New Jawa 350 Motorcycle : కొత్త జావా 350 బైకు వచ్చేసింది.. ఫీచర్లు అదుర్స్.. ధర ఎంతంటే?
New Jawa 350 Motorcycle : కొత్త బైక్ కోసం చూస్తున్నారా? భారత మార్కెట్లోకి జావా ప్రొడక్టు రేంజ్‌లో ఇప్పుడు కొత్త జావా 350 బైక్ వచ్చేసింది.. ఈ బైకు ధర మార్కెట్లో రూ.2.15 లక్షలు ఉంటుంది. పూర్తి వివరాలు ఇలా ఉన్నాయి.
- Published By: 10TV Digital Team ,Published On : January 15, 2024 / 05:22 PM IST
New Jawa 350 Motorcycle launched today at Price Rs 2.15 lakh, Check Full Details
New Jawa 350 Motorcycle : ప్రముఖ జావా యెజ్డీ మోటార్‌సైకిల్స్ కొత్త జావా 350 బైకును ప్రవేశపెట్టింది. ఈ బైకు రూ. 2.15 (ఎక్స్-షోరూమ్, న్యూఢిల్లీ) ప్రారంభ ధరతో విడుదల చేస్తున్నట్లు ప్రకటించింది. జావా ఉత్పత్తి శ్రేణిలో ఇప్పుడు కొత్త జావా 350, జావా 42, జావా 42 బాబర్, జావా పెరాక్ మోడల్స్ ఉన్నాయి. ఈ కొత్త జావా 350లో 334సీసీ, సింగిల్-సిలిండర్, 4-స్ట్రోక్, లిక్విడ్-కూల్డ్, ఈఎఫ్ఐ ఇంజిన్ ఉంది.
Read Also : TVS Jupiter 125 Launch : హోండా, సుజుకీ స్కూటర్లకు పోటీగా టీవీఎస్ జూపిటర్ 125 వచ్చేసిందోచ్.. ధర ఎంతంటే?
గరిష్టంగా 22.5పీఎస్ శక్తిని, 28.1ఎన్ఎమ్ గరిష్ట టార్క్‌ను అభివృద్ధి చేస్తుంది. ఇంజిన్ 6-స్పీడ్ గేర్‌బాక్స్‌తో వస్తుంది. మోటార్‌సైకిల్‌లో అసిస్ట్, స్లిప్ (ఏ&ఎస్) క్లచ్ అమర్చి ఉంటుంది. జావా 350 డబుల్ క్రెడిల్ ఫ్రేమ్‌పై ఆధారపడి ఉంటుంది. ముందు భాగంలో టెలిస్కోపిక్ సస్పెన్షన్, వెనుక వైపున ట్విన్ షాక్‌లను కలిగి ఉంది. డ్యూయల్-ఛానల్ ఏబీఎస్‌తో ముందు (280ఎమ్ఎమ్) వెనుక (240ఎమ్ఎమ్) వద్ద ఒక్కొక్కటి డిస్క్ ఉంది.
New Jawa 350 Motorcycle launched
జావా బైక్ స్పెషిఫికేషన్లు, ఫీచర్లు :
ముందువైపు 18-అంగుళాల స్పోక్డ్ వీల్, వెనుకవైపు 17-అంగుళాల స్పోక్డ్ వీల్‌ను పొందవచ్చు. రెండూ ట్యూబ్ టైర్‌లతో ఉంటాయి. మోటారుసైకిల్ పొడవాటి వీల్‌బేస్ (1,449 మిమీ), 178 మిమీ గ్రౌండ్ క్లియరెన్స్‌తో వస్తుంది. సీటు ఎత్తు 790మిమీ. మోటార్‌సైకిల్ కర్బ్ వెయిట్ 194 కేజీలు కాగా, డ్రై వెయిట్ 184 కేజీలు. కొత్త జావా 350 మెరూన్, బ్లాక్, మిస్టిక్ ఆరెంజ్ కలర్ ఆప్షన్లలో అందుబాటులో ఉంది. రంగుల ప్యాలెట్ మెరుగుపరిచే బంగారు పిన్‌స్ట్రిప్‌లు ఉన్నాయి.
సిగ్నేచర్ ట్విన్ ఎగ్జాస్ట్‌లు కూడా ఉన్నాయి. కొత్త జావా 350 మోటార్‌సైకిల్ క్లాసిక్ అప్పీల్, అత్యాధునిక టెక్నాలజీని కలిగి ఉంటుందని జావా యెజ్డీ మోటార్‌సైకిల్స్ CEO ఆశిష్ సింగ్ జోషి అన్నారు. కొత్త జావా 350 రైడర్‌లను ఆహ్లాదపరుస్తుందని విశ్వసిస్తున్నాము. గొప్ప నాణ్యత, ఐకానిక్ లుక్స్, ఫ్లూయిడ్, క్లిష్టతరమైన రైడింగ్ అనుభవాన్ని అందిస్తుందని అన్నారాయన.
