Food Challenge: రండీ బాబూ రండి.. ఈ ఎగ్ రోల్ 20 నిమిషాల్లో తినండి.. రూ.20,000 గెలుచుకోండి
ఢిల్లీ మోడల్ టౌన్ థర్డ్‌లో ఓ పుడ్‌ స్టాల్ యజమాని తను తయారు చేసిన కథీ రోల్‌ని 20 నిమిషాల్లో తిని 20 వేలు గెలుచుకోండీ అంటూ రోడ్డుమీద సవాల్ విసురుతు అందరినీ ఆకర్షిస్తున్నాడు.
- Published By: 10TV Digital Team ,Published On : September 30, 2021 / 04:46 PM IST
10kg Kathi Roll 30 Eggs 20 Minutes Get Prize
10kg Kathi Roll 30 Eggs 20 Minutes Get Prize : 4 కిలోల నాన్ వెజ్ థాలీని 60 నిమిషాల్లో తింటే రాయల్ ఎన్ ఫీల్డ్ బైక్ బహుమతిగా ఇస్తామని గతంలో పూణెలోని ఓ రెస్టారెంట్ ప్రకటించిన విషయం తెలిసిందే. తాజాగా ఓ రోడ్డు పక్క ఫుడ్ స్టాల్ నడిపే వ్యక్తి భోజన ప్రియులకు ఓ ఛాలెంజ్ విసిరాడు. తన ఛాలెంజ్ ను సక్సెస్ ఫుల్ చేస్తే రూ.20,000లు ఇస్తానని ఆఫర్ కూడా ఇచ్చాడు. మరి ఇంతకీ ఆయన విసిరే ఆ ఫుడ్ ఛాలెంజ్ ఏంటీ..ఏం తినాలి?ఎంత సేపట్లో తినాలి అంటే..
ఓ కథీ రోల్‌ని 20 నిమిషాల్లో తిని 20 వేలు గెలుచుకోండీ అంటూ రోడ్డుమీద సవాల్ విసురుతూ అందరినీ ఆకర్షిస్తున్నాడు. ఢిల్లీ మోడల్ టౌన్ థర్డ్‌లో ఓ పుడ్‌ స్టాల్ యజమాని తను తయారు చేసిన 10 కేజీల బాహుబలి కాథీ రోల్‌ను కేవలం 20 నిమిషాల్లో తింటే రూ.20,000 ఇస్తానని పుడ్‌ లవర్స్‌కి బంఫర్‌ ప్రకటించాడు. ఇక ఆ రోల్ మేకింగ్‌ వీడియోని సోషల్‌మీడియాలో షేర్ చేస్తూ ఛాలెంజ్‌కి ఎవరైనా రావచ్చని తెలిపాడు. ఆ రోల్‌ని.. గోధుమపిండితో తయారుచేసి దాంట్లో 30 గుడ్లు ఆమ్లెట్‌గా వేశాడు. ఆ తరువాత నూడుల్స్, కబాబ్స్, సోయా ఛాప్‌తో మస్తుగా కళ్లనిండుగా తయారుచేశాడు ఆ కాథీ రోల్ . దాన్ని ఓ సిల్వర్ పేపర్ లో చుట్టు ‘రండీ ఇది తినండీ రూ. 20వేలు గెలుచుకోండి’ అంటూ ఛాలెంజ్ చేస్తున్నాడు.
Read more : బంపర్ ఆఫర్ : భోజనం తినండి, రాయల్ ఎన్ ఫీల్డ్ బుల్లెట్ గెలుచుకోండి
ఆ రోల్ చూస్తుంటే ఎవరికైనా.. నోరు ఊరాల్సిందే. తినాలని ట్రై చేస్తే మాత్రం అయ్యే పనిలా కనిపించట్లేది దాని సైజ్ చూస్తే..ఎందుకంటే ఆ రోల్ 10 కేజీలు బరువు ఉంది. దీన్ని తయారు చేసే విధానాన్ని వీడియో తీసి ఇన్‌స్టాగ్రామ్‌లో షేర్ చేశాడు. ప్రస్తుతం ఆ వీడియో ఇంటర్నెట్‌లో వైరల్‌గా మారి పుడ్‌ లవర్స్‌ని నోరూరిస్తోంది. ఛాలెంజ్ ఇంట్రెస్ట్ గానే ఉంది..పైగా రోల్ నోరూరిస్తోంది. కానీ ఆ ఛాలెంజ్ ను సక్సెస్ చేయటం అంటే మాటలు కాదురా బాబూ అని మాత్రం అనిపిస్తోంది దాన్ని సైజ్ చూస్తే..అదే మరి బాహుబలి రోల్ ఛాలెంజ్. ఈ బాహుబలి రోల్‌ని 20 నిమిషాల్లో తింటే రూ.20,000లు ఇస్తానంటున్నాడీ స్టాల్ ఓనర్. ఎవరు తింటారులే దీన్ని అనే నమ్మకంతోనే ఆ సవాల్ విసురుతున్నాడు.
Read more : Rice Bucket Challenge : హైదరాబాద్ మహిళ “రైస్ బకెట్ ఛాలెంజ్”..కరోనా కష్టంలో ఉన్నవారికి భరోసా..
View this post on Instagram
