Cabinet Meeting: సీఎం రేవంత్ రెడ్డి అధ్యక్షతన తొలి కేబినెట్ భేటీ
కేబినెట్ భేటీ నేపథ్యంలో మంత్రులుగా ప్రమాణ స్వీకారం చేసినవారు సీఎం రేవంత్ వెనకాలే సచివాలయానికి వచ్చారు. సచివాలయ సిబ్బంది, ముఖ్యమంత్రి సహా నూతన మంత్రులకు ఘన స్వాగతం పలికారు
- Published By: 10TV Digital Team ,Published On : December 7, 2023 / 05:22 PM IST
ముఖ్యమంత్రి రేవంత్ రెడ్డి అధ్యక్షతన తెలంగాణ కేబినెట్ తొలి సమావేశం ప్రారంభమైంది. సచివాలయంలోని 6వ అంతస్తులో ఈ సమావేశం జరుగుతోంది. ప్రమాణ స్వీకారం ముగిసిన వెంటనే ఏఐసీసీ సీనియర్ నాయకులతో సమావేశం ముగించుకుని, అటు నుంచి నేరుగా సీఎం రేవంత్ రాష్ట్ర సచివాలయానికి చేరుకున్నారు. సచివాలయానికి ఆయన తన సొంత కారులోనే వచ్చారు. ఆ కారుకే పోలీస్ ఎస్కార్ట్ ఏర్పాటు చేశారు.
Chief Minister Revanth Reddy enters the Secretariat amidst cheers from employees@DeccanChronicle @oratorgreat @BaluPulipaka @TelanganaCMO @revanth_anumula pic.twitter.com/PXNkWPUCUu
— Pinto Deepak (@PintodeepakD) December 7, 2023
కాగా, కేబినెట్ భేటీ నేపథ్యంలో మంత్రులుగా ప్రమాణ స్వీకారం చేసినవారు సీఎం రేవంత్ వెనకాలే సచివాలయానికి వచ్చారు. సచివాలయ సిబ్బంది, ముఖ్యమంత్రి సహా నూతన మంత్రులకు ఘన స్వాగతం పలికారు. ఇదిలా ఉంటే.. మొదటి కేబినెట్ సమావేశంలో ఏ ఏ అంశాలపై జరగనుందనే విషయం మాత్రం ఇంకా వెల్లడించలేదు. కాగా, ఎన్నికల్లో ఇచ్చిన ఆరు గ్యారంటీల మీదనే ప్రధానంగా చర్చించనున్నట్లు తెలుస్తోంది.
