Minister KTR : గుజరాత్‌ని గుండెల్లో పెట్టుకుని తెలంగాణ గుండెల్లో గునపాలా ? ప్రధాని మోదీపై కేటీఆర్ విమర్శలు

పదేళ్ల నుంచి పాతరేసి.. ఎంతకాలం ఈ అబద్ధాల జాతర ?మీ మనసు కరిగేదెప్పుడు.. తెలంగాణ గోస తీరేదెప్పుడు.. ?గుండెల్లో గుజరాత్ ను పెట్టుకుని తెలంగాణ గుండెల్లో గునపాలా ?

Minister KTR..PM Modi : ప్రధాని నరేంద్ర మోదీ 10 ఏళ్ల పాలనపై తెలంగాణ మంత్రి కేటీఆర్ ట్విట్టర్ వేదికంగా సెటైర్లు వేశారు. ప్రశ్నలు సంధించారు. మీ 10 ఏళ్ల పాలనలో ఆదానీకి తప్ప ఆప్ కు దక్కిందేంటీ..?మా కాజీ పేట కోచ్ ఫ్యాక్టరీకి ప్రాణం పోసేదెప్పుడు అంటూ ప్రశ్నాస్త్రాలు సంధించారు. కేటీఆర్ తనదైన శైలిలో కవిత రూపంలో ప్రధాని మోదీ పాలనపై ప్రశ్నలతో కూడిన సెటైర్లు వేశారు. ప్రశ్నల ప్రారంభంలో మూడు ప్రశ్నలు వేశారు.కాజీ పేట కోచ్ ఫ్యాక్టరీ,బయ్యారం ఉక్కు ఫ్యాక్టరీ, పాలమూరు ప్రాజెక్టుకు జాతీయ హోదా వంటి మూడు అంశాలపై ప్రశ్నలు సంధించారు. మూడు రోజుల వ్యవధిలో మూడోసారి ప్రధాని మోదీ తెలంగాణకు వస్తున్న క్రమంలో కేటీఆర్ వినూత్నంగా ప్రశ్నలు సంధించారు…మరి కేటీఆర్ ట్వీట్ ఏంటో చూసేయండి..

1. మా కాజీపేట కోచ్ ఫ్యాక్టరీకి ప్రాణం పోసేదెప్పుడు ?
2. మా బయ్యారం ఉక్కు కర్మాగారం నిర్మించేదెప్పుడు?
3. మా పాలమూరు ప్రాజెక్టుకు జాతీయహోదా దక్కేదెప్పుడు ?

మూడురోజుల వ్యవధిలో రెండోసారి వస్తున్నరు….
మరి.. ఆ మూడు విభజన హక్కులకు దిక్కేది ?
దేళ్ల నుంచి పాతరేసి.. ఎంతకాలం ఈ అబద్ధాల జాతర ?
మీ మనసు కరిగేదెప్పుడు.. తెలంగాణ గోస తీరేదెప్పుడు.. ?
గుండెల్లో గుజరాత్ ను పెట్టుకుని తెలంగాణ గుండెల్లో గునపాలా ?

కోచ్ ఫ్యాక్టరీ, ఉక్కు కర్మాగారం ఉపిరి తీశారు..
లక్షల ఉద్యోగాలిచ్చే ఐ.టీ.ఐ.ఆర్ ను ఆగం చేశారు..
మా ప్రాజెక్టుకు జాతీయ హోదా హామీని తుంగలో తొక్కారు..
దశాబ్దాలపాటు దగాపడ్డ పాలమూరుకు ద్రోహంచేసి వెళ్లిపోయారు

మీ పదేళ్ల పాలనలో..
4 కోట్ల తెలంగాణ ప్రజల్నే కాదు..
140 కోట్ల భారతీయులను మోసం చేశారు..
2022 కల్లా రైతుల ఆదాయం డబుల్ అన్నారు..
దేశంలో ప్రతి ఒక్కరికి సొంత ఇళ్లు అన్నారు..
ఏటా రెండు కోట్ల ఉద్యోగాలిస్తాం అన్నారు..
పెట్రోల్ ధరలు నియంత్రిస్తాం అన్నారు..
మీ దోస్తుకు ఇచ్చిన హామీలు తప్ప
దేశ ప్రజలకిచ్చిన ఒక్క మాటను నెరవేర్చరా..?

మీ పసుపు బోర్డు ప్రకటన కూడా..
మహిళా రిజర్వేషన్ మాదిరిగానే ఉంది..
ఎన్నికల వేళ హంగామా ఇప్పుడు..
మరి అది అమలు అయ్యేది ఎప్పుడో..
ప్రధానిగా మీ పదేళ్ల పాలనలో…
అదానికి తప్ప.. ఆమ్ ఆద్మీకి దక్కిందేంటి..!
మా మూడు ప్రధాన హామీలు నెరవేర్చకపోతే..
వచ్చే ఎన్నికల్లో బీజేపీ గూడు చెదరడం పక్కా…!
మళ్లీ వంద స్థానాల్లో మీ డిపాజిట్లు గల్లంతవడం గ్యారెంటీ…!!

 

ప్రధాని @narendramodi గారు…
మా మూడు ప్రధాన హామీల సంగతేంటి…???

1. మా కాజీపేట కోచ్ ఫ్యాక్టరీకి ప్రాణం పోసేదెప్పుడు ?

2. మా బయ్యారం ఉక్కు కర్మాగారం నిర్మించేదెప్పుడు ?

3. మా పాలమూరు ప్రాజెక్టుకు జాతీయహోదా దక్కేదెప్పుడు ?

మూడురోజుల వ్యవధిలో రెండోసారి వస్తున్నరు…..మరి.. ఆ…

— KTR (@KTRBRS) October 3, 2023