Realme 12X 5G Sale : కొత్త ఫోన్ కొంటున్నారా? భారత్‌లో రియల్‌మి 12ఎక్స్ 5జీ స్పెషల్ సేల్ మొదలైందోచ్..!
Realme 12X 5G Sale : ఏప్రిల్ 10న భారత మార్కెట్లో రియల్‌మి 12ఎక్స్ 5జీ ఫస్ట్ సేల్ ప్రారంభం కానుంది. అంతకంటే ముందుగానే ఈ ఫోన్ స్పెషల్ సేల్ ప్రారంభమైంది. ధర, ఫీచర్లు, ఆఫర్ల వివరాలు ఇలా ఉన్నాయి.
- Published By: 10TV Digital Team ,Published On : April 5, 2024 / 08:23 PM IST
Realme 12X 5G Special Sale in India Today Ahead of Scheduled April 10 First Sale
Realme 12X 5G Special Sale : కొత్త ఫోన్ కోసం చూస్తున్నారా? ప్రముఖ చైనా స్మార్ట్‌ఫోన్ దిగ్గజం రియల్‌మి నుంచి సరికొత్త 5జీ ఫోన్ ఫస్ట్ సేల్ మొదలైంది. ఏప్రిల్ 2న భారత మార్కెట్లో లాంచ్ అయిన ఈ 5జీ ఫోన్‌లో మీడియాటెక్ డైమన్షిటీ 6100 ప్లస్ చిప్‌సెట్, సూపర్‌వూక్ ఛార్జింగ్ సపోర్ట్‌తో 5,000ఎంఎహెచ్ బ్యాటరీతో వస్తుంది. విలాసవంతమైన వాచ్-ప్రేరేపిత డిజైన్‌తో వస్తుంది. ఇతర రియల్‌మి 12 మోడళ్లలో మాదిరిగానే డైనమిక్ బటన్, ఎయిర్ గెచర్స్, మినీ క్యాప్సూల్ 2.0 వంటి ఫీచర్‌లను కలిగి ఉంది. ఈ నెలాఖరులో దేశంలో కొనుగోలుకు అందుబాటులోకి రానుంది. అంతకంటే ముందే ఈ ఫోన్ ప్రత్యేక సేల్‌లో లభ్యమవుతోంది.
భారత్‌లో రియల్‌మి 12ఎక్స్ 5జీ ధర, స్పెషల్ సేల్ ఆఫర్లు :
రియల్‌మి 12ఎక్స్ 5జీ భారత మార్కెట్లో 4జీబీ+ 128జీబీ ఆప్షన్ ప్రారంభ ధర రూ. 11,999 ఉండగా, 6జీబీ+128జీబీ, 8జీబీ+ 128జీబీ వేరియంట్‌ల ధర వరుసగా రూ. 13,499, రూ. 14,999 ఉంటాయి. ట్విలైట్ పర్పుల్, వుడ్‌ల్యాండ్ గ్రీన్ కలర్ ఆప్షన్‌లలో అందుబాటులో ఉంటాయి. ఈ ఫోన్ మొదటి సేల్ ఏప్రిల్ 10న మధ్యాహ్నం 12 గంటలకు ఫ్లిప్‌కార్ట్, రియల్‌మి ఇండియా వెబ్‌సైట్ ద్వారా అందుబాటులో ఉంటుంది. రియల్‌మి 12ఎక్స్ 5జీ మొదటి అమ్మకానికి ముందు ఈరోజు ఏప్రిల్ 5న ప్రత్యేక విక్రయంలో కొనుగోలుకు అందుబాటులో ఉంటుందని రియల్‌మి ప్రకటించింది. పైన జాబితా చేసిన ఆన్‌లైన్ ప్లాట్‌ఫారమ్‌ల ద్వారా సేల్ మధ్యాహ్నం 12 గంటల నుంచి 2 గంటల వరకు కొనసాగుతుంది.
ఈ సేల్‌లో భాగంగా, రియల్‌మి ఫోన్ జాబితా చేసిన దానికన్నా తక్కువ ధరలకు పొందవచ్చు. ఐసీఐసీఐ, హెచ్‌డీఎఫ్‌సీ బ్యాంక్, ఎస్‌బీఐ కార్డ్ హోల్డర్లు రూ. రూ. వెయ్యి వరకు తగ్గింపు పొందవచ్చు. ఈ బ్యాంక్ ఆఫర్‌లతో సహా యూజర్లు రియల్‌మి 12ఎక్స్ 5జీ 4జీబీ వెర్షన్‌ను రూ. 10,999 ప్రభావవంతమైన ధరతో పొందవచ్చునని కంపెనీ ధృవీకరించింది. 6జీబీ వేరియంట్‌ని కొనుగోలు చేయడానికి ఎంచుకున్న యూజర్లు అదనంగా బ్యాంక్ ఆఫర్‌లపై రూ. 500 తగ్గింపు పొందవచ్చు. తద్వారా ఈ మోడల్ ధరను రూ. 11,999కు తగ్గించవచ్చు.
రియల్‌మి 12ఎక్స్ 5జీ స్పెసిఫికేషన్లు, ఫీచర్లు :
6.72-అంగుళాల ఫుల్-హెచ్‌డీ+ (2,400 x 1,080 పిక్సెల్‌లు) ఐపీఎస్ ఎల్‌సీడీ స్క్రీన్‌తో, రియల్‌మి 12ఎక్స్ 5జీ 120హెచ్‌జెడ్ రిఫ్రెష్ రేట్, 950నిట్స్ గరిష్ట ప్రకాశం స్థాయితో వస్తుంది. ఈ హ్యాండ్‌సెట్ 6ఎన్ఎమ్ మీడియాటెక్ డైమెన్సిటీ 6100+ ఎస్ఓసీని 8జీబీ వరకు (LPDDR4x) ర్యామ్, 128జీబీ యూఎఫ్ఎస్ 2.2 ఆన్‌బోర్డ్ స్టోరేజ్‌తో వస్తుంది. ఆండ్రాయిడ్14-ఆధారిత రియల్‌మి యూఐ 5.0తో వస్తుంది.
కెమెరా విషయానికి వస్తే.. రియల్‌మి 12ఎక్స్ 5జీ 50ఎంపీ ప్రైమరీ సెన్సార్, బ్యాక్ సైడ్ ఎల్ఈడీ ఫ్లాష్ యూనిట్‌తో పాటు 2ఎంపీ మాక్రో షూటర్‌ను కలిగి ఉంది. మరోవైపు, ఫ్రంట్ కెమెరా, 8ఎంపీ సెన్సార్‌ను కలిగి ఉంది. రియల్‌మి 12ఎక్స్ 5జీ 45డబ్ల్యూ వైర్డు సూపర్‌వూక్ ఛార్జింగ్‌కు సపోర్టుతో 5,000ఎంఎహెచ్ బ్యాటరీని కలిగి ఉంది. డ్యూయల్ 5జీ, వై-ఫై, జీపీఎస్, బ్లూటూత్ 5.3, యూఎస్‌బీ టైప్-సి కనెక్టివిటీకి కూడా సపోర్టు ఇస్తుంది. భద్రత విషయానికి వస్తే.. సైడ్-మౌంటెడ్ ఫింగర్ ప్రింట్ సెన్సార్‌ను కలిగి ఉంది. దుమ్ము, స్ప్లాష్ నిరోధకతకు ఐపీ54 రేటింగ్‌తో వస్తుంది. 188గ్రాముల బరువు, హ్యాండ్‌సెట్ సైజు 165.6ఎమ్ఎమ్x 76.1ఎమ్ఎమ్x 7.69ఎమ్ఎమ్ ఉంటుంది.
Read Also : Apple Lays Off : ఆపిల్‌లో భారీగా ఉద్యోగాల కోత.. ఆ కారణంతో 600 మందిని ఇంటికి పంపేసింది!
