America: ఆ దేశంపై ఆధారపడటం ఆపేయండి.. భారత్‌కు సూచించిన అమెరికా..

ఉక్రెయిన్ పై రష్యా సైనిక దాడులను కొనసాగిస్తూనే ఉంది. ఆదేశాన్ని పూర్తిగా హస్తంగతం చేసుకొనే వరకు పుతిన్ వదిలేలా కనిపించడం లేదు. ఉక్రెయిన్ లో పుతిన్ సేన సృష్టిస్తున్న మారణ హోమాన్ని...

America: ఉక్రెయిన్ పై రష్యా సైనిక దాడులను కొనసాగిస్తూనే ఉంది. ఆదేశాన్ని పూర్తిగా హస్తగతం చేసుకొనే వరకు పుతిన్ వదిలేలా కనిపించడం లేదు. ఉక్రెయిన్ లో పుతిన్ సేన సృష్టిస్తున్న మారణ హోమాన్ని ఖండిస్తూ అమెరికా, బ్రిటన్, ఆస్ట్రేలియాతో సహా పలు దేశాలు ఉక్రెయిన్ కు అండగా నిలుస్తున్నాయి. రష్యాను కట్టడి చేయడానికి ఆ దేశంపై ఆంక్షలు విధిస్తున్నాయి. ఇప్పటికే అమెరికా, ఆస్ట్రేలియా, బ్రిటన్ తో పాటు పలు దేశాలు రష్యాపై ఆంక్షలు విధించాయి. అన్ని రకాల ఎగుమతులను నిలిపివేశాయి. మిగిలిన దేశాలు కూడా కలిసి రావాలని ఇప్పటికే అమెరికా స్పష్టం చేసింది. అయితే భారత్ మాత్రం ఉక్రెయిన్ – రష్యా విషయంలో మధ్యస్థంగా తన వైఖరిని కొనసాగిస్తుంది. ఈ విషయంలో భారత్ పై అమెరికా అసంతృప్తిని వ్యక్తం చేసింది.

Russia ukraine war : యుక్రెయిన్‌పై యుద్ధం గురించి రష్యా వ్యాపారవేత్త ఘాటు వ్యాఖ్యలు

ఎప్పటి నుంచో రష్యాతో ఉన్న సంబంధాలను దృష్టిలో ఉంచుకొని రష్యాతో భారత్ సత్సంబంధాలు కొనసాగిస్తుంది. ఇటీల ఉక్రెయిన్ లో రష్యా సైనిక చర్యను వ్యతిరేకిస్తూ ఐరాసలో ప్రవేశపెట్టిన పలు తీర్మానాలపై ఓటింగ్ కు భారత్ దూరంగా ఉంది. ఇరు దేశాల శాంతియుత వాతావరణంలో చర్చల ద్వారా పరిష్కరించుకోవాలని హితువు పలికింది. అయితే భారత్ వైఖరిని అమెరికా తప్పుపడుతూ వస్తుంది.

India-Russia: త్వరలో భారత్ రానున్న రష్యా విదేశాంగ మంత్రి: కీలక అంశాలపై చర్చ

తాజాగా రక్షణ అవసరాల కోసం రష్యాపై ఆధారపడటం ఇండియా మానుకోవాలని అమెరికా రక్షణ శాఖ పెంటగాన్ అభిప్రాయపడింది. ఇండియాతో సహా ఇతర దేశాలు కూడా ఆదారపడటం మానుకోవాలని , దీంట్లో తమకు ఎటువంటి ఉద్దేశం లేదని, కానీ ఆ అంశాన్ని ప్రోత్సహించమని పెంటగాన్ ప్రెస్ సెక్రటరీ జాన్ కిర్బీ తెలిపారు. భార‌త్‌తో ఉన్న ర‌క్ష‌ణ బంధానికి తాము విలువ ఇస్తామ‌ని, రెండు దేశాల మ‌ధ్య బంధం మ‌రింత బ‌లోపేతం కావ‌డానికి కృషి చేస్తామ‌న్నారు. ఉప‌ఖండంలో భ‌ద్ర‌త‌ను క‌ల్పించేది భార‌త్ అని, ఆ విష‌యాన్ని గుర్తిస్తామ‌ని అన్నారు.