WhatsApp Web : వాట్సాప్ వెబ్‌లో ఇంట్రెస్టింగ్ ఫీచర్.. త్వరలో గూగుల్ ఫొటోలను రివర్స్ సెర్చ్ చేయొచ్చు.. ఇదేలా ఎలా పనిచేస్తుందంటే?
WhatsApp Web : వాట్సాప్‌లో షేర్ చేసిన ఫొటో ఎడిట్ చేసిందా? ఎవరైనా మార్పింగ్ చేశారా? అని గుర్తించడంలో ఈ కొత్త ఫీచర్ వినియోగదారులకు సాయపడుతుంది.
- Published By: 10TV Digital Team ,Published On : December 29, 2024 / 10:41 PM IST
WhatsApp Web may soon let users reverse search images
WhatsApp Web : ప్రముఖ మెసేంజర్ వాట్సాప్ సరికొత్త ఇంట్రెస్టింగ్ ఫీచర్ తీసుకొస్తోంది. ఆన్‌లైన్‌లో పెరుగుతున్న తప్పుడు సమాచారంతో పోరాడాలని వాట్సాప్ భావిస్తోంది. కొత్త రివర్స్ ఇమేజ్ సెర్చ్ ఫీచర్‌తో రాబోతుంది. ఈ కొత్త ఫీచర్ గతంలో వాట్సాప్ ఆండ్రాయిడ్ బీటా అప్లికేషన్ ద్వారా గుర్తించింది. ఇప్పుడు నివేదిక ద్వారా వాట్సాప్ వెబ్ బీటాలో కనిపించింది. వాట్సాప్ యూజర్లు గూగుల్ నుంచి అసిస్టెంట్ ద్వారా వారితో షేర్ చేసిన ఫొటోను అథెంటికేషన్ చేసేందుకు అనుమతిస్తుంది.
షేర్ చేసిన ఫొటో ఎడిట్ చేసిందా? ఎవరైనా మార్పింగ్ చేశారా? అని గుర్తించడంలో కొత్త ఫీచర్ వినియోగదారులకు సాయపడుతుంది. ఇక్కడ మంచి విషయం ఏమిటంటే.. వినియోగదారులు తమ డెస్క్‌టాప్‌లో ఫొటోను డౌన్‌లోడ్ చేయనవసరం లేదు. వెబ్ అప్లికేషన్ నుంచి రివర్స్ ఇమేజ్ సెర్చ్ ప్రాసెస్‌ను ప్రారంభించేందుకు వాట్సాప్ షార్ట్‌కట్ అందిస్తుంది.
వాట్సాప్ యూజర్ వెబ్‌లో ఫొటో కోసం సెర్చ్ చేసే ఆప్షన్ ఎంచుకున్న తర్వాత వాట్సాప్ యూజర్ల ఆమోదంతో పేర్కొన్న ఫొటోను గూగుల్‌లో అప్‌లోడ్ చేస్తుంది. రివర్స్ ఇమేజ్ సెర్చ్ ప్రక్రియను ఎనేబుల్ చేసి డిఫాల్ట్ బ్రౌజర్‌ను ఓపెన్ చేస్తుంది. అయితే, మొత్తం రివర్స్ ఇమేజ్ సెర్చ్ ప్రాసెస్‌ను గూగుల్ నిర్వహిస్తుంది. వాట్సాప్‌కి ఇమేజ్ కంటెంట్‌లను స్కాన్ చేసే యాక్సెస్ ఉండదని గమనించాలి.
వాట్సాప్ ఇటీవల ఐఓఎస్ యాప్‌లో డాక్యుమెంట్‌లను స్కాన్ చేసే సామర్థ్యాన్ని తీసుకొచ్చింది. కొత్త ఇన్-యాప్ స్కానింగ్ ఫీచర్ ఐఓఎస్ అప్‌డేట్ లేటెస్ట్ వాట్సాప్ (వెర్షన్ 24.25.80)లో అందుబాటులో ఉంది. వినియోగదారులు యాప్ డాక్యుమెంట్-షేరింగ్ మెను ద్వారా నేరుగా డాక్యుమెంట్‌లను స్కాన్ చేసేందుకు ఈ ఫీచర్ అనుమతిస్తుంది. ఎక్స్‌ట్రనల్ స్కానింగ్ టూల్స్ అవసరం లేకుండానే సులభంగా స్కాన్ చేయొచ్చు.
ఈ కొత్త టూల్ వాట్సాప్‌ను కమ్యూనికేషన్, డాక్యుమెంట్ మార్పిడికి లక్ష్యంగా పెట్టుకుంది. వినియోగదారులు డాక్యుమెంట్-పార్టనర్‌షిప్ మెనుని ఓపెన్ చేసిన తర్వాత వారు తమ డివైజ్ కెమెరాను యాక్టివ్ చేసే స్పెషల్ “స్కాన్” ఆప్షన్ యాక్సెస్ చేయవచ్చు.
డాక్యుమెంట్ ఫొటోను క్యాప్చర్ చేసిన తర్వాత వినియోగదారులు స్కాన్‌ను ప్రివ్యూ చేసి సర్దుబాట్లు చేయవచ్చు. యాప్ ఆటోమాటిక్‌గా మార్జిన్‌లను గుర్తిస్తుంది. అయితే, సరైన ఫ్రేమింగ్ స్పష్టత కోసం వాటిని మాన్యువల్‌గా ఫైన్-ట్యూన్ చేసేందుకు వినియోగదారులు ఫుల్ కంట్రోల్ కలిగి ఉంటారు.
