By Election: ఉప ఎన్నికల్లో కూడా కనిపించని బీజేపీ.. ఆప్, బీజేడీ, ఎస్పీ హవా
ఈ రెండు స్థానాల్లోనూ బీజేపీ మిత్రపక్షమైన అప్నాదళ్ పోటీ చేసింది. చాన్బే నియోజకవర్గంలో సమాజ్వాదీ పార్టీ అభ్యర్థి ముందంజలో ఉండగా.. సౌర్ నియోజకవర్గంలో అప్నాదళ్ అభ్యర్థి ఆధిక్యం సాగిస్తున్నారు. ఇక ఒడిశాలోని జర్సుగూడ అసెంబ్లీ నియోజకవర్గంలో అధికార బిజూ జనతా దళ్ ఆధిక్యం సాగిస్తోంది
- Published By: 10TV Digital Team ,Published On : May 13, 2023 / 10:40 AM IST
Jalandhar: కర్ణాటక అసెంబ్లీ ఎన్నికలతో పాటే మూడు రాష్ట్రాల్లోని మూడు అసెంబ్లీ స్థానాలు, ఒక లోక్సభ స్థానానికి ఉప ఎన్నికలు జరిగాయి. అయితే ఇప్పటికి విడుదలైన ఫలితాల ప్రకారం.. కర్ణాటక అసెంబ్లీలో అధికార భారతీయ జనతా పార్టీ వెనుకంజలో ఉంది. ఇక ఉప ఎన్నికల ఫలితాల్లోనూ కమలం పార్టీకి అదే పరిస్థితి ఎదురైంది. రెండు స్థానాల్లో ఆ పార్టీ వెనుకంజలో ఉంది. ఇందులో ఒక స్థానంలో బీజేపీ మిత్రపక్షమైన అప్నాదళ్ పార్టీ ముందంజలో ఉండడం గమనార్హం. యూపీలోని చౌన్బే, సౌర్ అసెంబ్లీ నియోజకవర్గాలకు ఉప ఎన్నిక జరగ్గా.. ఈ రెండు స్థానాల్లోనూ బీజేపీ పోటీ చేయలేదు.
Karnataka Polls: కర్ణాటక ఎన్నికల ఫలితాల్లో ముఖ్య నేతల పరిస్థితి ఏంటంటే?
ఈ రెండు స్థానాల్లోనూ బీజేపీ మిత్రపక్షమైన అప్నాదళ్ పోటీ చేసింది. చాన్బే నియోజకవర్గంలో సమాజ్వాదీ పార్టీ అభ్యర్థి ముందంజలో ఉండగా.. సౌర్ నియోజకవర్గంలో అప్నాదళ్ అభ్యర్థి ఆధిక్యం సాగిస్తున్నారు. ఇక ఒడిశాలోని జర్సుగూడ అసెంబ్లీ నియోజకవర్గంలో అధికార బిజూ జనతా దళ్ ఆధిక్యం సాగిస్తోంది. ఈ స్థానంలో పోటీ చేసిన బీజేపీ వెనుకంజలో ఉంది. ఇక పంజాబ్ రాష్ట్రంలోని జలంధర్ లోక్సభ నియోజకవర్గానికి జరిగిన ఉప ఎన్నికలో అధికార ఆమ్ ఆద్మీ పార్టీ హవా కొనసాగిస్తోంది. ఈ నియోకవర్గ ఫలితాల్లో బీజేపీ, కాంగ్రెస్, శిరోమణి అకాలీదళ్ పార్టీలు వెనుకంజలో ఉన్నాయి.
