dead lizard : ఓ బాలుడి చెంపకు బల్లి ముద్ర ఉన్న ఫొటో సోషల్ మీడియాలో తెగ వైరల్ అవుతోంది. అసలు ఆ బల్లి ముద్ర ఎలా వచ్చిందనే దానిపై తెగ చర్చించుకుంటున్నారు. తన చెంపను చూసుకున్న బాలుడు ఏం జరిగిందని ఆశ్చర్యపోయాడు. చివరకు విషయం తెలిసిన వారు నవ్వుకున్నారు. ఈ ఘటన చైనా దేశంలో చోటు చేసుకుంది. ఇంతకు ఏం జరిగింది ?
పాఠశాలకు వెళ్లాలంటే..హోం వర్క్ చేయాలంటే…చిన్న పిల్లలకు ముందుగా వచ్చేది నిద్ర. కొంతమంది పాఠశాలల్లో నిద్రపోతుంటారు. అలాగే..హోం వర్క్ చేస్తూ..ఘాడ నిద్రలోకి జారిపోతుంటారు. ఇలాగే..చైనాకు చెందిన ఓ బాలుడు..హోం వర్క్ చేసుకుంటూ..అమాంతం బుక్ పైనే నిద్రపోయాడు. అనంతరం నిద్ర లేచిన అనంతరం చెంపపై ఏదో ఉన్నట్లు అనిపించింది.
అద్దంలో చూడగా…బల్లి ముద్ర ఉండడంతో ఆశ్చర్యపోయాడు. ఎలా వచ్చిందని ఆశ్చర్యపోయాడు. తన పుస్తకాన్ని చూశాడు. చచ్చిపోయిన బల్లి ఉంది. బల్లిపైనే పడుకోవడంతో అతడి బరువుకు చనిపోయింది. ఆ బల్లి అచ్చు పిల్లాడి చెంపపై పడింది. దీనికి సంబంధించిన ఫొటో jackson Lu ట్విట్టర్ వేదికగా..ట్వీట్ చేయడంతో తెగ వైరల్ అయ్యింది.
