Russia warns France: ‘హద్దు దాటితే మీకూ మూడిందే’ ఫ్రాన్సును హెచ్చరించిన రష్యా మాజీ అధ్యక్షుడు

రష్యా మాజీ అధ్యక్షుడు మరియు రష్యా భద్రతా మండలి డిప్యూటీ చైర్ దిమిత్రి మెద్వెదేవ్ ఫ్రాన్స్ ఆర్థిక మంత్రిని ఉద్దేశించి ఘాటు వ్యాఖ్యలు చేశారు.

Russia warns France: ఉక్రెయిన్‌లో రష్యా యుద్ధం ముదురుతున్న కొద్దీ ప్రపంచ నేతల మధ్య మాటల యుద్ధం కూడా ఊపందుకుంది. రష్యా మాజీ అధ్యక్షుడు మరియు రష్యా భద్రతా మండలి డిప్యూటీ చైర్ దిమిత్రి మెద్వెదేవ్ ఫ్రాన్స్ ఆర్థిక మంత్రిని ఉద్దేశించి ఘాటు వ్యాఖ్యలు చేశారు. ఇటీవల ఓ టీవీ ఇంటర్వ్యూలో ఫ్రాన్స్ ఆర్ధికమంత్రి బ్రూనో లే మైరే మాట్లాడుతూ.. యుక్రెయిన్ తో యుద్ధం ఆపని పక్షంలో రష్యా పై తాము ఆర్ధిక యుద్ధానికి దిగుతామని” హెచ్చరించారు. లే మైరే మాటలపై రష్యా మాజీ అధ్యక్షుడు దిమిత్రి మెద్వెదేవ్ స్పందిస్తూ..నోరు అదుపులో పెట్టుకోవాలని హెచ్చరించారు. ఫ్రాన్స్ మంత్రి గత చరిత్రలు తీసుకుని మాట్లాడాలని, ఆర్ధిక యుద్ధాలు అసలు యుద్ధానికి దారి తీసాయన్న విషయాన్ని గుర్తుంచుకోవాలని మెద్వెదేవ్ తీవ్రంగా హెచ్చరించారు.

Also read: US – China warnings: ఆసియాలోనూ యుద్ధ మేఘాలు?: అమెరికాకు చైనా వార్నింగ్

రష్యాపై ఆర్ధిక యుద్ధానికి దిగితే రష్యాలోని సామాన్య ప్రజలపైనా అది తీవ్ర ప్రభావం చూపుతుందన్న ఫ్రాన్స్ మంత్రి బ్రూనో లే మైరే అన్నారు. యుక్రెయిన్ పై రష్యా యుద్ధాన్ని మొదటి నుంచి వ్యతిరేకిస్తున్న వారిలో అమెరికా, బ్రిటన్, స్వీడన్, ఫ్రాన్స్ ఉన్నాయి. యుద్ధం మొదలైన నాటి నుంచి రష్యాపై ఆంక్షలు విధించడంలోనూ ఫ్రాన్స్ అమెరికాకు మద్దతు పలికింది. అదే సమయంలో తమకు సహాయం అక్కర్లేదు.. ఆయుధాలు ఇవ్వండి అంటూ యుక్రెయిన్ అధ్యక్షుడు చేసిన విజ్ఞప్తిపై మొదటగా స్పందించింది కూడా ఫ్రాన్స్ కావడం గమనార్హం. దీంతో ఫ్రాన్స్ పై రష్యా ఆగ్రహం వ్యక్తం చేసింది. హద్దు దాటితే మీపైనా యుద్ధం చేయాల్సి ఉంటుందని రష్యా హెచ్చరించింది.

Also read: Russia Ukraine Talks : యుద్ధం ఆగేనా? ర‌ష్యా, యుక్రెయిన్ మ‌ధ్య రేపు రెండో విడ‌త చ‌ర్చ‌లు