Jharkhand CM Hemant Soren: మైనింగ్ లీజు కేసులో జార్ఖండ్ సీఎం సోరెన్‌కు సుప్రీంకోర్టులో ఊరట..
మైనింగ్ లీజు కేసులో జార్ఖండ్ సీఎం హేమంత్ సోరెన్‌కు సుప్రీంకోర్టు నుంచి ఉపశమనం లభించింది. మైనింగ్ లీజు కేసులో అతనిపై విచారణకు సంబంధించిన అభ్యర్థనను సమర్థిస్తూ హైకోర్టు ఇచ్చిన ఉత్తర్వులను అత్యున్నత న్యాయస్థానం కొట్టివేసింది.
- Published By: 10TV Digital Team ,Published On : November 7, 2022 / 12:47 PM IST
Hemanth Soren
Jharkhand CM Hemant Soren: మైనింగ్ లీజు కేసులో జార్ఖండ్ సీఎం హేమంత్ సోరెన్‌కు సుప్రీంకోర్టు నుంచి ఉపశమనం లభించింది. మైనింగ్ లీజు కేసులో అతనిపై విచారణకు సంబంధించిన అభ్యర్థనను సమర్థిస్తూ హైకోర్టు ఇచ్చిన ఉత్తర్వులను అత్యున్నత న్యాయస్థానం కొట్టివేసింది. మైనింగ్ లీజు కేసును విచారించేందుకు ప్రజా ప్రయోజన వ్యాజ్యాల నిర్వహణపై హైకోర్టు నిర్ణయానికి వ్యతిరేకంగా రాష్ట్ర ప్రభుత్వం, జార్ఖండ్ సీఎం హేమంత్ సోరెన్‌లు దాఖలు చేసిన పిటిషన్‌లను సుప్రీంకోర్టు సోమవారం అనుమతించింది. సుప్రీంకోర్టు ఈ నిర్ణయం తర్వాత ఈ వ్యవహారంలో ఎన్‌ఫోర్స్‌మెంట్ డైరెక్టరేట్ (ఈడీ) చేస్తున్న దర్యాప్తులో పెద్దగా తేడా ఏమీ కనిపించకపోవడం గమనార్హం.
Jharkhand CM Hemant Soren : జార్ఖండ్ సీఎం హేమంత్ సోరెన్ శాసనసభ సభ్యత్వం రద్దు
జార్ఖండ్ ముఖ్యమంత్రి సోరెన్‌కు గత సంవత్సరం ప్రభుత్వ భూమిపై మైనింగ్ లీజు మంజూరు చేయబడిందని, ఇది లాభదాయకంగా జరిగిందని ఆరోపణలు వచ్చాయి. ఈ సమయంలో మైనింగ్ శాఖ సోరెన్ వద్దనే ఉంది. ఈ నేపథ్యంలో ఎన్నికల సంఘం కూడా ఈ అంశంపై విచారణ ప్రారంభించింది. దీనికితోడు ఈడీ విచారణ చేపట్టింది. దీంతో గతవారం జేఎంఎం, కాంగ్రెస్, ఆర్జేడీలతో కూడిన పాలక కూటమి కేంద్ర ఏజెన్సీలను బీజేపీ దుర్వినియోగం చేస్తోందని ఆరోపిస్తూ ఆందోళనలు నిర్వహించింది.
సోరెన్ ఈ నెల ప్రారంభంలో ఎన్‌ఫోర్స్‌మెంట్ డైరెక్టరేట్ ఇచ్చిన సమన్లకు కూడా స్పందించలేదు. నేను అవినీతికి పాల్పడితే వచ్చి నన్ను అరెస్టు చేయండి. ఎందుకు విచారణకు సమన్లు పంపారు? వెంటనే వచ్చి నన్ను అరెస్టు చేయండి, అప్పుడు ప్రజలు మీకు తగిన సమాధానం ఇస్తారు అంటూ పేర్కొన్నారు.
