Telangana Corona News : తెలంగాణకు రిలీఫ్.. కరోనా రోజువారీ కేసుల్లో తగ్గుదల
రాష్ట్రంలో నేటివరకు 8లక్షల 34వేల 143 కొవిడ్ పాజిటివ్ కేసులు నమోదు కాగా.. 8లక్షల 28వేల 108 మంది కోలుకున్నారు. రాష్ట్రంలో కరోనా యాక్టివ్ కేసుల సంఖ్య 1,924కి తగ్గింది.
- Published By: 10TV Digital Team ,Published On : August 29, 2022 / 09:16 PM IST
Telangana Corona News : తెలంగాణకు బిగ్ రిలీఫ్. కరోనా కొత్త కేసులు భారీగా తగ్గాయి. కరోనా రోజువారీ కేసులు కనిష్ఠ స్థాయిలో నమోదయ్యాయి. కాగా, క్రితం రోజుతో (175) పోలిస్తే కొత్త కేసుల సంఖ్య కాస్త పెరిగింది. గడిచిన 24 గంటల్లో 14వేల 320 మందికి కరోనా పరీక్షలు చేయగా, 192 మందికి పాజిటివ్ గా నిర్ధారణ అయింది. హైదరాబాద్ లో అత్యధికంగా 80 కేసులు వచ్చాయి. రంగారెడ్డి జిల్లాలో 16 కేసులు, మేడ్చల్ మల్కాజిగిరి జిల్లాలో 16 కేసులు వెల్లడయ్యాయి.
అదే సమయంలో ఒక్కరోజు వ్యవధిలో మరో 345 మంది కరోనా నుంచి కోలుకున్నారు. కొత్త కేసుల కంటే రికవరీల సంఖ్య అధికంగా ఉండటం ఊరటనిచ్చే అంశం. ఇక కొత్తగా కరోనా మరణాలేవీ నమోదు కాలేదు.
రాష్ట్రంలో నేటివరకు 8లక్షల 34వేల 143 కొవిడ్ పాజిటివ్ కేసులు నమోదు కాగా.. 8లక్షల 28వేల 108 మంది కోలుకున్నారు. రాష్ట్రంలో కరోనా యాక్టివ్ కేసుల సంఖ్య 1,924కి తగ్గింది. రాష్ట్రంలో నేటివరకు కరోనాతో మరణించిన వారి సంఖ్య 4వేల 111. ఈ మేరకు రాష్ట్ర వైద్య ఆరోగ్యశాఖ సోమవారం కరోనా బులెటిన్ విడుదల చేసింది. క్రితం రోజు రాష్ట్రంలో 12వేల 590 మందికి కరోనా పరీక్షలు చేయగా, 175 మందికి పాజిటివ్ గా తేలింది.
తెలంగాణ కరోనా బులెటిన్..
Media Bulletin on status of positive cases #COVID19 in Telangana.
(Dated.29.08.2022 at 5.30pm)@TelanganaHealth #StaySafeStayHealthy pic.twitter.com/bX7h68v6r6— IPRDepartment (@IPRTelangana) August 29, 2022
