Hyderabad Metro: హైదరాబాద్ మెట్రో రైల్ ప్రయాణికులకు గుడ్‌న్యూస్.. ఇకపై రూ.59కే..
గతంలో ఈ ఆఫర్‌ను రూ.59కే అందించారు. కొన్ని నెలల క్రితం దాన్ని రూ.99కి పెంచారు. ఇప్పుడు..
- Published By: 10TV Digital Team ,Published On : September 22, 2023 / 06:27 PM IST
Hyderabad Metro Train
Hyderabad Metro – Super Saver Offer: హైదరాబాద్ మెట్రో రైల్ అందిస్తున్న హాలీ డే సూపర్ సేవర్ ఆఫర్ కోసం ఇకపై రూ.59కే చెల్లిస్తే సరిపోతుంది. సూపర్ సేవర్ ఆఫర్‌ను ప్రస్తుతం రూ.99కి అందిస్తోన్న విషయం తెలిసిందే.
గతంలో ఈ ఆఫర్‌ను రూ.59కే అందించారు. కొన్ని నెలల క్రితం దాన్ని రూ.99కి పెంచారు. ఇప్పుడు పాత ధరకే రీచార్జ్ చేసుకోవచ్చు. సెప్టెంబర్ 23 నుండి అన్ని సెలవు దినాల్లో 59 రూపాయలు చెల్లించి అపరిమితంగా ప్రయాణం చేయవచ్చు. గతంలో మెట్రో ప్రయాణికులు కొనుగోలు చేసిన హాలిడేస్ కార్డుతో ఈ సౌకర్యాలు పొందవచ్చు.
హాలీ డే సూపర్ సేవర్ కార్డులేని వారు రూ.100 చెల్లించి కొత్త హాలిడే కార్డును కొనుగోలు చేయవచ్చు. 2024, మార్చి 31 వరకు ఈ ఆఫర్ అందుబాటులో ఉంటుందని ఎల్అండ్‌టీ మెట్రో ఓ ప్రకటనలో తెలిపింది. నగరాన్ని సందర్శించేందుకు వచ్చే టూరిస్టులకు, నగరంలో దూరప్రాంతాలు ప్రయాణం చేసే వారికి ఈ ఆఫర్ చాలా ఉపయోగపడుతుందని చెప్పింది.
Super Saver Offer
