Green Peas Cultivation : బఠాణి సాగు చేపట్టే రైతులు మంచి దిగుబడులకోసం విత్తనాల ఎంపిక!
ఆఖరి దుక్కిలోఎకరాకు 8 టన్నుల చొప్పున బాగా మాగిన పశువుల ఎరువు వేసి కలియదున్నాలి. అనుకూలంగా బోదెలు, కాలువలు చేయాలి. నేలను సమానంగా మొలక రావడానికి అనుకూలమైన స్థితిలో వుంచాలి. విత్తన మోతాదు, విత్తేదూరం: ఎకరాకు స్వల్భకాలిక రకాలకు 40-48 కిలోలు. మధ్య మరియు దీర్హక్షాలిక రకాలకు 32-36 కిలోల విత్తనం కావాలి.
- Published By: 10TV Digital Team ,Published On : January 26, 2023 / 03:41 PM IST
Green Peas Cultivation
Green Peas Cultivation : శీతాకాలంలో రబీ పంటగా బఠాణిని పండిస్తారు. బఠాణిలో విటమిన్‌-బి, సి మరియు కె పుష్కలంగా ఉండును. ఇందులో ఇనుము, క్యాల్షియం, జింక్‌, రాగి మరియు మాంగనీస్‌ వంటి ఖనిజ లవణాలు ఉంటాయి. ఇవి రోగనిరోధక శక్తిని పెంచును, ఎముకలకు మరియు చర్మానికి మంచిది. చలికాలం ఉష్ణోగ్రత 10-17 సెం. వుండే పరిస్థితులు ఈ పంటకు అనుకూలం. వేడిగా పొడిగా వుండే వాతావరణం అనుకూలం కాదు. సారవంతమైన, నీరు బాగా ఇంకే నేలలు శ్రేష్టం. చౌడు భూములు తప్ప అన్ని రకాల నేలలు అనుకూలం. ఉదజని సూచిక 6.0-7.5 మధ్య వున్న నేలలు అనుకూలం.
సాగుకు అనుకూలమైన రకాలు:
స్వల్పకాలిక రకాలు:
ఎర్లీబాడ్గర్‌: ముడతలు గల గింజలతో కూడిన పొట్టిరకం. 55 నుండి 60 రోజులలో కోతకు వస్తుంది.
అర్మెల్‌: ముడతలు గల గింజలతో కూడిన అధిక దిగుబడినిచ్చే పొట్టి రకం. 60 రోజులలో ఆకుపచ్చని కాయలతో కోతకు వస్తుంది.
మీటియర్‌: బుతువులో ముందుగా వేయుటకు అనుకూలమైన రకం. విత్తనాలు నునుపుగా వుంటాయి. 60-65 రోజులలో ఆకుపచ్చని కాయలతో కోతకు సిద్ధంగా వుండే రకం.
జవహార్‌ మటర్‌-4 (జెయమ్‌.-4): మొక్కలు పొడవుగా, కాయలు మధ్యస్థంగా వుంటాయి. గింజలు ఆకుపచ్చగా, పెద్దవిగా ముడతలు కలిగి ఉంటాయి. దిగుబడి ఎకరాకు 24 క్వింటాళ్ళు.
హిస్సార్‌ హరిత్‌ (సి.హెచ్‌): కోతకు 60 రోజులలో సిద్ధమవుతుంది. కాయలు గింజలతో పూర్తిగా నిండి ఉంటాయి.
మధ్యకాలిక రకాలు:
బోర్న్‌విల్లీ: బుతువు మధ్యలో వేయుటకు అనువైన రకం. ఎక్కువ ఎత్తు పెరగదు. గింజలు ముడతలు కలిగి ఉండి తియ్యగా వుంటాయి. 85 రోజులలో కోతకు వస్తుంది. పచ్చికాయల
దిగుబడి ఎకరాకు 40 క్వింటాళ్ళు.
జవహార్‌ మటర్‌-1 (జె.యమ్‌.1) ;. కాయలు పెద్దవిగా ఆకర్షణీయంగా, చివర వంపు కలిగి ఉంటాయి. దిగుబడి ఎకరాకు 48 క్వింటాళ్ళు
జవహార్‌ మటర్‌-2 (జ.యమ్‌.-2): గింజలు పెద్దవిగా ముడతలు కలిగి ఉంటాయి. దిగుబడి ఎకరాకు 40 క్వింటాళ్ళు.
ఐ.పి.-8 (పంత్‌ ఉపహర్‌): మధ్యస్థ రకం. కాయలు మధ్యస్థం. ఏడు గింజలు కలిగి ఉంటాయి. ఎకరాకు 100 క్వింటాళ్ళ దిగుబడి నిస్తుంది.
దీర్హకాలిక రకాలు ;
ఎన్‌.పి.-29: మొక్కలు ఎత్తుగా ఎదుగుతాయి. ముడతలు పడిన గింజలుగల రకం. 100 రోజులలో కోతకు వస్తుంది.
ఇవి కాక ఆజాద్‌-పి-1 (మధ్యస్థ, ఆజాద్‌-పి-3 (స్వల్భకాలిక రకం), ఆజాద్‌ పి-2 మరియు బూడిద తెగులును తట్టుకునే రకాలు కూడా సాగుచేసుకొనవచ్చు.
ఆఖరి దుక్కిలోఎకరాకు 8 టన్నుల చొప్పున బాగా మాగిన పశువుల ఎరువు వేసి కలియదున్నాలి. అనుకూలంగా బోదెలు, కాలువలు చేయాలి. నేలను సమానంగా మొలక రావడానికి అనుకూలమైన స్థితిలో వుంచాలి. విత్తన మోతాదు, విత్తేదూరం: ఎకరాకు స్వల్భకాలిక రకాలకు 40-48 కిలోలు. మధ్య మరియు దీర్హక్షాలిక రకాలకు 32-36 కిలోల విత్తనం కావాలి. వరుసల మధ్య 30 సెం.మీ. మరియు వరుసల్లో మొక్కకు, మొక్కకు 15 సెం.మీ. ఎడం వుండాలి.
అక్టోబరు 15 నుండి నవంబరు 15 వరకు విత్తుకోవచ్చు. కిలో విత్తనానికి 1 గ్రా. కార్బండజిమ్‌ చొప్పున కలిపి విత్తనశుద్ధి తప్పనిసరిగా చేయాలి. ఎకరాకు 10 కిలోల నత్రజని, 28 కిలోల భాస్వరం, 20 కిలోల పొటాష్‌లను విత్తే సమయంలో వేయాలి. భాస్వరం, పొటాష్‌ ఎరువులు బఠాణీలో నత్రజని స్థాపించే సామర్ధ్వాన్ని పెంచుతాయి. మొదటిసారిగా బఠాణీ వేస్తున్నట్లయితే కిలో విత్తనానికి 10 గ్రా. చొప్పున రైజోబియం కల్చరు పట్టించి విత్తుకోవాలి.
