Ajith : ఇకపై నన్ను ‘తల’ అని పిలవకండి : అజిత్

Ajith :  తమిళ స్టార్ హీరో అజిత్ కు ఉన్న ఫ్యాన్ ఫాలోయింగ్, క్రేజ్ గురించి తెలిసిందే. తమిళ్ లోనే కాక తెలుగుతో పాటు వేరే భాషల్లో కూడా అభిమానులు ఉన్నారు. అందరి హీరోలకు స్పెషల్ పేర్లు ఉన్నట్టే అజిత్ కు కూడా అభిమానులు స్పెషల్ పేరుతో పిలుస్తారు. అజిత్ అభిమానులు ముద్దుగా ఆయన్ని ‘తల’ అని పిలుచుకుంటుంటారు. ఇక మీడియాలో కూడా ఆయన పేరుకు ముందు ‘తల’ అని పెడుతూ అయన గురించి రాస్తారు. ‘తల’ అంటే తమిళంలో నాయకుడు అని అర్థం.

Mahesh Babu : పోలీసులను ఆశ్రయించిన మహేష్‌బాబు సోదరి

తాజాగా అజిత్ మీడియా, పబ్లిక్‌, తన ఫ్యాన్స్‌కు ఓ విజ్ఞప్తి చేస్తూ ప్రకటన విడుదల చేశారు. ఇకపై తనను ‘తల’ అని పిలవోద్దని మీడియా, పబ్లిక్‌, ఫ్యాన్స్‌ను కోరారు. అజిత్‌ మేనేజర్‌ సురేశ్‌ చంద్ర ఈ విషయాన్ని ట్విటర్‌లో పోస్ట్‌ చేశారు. గౌరవనీయమైన మీడియా సభ్యులకు, ప్రజానీకానికి, అభిమానులకు ఓ విజ్ఞప్తి.. ఇకపై ఎవరూ కూడా నన్ను ‘తల’ అని పిలవోద్దు, రాయొద్దు. అంతేకాదు నా పేరుకు ముందు తల మాత్రమే కాదు మరే ఇతర బిరుదులను జోడించకండి. ఒకవేళ నా గురించి రాయాల్సి వస్తే నన్ను అజిత్, అజిత్ కుమార్ లేదా ఏకే అని మాత్రమే పిలవండి. మీ అందరికి మంచి ఆరోగ్యం, సంతోషం, విజయం, మనశ్శాంతి, సంతృప్తితో కూడిన అందమైన జీవితాన్ని నేను హృదయపూర్వకంగా కోరుకుంటున్నాను. ప్రేమతో మీ అజిత్ అని ఆ ట్వీట్‌లో పేర్కొన్నారు.

AP Government : సిరివెన్నెల కుటుంబానికి ఏపీ సర్కార్ సాయం

అయితే ఇన్ని సంవత్సరాల తర్వాత ఈ ప్రకటన ఇవ్వడానికి కారణమేంటో, అజిత్‌ ఈ ప్రకటన ఎందుకు ఇచ్చారో మాత్రం వెల్లడించలేదు. దీంతో ఫ్యాన్స్‌ కొంచెం అసంతృప్తి ఫీల్ అవుతున్నారు.