Bangalore : కుప్పకూలిన మరో భవనం.. పదిరోజుల వ్యవధిలో ఇది మూడవది

గురువారం బెంగళూరులోని కస్తూరినగర్‌లో మూడంతస్తుల భవనం కూలిపోయింది. భవనం కొద్దిగా పక్కకు ఒరగడంతో అందులోకి వారంతా ఖాళీ చేశారు.. ఖాళీ చేసిన కొద్దీ సేపటికే భవనం కుప్పకూలింది.

10TV Telugu News

Bangalore : గురువారం బెంగళూరులోని కస్తూరినగర్‌లో మూడంతస్తుల భవనం కూలిపోయింది. భవనం కొద్దిగా పక్కకు ఒరగడంతో అందులోకి వారంతా ఖాళీ చేశారు.. ఖాళీ చేసిన కొద్దీ సేపటికే భవనం కుప్పకూలింది. కాగా ఈ భవనం 2014లో నిర్మించినట్లు యజమాని తెలిపారు. విషయం తెలుసుకున్న పోలీస్, ఫైర్ సిబ్బంది ఘటనాస్థలికి చేరుకొని సహాయక చర్యలు చేపట్టారు. సాయంత్రం బీబీఎంపీ కమిషనర్ గౌరవ్ గుప్తా భవనం కూలిన ప్రాంతానికి వచ్చారు.

Read More : Building Collapse : బెంగళూరులో కుప్పకూలిన మరో భవనం

“60 × 40 స్థలంలో గ్రౌండ్ ప్లస్ రెండు అంతస్తులను నిర్మించడానికి వారికి అనుమతి ఉంది. నిబంధనలు అతిక్రమించి మూడు అంతస్తులు నిర్మించారు. తాజాగా పెంట్ హౌస్ నిర్మాణం చేపట్టారు. ఈ క్రమంలోనే భవనం కుప్పకూలింది. ఇక ఘటనపై కమిషనర్ గుప్తా మాట్లాడుతూ.. దీనిపై దర్యాప్తు ప్రారంభించామని తెలిపారు. నిబంధనలు అతిక్రమించి భవనం నిర్మించడం వల్లనే ఇలా జరిగిందని తెలిపారు. నగరంలో శిథిలావస్థలో ఉన్న భవనాలను గుర్తిచే పనిలో ఉన్నామన్నారు.

Read More : Building Collapse : చూస్తుండగానే కుప్పకూలిన భవనం.. వైరల్ వీడియో

సెప్టెంబర్ 27న లక్కసంద్రలో మూడు అంతస్థుల భవనం కూలిపోయింది. ఈ భవనంలో మెట్రో కార్మికులు నివాసం ఉంటున్నారు. ఆ భవనం పగుళ్లు గుర్తించి బయటకు వచ్చారు. వారు బయటకు వచ్చిన కొద్దీ సేపటికే భవనం కుప్పకూలింది. పది రోజుల వ్యవధిలో మూడు భవనాలు కులాగా అదృష్టవశాత్తు ప్రాణనష్టం జరగలేదు.