Coronavirus Leak: చైనా ల్యాబ్ నుంచే కరోనావైరస్.. మానవులకు సోకించేందుకు శాస్త్రవేత్తలు పనిచేశారు.. అమెరికా సంచలన రిపోర్ట్..

చైనా ల్యాబ్ నుంచే కరోనావైరస్ లీక్ అయ్యిందని, చైనా శాస్త్రవేత్తలు మానవులకు సోకేలా వైరస్‌పై పనిచేసినట్లుగా అమెరికా సంచలన రిపోర్ట్ విడుదల చేసింది.

Coronavirus Leak: చైనా ల్యాబ్ నుంచే కరోనావైరస్.. మానవులకు సోకించేందుకు శాస్త్రవేత్తలు పనిచేశారు.. అమెరికా సంచలన రిపోర్ట్..

Wuhan

Coronavirus Leaked: చైనా ల్యాబ్ నుంచే కరోనావైరస్ లీక్ అయ్యిందని, చైనా శాస్త్రవేత్తలు మానవులకు సోకేలా వైరస్‌పై పనిచేసినట్లుగా అమెరికా సంచలన రిపోర్ట్ విడుదల చేసింది. COVID-19 వ్యాధికి కారణమైన కరోనా వైరస్ చైనా పరిశోధన కేంద్రం నుంచే లీక్ అయినట్లుగా గూఢచార సంస్థలు నిర్ధారణకు వచ్చాయి. వుహాన్ ఇనిస్టిట్యూట్ ఆఫ్ వైరాలజీ(WIV) శాస్త్రవేత్తలు, నిపుణులు చైనీస్ ప్రభుత్వ నిధుల సహాయంతో మానవులకు సోకేలా కరోనావైరస్‌ను సవరించారని, ఈమేరకు వారు పని చేసినట్లుగా తగిన సాక్ష్యాలను గుర్తించినట్లు రిపోర్ట్ పేర్కొంది.

కరోనా వైరస్ ఎక్కడ పుట్టింది? మొదటిసారి ఎలా వ్యాపించింది? అనే విషయాలపై ప్రపంచ శాస్త్రవేత్తలు, అధికారులు ఎన్నోరోజులుగా సమాధానం వెతుకుతున్నారు. సరైన సమాధానం మాత్రం ఇప్పటివరకు దొరకలేదు. చైనా వైరస్‌ అని అమెరికా అనడం అప్పట్లో సంచలనం కూడా అయ్యింది. ట్రంప్ అధ్యక్షుడిగా ఉన్నప్పుడు చైనాపై ఈమేరకు తీవ్ర వ్యాఖ్యలు కూడా చేశారు. చైనా వాళ్లు కూడా మేం తయారు చెయ్యలేదు అంటూ కొన్నాళ్లు వాదించారు. అయితే లేటెస్ట్‌గా కరోనా వైరస్ చైనాలోని వుహాన్‌ ల్యాబ్‌లోనే పుట్టుకొచ్చిందని ఆధారాలు కనిపిస్తున్నాయి.

హౌస్ ఫారిన్ అఫైర్స్ కమిటీలో అగ్రశ్రేణి రిపబ్లికన్ ప్రతినిధి మైక్ మెక్‌కాల్ ప్యానెల్ ఈమేరకు నివేదికను విడుదల చేశారు. ప్రపంచవ్యాప్తంగా 4.4 మిలియన్ల మంది మరణించిన COVID-19 కరోనావైరస్ మహమ్మారి మూలాలపై ఈ సంచలన రిపోర్ట్ విడుదల చేశారు. అయితే, చైనా మాత్రం వైరస్ తయారు చేసింది కాదని, పుట్టిందేనని చెబుతున్నారు. బీజింగ్ కూడా ఈమేరకు ప్రకటనలు చేస్తుంది. వుహాన్‌లో ల్యాబ్ నుంచి కరోనావైరస్ లీక్ అయ్యింది అంటూ వచ్చిన వార్తలను చైనా ఖండించింది. 2019లో మొదటి COVID-19 కరోనా కేసు కనుగొన్నారు. అప్పటినుంచి ప్రతీ దేశాన్ని కరోనా చుట్టుముట్టింది. భయం గుప్పెట్లో ప్రజలు గడిపేలా చేస్తుంది.

చైనా నిపుణులు మాత్రం WIVకి సమీపంలో ఉన్న సీఫుడ్ మార్కెట్‌లో మానవులకు వ్యాపించే జంతువుల వైరస్ వల్ల మహమ్మారి సంభవించిందని అనుమానం వ్యక్తం చేస్తున్నారు. అయితే, తడి మార్కెట్‌లో నుంచి కరోనా పుట్టిందనే విషయాన్ని పూర్తిగా తోసిపుచ్చాల్సిన సమయం ఆసన్నమైందని నమ్ముతున్నాము,” అని నివేదిక పేర్కొంది. అయితే, ఇంటెలిజెన్స్ అసెస్‌మెంట్‌లతో కూడిన కమ్యునిటీ మాత్రం.. యుఎస్ ఇంటెలిజెన్స్ కమ్యూనిటీ వైరస్ జంతువుల నుంచి వచ్చిందా? లేదా WIV నుంచి వచ్చినదా? అనే నిర్ధారణకు రాలేదు.