Hyderabad : దారితప్పిన పోలీస్.. తప్పతాగి యాక్సిడెంట్ చేసిన సీఐ, హైదరాబాద్ బొల్లారంలో దారుణం
సీఐకి బ్రీత్ ఎనలైజర్ టెస్టులో 210 పాయింట్లు వచ్చినట్లు తెలుస్తోంది. Hyderabad Accident
- Published By: 10TV Digital Team ,Published On : August 26, 2023 / 05:18 PM IST
Hyderabad Accident
Hyderabad Accident : హైదరాబాద్ బొల్లారంలో ఓ సీఐ తప్పతాగి వాహనాన్ని నడిపాడు. ఎదురుగా వస్తున్న వాహనాన్ని ఢీకొట్టాడు. ఈ ప్రమాదంలో కూరగాయల లోడ్ తో వెళ్తున్న డ్రైవర్ కు తీవ్ర గాయాలయ్యాయి. సీఐకి బ్రీత్ ఎనలైజర్ టెస్టులో 210 పాయింట్లు వచ్చినట్లు తెలుస్తోంది. ప్రస్తుతం కమాండ్ కంట్రోల్ లో విధులు నిర్వహిస్తున్నారు సీఐ శ్రీనివాస్. కాగా.. సీఐ శ్రీనివాస్.. డీఎస్పీ ప్రమోషన్ లిస్టులో ఉన్నారు.
ఈ ప్రమాదంలో కూరగాయల లోడ్ తో వెళ్తున్న వాహనం పూర్తిగా ధ్వంసమైంది. యాక్సిడెంట్ చేసిన వ్యక్తి పోలీస్ కావడంతో అధికారులు ఎలాంటి చర్యలు తీసుకోలేదని బాధితులు వాపోయారు. తమకు న్యాయం జరిగేలా చూడాలని ఉన్నతాధికారులు వేడుకున్నారు. ఆయన ఇన్ స్పెక్టర్ కావడంతో ఈ కేసు నుంచి తప్పించే ప్రయత్నం జరుగుతోందని ఆరోపించారు. ఒక బాధ్యతాయుతమైన డ్యూటీలో ఉన్న అధికారి ఇలా తప్పతాగి వాహనం నపడటం క్షమించరాని నేరం అంటున్నారు. ఉన్నతాధికారులు దీన్ని సీరియస్ గా తీసుకోవాలంటున్నారు.
తప్పు చేసిన వారిని శిక్షించాల్సిన పోలీసే.. ఇలా తప్పతాగి యాక్సిడెంట్ చేయడం హాట్ టాపిక్ గా మారింది. మందు తాగి వాహనాలు నడపటం నేరం అనే విషయం అందరికీ తెలుసు. అలాంటిది ఓ పోలీస్ ఇలా చేయడం అందరినీ నివ్వెరపరిచింది. రూల్స్ లో ఫాలో కావాల్సిన వారే ఇలా రూల్స్ బ్రేక్ చేస్తే ఎలా అని స్థానికులు మండిపడుతున్నారు.
బాధ్యతాయుతమైన పదవిలో ఉంటూ ఇలా రూల్స్ బ్రేక్ చేయడం కరెక్ట్ కాదంటున్నారు. న్యాయం చేయాల్సిన పోలీసులే ఇలా తప్పులు చేస్తే ఇక తాము ఎవరికి చెప్పుకోవాలని వాపోతున్నారు. సీఐ శ్రీనివాస్ తీరు డిపార్ట్ మెంట్ లోనూ హాట్ టాపిక్ గా మారింది. ఉన్నతాధికారులు దీన్ని సీరియస్ గా తీసుకుంటారో లేదో చూడాలి. కాగా, భవిష్యత్తులో ఇలాంటి ఘటనలు రిపీట్ అవకుండా ఉండాలంటే ఇలాంటి బాధ్యత లేని వ్యక్తులపై కఠిన చర్యలు తీసుకోవాలని స్థానికులు డిమాండ్ చేస్తున్నారు.
