Telangana: ఒక్క చుక్క లిక్కర్ అమ్మకుండానే రూ.2,600 కోట్లు సంపాదించిన తెలంగాణ సర్కార్

రాష్ట్ర లిక్కర్ పాలసీ ప్రకారం.. 5000 మంది జనాభా కంటే తక్కువ ఉన్న ప్రాంతాల్లో 50 లక్షల రూపాయలు లైసెన్స్ ఫీజు చెల్లించాలి. ఇక 20 లక్షల జనాభా కంటే ఎక్కువ ఉన్న ప్రాంతాల్లో 1.1 కోట్ల రూపాయలు చెల్లించాలి

Liquor Sale: తెలంగాణలో మద్యం పరవళ్ల గురించి ప్రత్యేకంగా చెప్పనక్కర్లేదు. రాష్ట్ర ఆదాయంలో మద్యం ఆదాయం సింహభాగం అంటే అతిశయోక్తి కాదు. ఇక రాష్ట్రంలో పండగ, పబ్బాలు లాంటివి వచ్చాయంటే.. లిక్కర్ ఏరులై పారుతుంది. అలాంటిది.. ఒక్క బాటిల్ మూత తీయలేదు, ఒక్క చుక్క అమ్ముడు పోలేదు. అయినా తెలంగాణ ప్రభుత్వానికి 2,639 కోట్ల రూపాయల ఆదాయం వచ్చింది. తాజాగా రాష్ట్రంలోని లిక్కర్ షాపులకు ప్రభుత్వం టెండర్లు పిలిచింది. ఈ పిలుపుకు భారీ స్థాయిలో స్పందన వచ్చింది.

Viral Video: భారత్‌లో కూరగాయలు కొనుక్కున్న జర్మనీ మంత్రి.. ఆ తర్వాత ఆశ్చర్యం వ్యక్తం చేస్తూ..

రాష్ట్రంలోని 2,620 షాపులకు గాను ఏకంగా 1.32 లక్షల అప్లికేషన్లు వచ్చాయి. ఒక్కో అప్లికేషన్ కింద ప్రభుత్వం రెండు లక్షల రూపాయలు వసూలు చేసింది. ఇక దీనితో పాటు లిక్కర్ షాపు దక్కించుకున్న వారు 50 లక్షల రూపాయల నుంచి 1.1 కోట్ల రూపాయల వరకు లైసెన్స్ ఫీజు చెల్లించాలి. ఇది మొత్తం కలిపితే రాష్ట్రానికి 2,639 కోట్ల రూపాయల ఆదాయం అవుతుంది. కాగా, లైసెన్స్ ఫీజులో ఆరవ వంతు ఈ నెల 23లోపు చెల్లించాలి.

Venigandla Ramu : గుడివాడ టికెట్ చంద్రబాబు ఎవరికిచ్చినా నాకు బాధ లేదు, కొడాలి నానిని ఓడించడమే నా ధ్యేయం- వెనిగండ్ల రాము

రాష్ట్ర లిక్కర్ పాలసీ ప్రకారం.. 5000 మంది జనాభా కంటే తక్కువ ఉన్న ప్రాంతాల్లో 50 లక్షల రూపాయలు లైసెన్స్ ఫీజు చెల్లించాలి. ఇక 20 లక్షల జనాభా కంటే ఎక్కువ ఉన్న ప్రాంతాల్లో 1.1 కోట్ల రూపాయలు చెల్లించాలి. ఒక వ్యాపారికి, మార్జిన్‌లతో పోలిస్తే రుసుము తక్కువగా ఉంటుంది. వారు సాధారణ బ్రాండ్ కోసం 27 శాతం, ప్రీమియం రకాలు కోసం 20 శాతం ఆదాయం ఆర్జించవచ్చు.

PM Competition: మోదీ, రాహుల్ మధ్య ప్రధాని పోటీ.. సర్వేలో ఆసక్తికర ఫలితాలు

ఇక లైసెన్సుల కేటాయింపులో రిజర్వేషన్ పాలసీని అమలు చేశారు. 786 లైసెన్సులు అంటే మొత్తంలో 30 శాతం వెనుకబడిన వర్గాలకు రిజర్వేషన్ కింద కేటాయించారు. ఇందులో 15 శాతం గౌడలు, సంప్రదాయబద్ధంగా కల్లు గీసేవారికి, అలాగే 10 శాతం షెడ్యూల్డ్ కులాలు, ఐదు శాతం షెడ్యూల్డ్ తెగలకు కేటాయించారు.