సెన్సార్, OISతో బ్యాక్ సైడ్ 8MP అల్ట్రావైడ్ సెన్సార్ ఉంటాయి. ఫ్రంట్ సైడ్ 20MP సెల్ఫీ కెమెరాను కలిగి ఉండొచ్చు. బ్యాటరీపరంగా 90W ఫాస్ట్ ఛార్జింగ్ సపోర్ట్‌తో 7,550mAh బ్యాటరీని కలిగి ఉండవచ్చు. ఆండ్రాయిడ్ 15-ఆధారిత HyperOS 2.0 కస్టమ్ UI, IP68/IP69 వాటర్, డస్ట్ రెసిస్టెన్స్, ఆప్టికల్ ఇన్-డిస్‌ప్లే ఫింగర్ ప్రింట్ స్కానర్, ఐఆర్ బ్లాస్టర్ ఉన్నాయి. ఈ వివరాలు అధికారికంగా ధృవీకరించలేదు.

Read Also : Motorola Edge 60 Launch : పిచ్చెక్కించే ఫీచర్లతో మోటోరోలా ఎడ్జ్ 60 వచ్చేస్తోందోచ్.. ఫీచర్లు భలే ఉన్నాయి.. ధర ఎంత ఉండొచ్చంటే?

భారత్‌లో పోకో F7 ధర (అంచనా) :
పోకో F7 బేస్ వేరియంట్ ధర దాదాపు రూ.34,999 ఉండవచ్చు. భారత మార్కెట్లో పోకో F6 బేస్ వేరియంట్ ధర రూ.29,999కి లాంచ్ అయింది.