iQoo 12 5G Price Leak : ఈ నెల 12నే భారత్‌కు ఐక్యూ 12 5జీ ఫోన్.. లాంచ్‌కు ముందే ధర లీక్, ప్రీ-బుకింగ్ ఓపెన్..
iQoo 12 5G Price Leak : భారత మార్కెట్లోకి ఐక్యూ నుంచి సరికొత్త ఐక్యూ 12 5జీ ఫోన్ వచ్చేస్తోంది. ఈ నెల 12న లాంచ్ కానుండగా ధర వివరాలు లీకయ్యాయి. ప్రీ-బుకింగ్ ఓపెన్ అయ్యాయి.
- Published By: 10TV Digital Team ,Published On : December 5, 2023 / 11:09 PM IST
iQoo 12 5G Price in India Accidentally Leaked Ahead of December 12 Launch; Pre-Booking Now Open
iQoo 12 5G Price Leak : ప్రముఖ స్మార్ట్‌ఫోన్ దిగ్గజం ఐక్యూ నుంచి సరికొత్త మోడల్ ఐక్యూ 12 5జీ ఫోన్ వచ్చేస్తోంది. షెడ్యూల్ ప్రకారం.. ఈ నెల (డిసెంబర్) 12న భారత మార్కెట్లో లాంచ్ కానుంది. అయితే, అంతకన్నా ముందుగానే ఐక్యూ 12 5జీ ఫోన్ ధర వివరాలు లీకయ్యాయి. గత నవంబర్ 7న చైనాలో ఐక్యూ 12 5జీ లాంచ్ అయింది.
ఆ తర్వాత ఇప్పుడు భారతీయ యూజర్లకు అందుబాటులోకి రానుంది. ఐక్యూ 12 ప్రోతో పాటు ఫోన్ కూడా ఆవిష్కరించింది. ఇందులో ప్రో మోడల్ భారత్ లాంచ్ గురించి ఇంకా ఎలాంటి సమాచారం లేదు. అయినప్పటికీ, బేస్ ఐక్యూ 12 5జీ మోడల్ భారతీయ వేరియంట్ గురించి అనేక వివరాలు అధికారికంగా ధృవీకరించింది. ఈ హ్యాండ్‌సెట్ స్నాప్‌డ్రాగన్ 8 జెన్ 3 ఎస్ఓసీతో వస్తుంది.
కేవలం రూ. 999కే ప్రీ-బుకింగ్ :
ఆండ్రాయిడ్ 14-ఆధారిత ఫన్‌టచ్ ఓఎస్ 14ని అమలు చేస్తుంది. ఈ మోడల్ ఐక్యూ 11 5జీకి సక్సెసర్‌గా వస్తుంది. ఈ ఫోన్ ధర ఇటీవల తగ్గింపును పొందింది. ఐక్యూ 12 5జీ ధర అనుకోకుండా అమెజాన్ లిస్టింగ్ ద్వారా ఆన్‌లైన్‌లో లీక్ అయింది. టిప్‌స్టర్ సుధాన్షు ఆంబోర్ ప్రకారం.. అమెజాన్ ఇండియాలో ఐక్యూ 12 5జీ ధరను మరింత తగ్గించనుంది. ఈ ఫోన్ రెండు కాన్ఫిగరేషన్‌లలో లిస్టు అయినట్టు కనిపిస్తుంది.
iQoo 12 5G Price in India
12జీబీ + 256జీబీ 16జీబీ + 512జీబీ ఆప్షన్లతో భారత మార్కెట్లో వరుసగా రూ. 52,999, రూ. 57,999కు అందుబాటులో ఉండనున్నాయి. ప్రస్తుతానికి, అమెజాన్ జాబితాలో ధర వివరాలను చూపడం లేదు. ఈ హ్యాండ్‌సెట్‌ను ప్రీ-బుకింగ్‌పై మాత్రమే వివరాలను అందిస్తుంది. కస్టమర్లు ఐక్యూ 12 5జీని కేవలం రూ.999కే ప్రీ-బుక్ చేసుకోవచ్చు. డిసెంబర్ 13 నుంచి మధ్యాహ్నం 12 గంటల నుంచి డిసెంబర్ 14 అర్ధరాత్రి 12 గంటల వరకు అందుబాటులో ఉంటుంది.
రూ.2999 విలువైన TWS ఎయిర్‌బడ్స్ ఉచితం :
ప్రీ-బుకింగ్ చేసుకునే కొనుగోలుదారులు రూ. 2999 విలువైన వివో టిడబ్ల్యూఎస్ ఎయిర్ ఇయర్‌బడ్‌లను ఉచితంగా పొందవచ్చు. ఈ ఫోన్ ఆల్ఫా (బ్లాక్), లెజెండ్ (వైట్) కలర్ ఆప్షన్లలో అందుబాటులో ఉంటుంది. అమెజాన్ లిస్టింగ్‌లో ఐక్యూ 12 5జీ ఫోన్ 50ఎంపీ + 50ఎంపీ + 64ఎంపీ కెమెరా సెటప్‌తో భారత్‌లో ఏకైక ఫ్లాగ్‌షిప్ స్మార్ట్‌ఫోన్ అని పేర్కొంది. 50ఎంపీ సెన్సార్‌లలో ఒకటి ప్రాథమిక సెన్సార్. మరొకటి అల్ట్రా-వైడ్-యాంగిల్ లెన్స్‌తో వస్తుంది. మూడవ సెన్సార్ 100ఎక్స్ డిజిటల్ జూమ్ సపోర్ట్‌తో టెలిఫోటో సెన్సార్‌తో రానుంది.
iQOO 12 Indian Prices accidentally revealed Amazon!
12GB+256GB: ₹52,999
16GB+512GB: ₹57,999#iQOO12 #iQOO pic.twitter.com/3a4HbjKyCX— Sudhanshu Ambhore (@Sudhanshu1414) December 5, 2023
ఈ ఫోన్ ఫ్రంట్ కెమెరా 16ఎంపీ సెన్సార్‌ను కలిగి ఉంటుంది. ఐక్యూ 12 5జీ ఫోన్ ఆక్టా-కోర్ 4ఎన్ఎమ్ స్నాప్‌డ్రాగన్ 8 జెన్ 3 ఎస్ఓసీ ద్వారా అందించనుంది. ఆండ్రాయిడ్ 14-ఆధారిత ఫన్‌టచ్ ఓఎస్ 14 అవుట్-ఆఫ్-ది-బాక్స్‌తో కూడా రానుంది. ముందుగా ప్రకటించినట్లుగా 3 సంవత్సరాల సాఫ్ట్‌వేర్ అప్‌డేట్స్, నాలుగు సంవత్సరాల సెక్యూరిటీ ప్యాచ్‌లను అందిస్తుంది. ఈ ఫోన్ 144హెచ్‌జెడ్ రిఫ్రెష్ రేట్‌తో 6.78-అంగుళాల 1.5K అమోల్డ్ డిస్‌ప్లేను కలిగి ఉంటుంది. 120డబ్ల్యూ వైర్డ్ ఫాస్ట్ ఛార్జింగ్ సపోర్ట్‌తో 5,000ఎంఎహెచ్ బ్యాటరీని కూడా కలిగి ఉంటుంది.
Read Also : Maxima Max Pro Hunt : మ్యాక్సిమా మాక్స్ ప్రో హంట్ స్మార్ట్‌వాచ్‌ వచ్చేసింది.. ధర ఎంతో తెలుసా?
