Bandi Sanjay: సాహసోపేత బడ్జెట్ ప్రవేశపెట్టినందుకు సెల్యూట్ – బండి సంజయ్

కేంద్ర బడ్జెట్ ను ఆర్థిక శాఖ మంత్రి నిర్మలా సీతారామన్ ప్రవేశపెట్టడం తనకు గర్వంగా ఉందంటున్నారు తెలంగాణ బీజేపీ రాష్ట్ర అధ్యక్షులు బండి సంజయ్. 'ఈ బడ్జెట్ విప్లవాత్మకమైనదని..

Bandi Sanjay

Bandi Sanjay: కేంద్ర బడ్జెట్ ను ఆర్థిక శాఖ మంత్రి నిర్మలా సీతారామన్ ప్రవేశపెట్టడం తనకు గర్వంగా ఉందంటున్నారు తెలంగాణ బీజేపీ రాష్ట్ర అధ్యక్షులు బండి సంజయ్. ‘ఈ బడ్జెట్ విప్లవాత్మకమైనదని.. రాబోయే పాతికేళ్ల దేశ భవిష్యత్ కు అద్దం పట్టేలా ఉందని కొనియాడారు.

‘స్వదేశీ వ్యాక్సిన్‌తో కరోనాను కట్టడి చేసిన మోదీ ప్రభుత్వం…. ‘ఆత్మ నిర్భర్’ వ్యాక్సిన్‌తో ఆర్దిక సుస్థిరత సాధించి చారిత్రాత్మకంగా నిలిచింది. ఆర్దిక ఇబ్బందులున్నప్పటికీ ప్రజలపై భారం మోపకుండా పన్నుల రహిత బడ్జెట్ ను రూపొందించడం సాహసోపేతమైనదే’నని అభిప్రాయపడ్డారు బండి సంజయ్.

‘ఎన్నికల రాజకీయాలతో పనిలేకుండా దేశహితమే లక్ష్యంగా దీర్ఘకాల లక్ష్యాలతో రూపొందించిన బడ్జెట్ ఇది. ఎస్ఎంఈ, ఎంఎస్ఎంఈ రంగాలకు రూ.6 లక్షల కోట్ల ప్రోత్సాహకాలతో కోట్లాది మంది యువతకు ఉద్యోగ, ఉపాధి అవకాశాలు రాబోతున్నాయి’

Rad Also: ఈసారి పక్కా.. డేట్ ఫిక్స్ చేసుకున్న స్టార్ హీరోలు!

‘అన్ని రంగాలను సమదృష్టిలో చూడటం కత్తిమీద సాములాంటిదే. అయినప్పటికీ వీటిని సునాయసంగా అధిగమిస్తూ అందరికీ ఆమోదయోగ్యమైన బడ్జెట్ ను రూపొందించడం గర్వకారణం. ఇంతటి సాహసోపేత బడ్జెట్ ను ప్రవేశపెట్టిన ప్రధాని నరేంద్ర మోదీ, ఆర్దిక మంత్రి నిర్మలా సీతారామన్ గారికి నా సెల్యూట్’ అని వివరించారు బండి సంజయ్.