Maharashtra : ఉద్ధవ్ ఠాక్రేతో సీఎం కేసీఆర్.. స్పెషల్ అట్రాక్షన్ ప్రకాష్ రాజ్

ముంబైకి వెళ్లిన సీఎం కేసీఆర్..అక్కడ మహారాష్ట్ర సీఎం ఉద్ధవ్ ఠాక్రేతో సమావేశమయ్యారు. బీజేపీకి ప్రత్యామ్నాయంగా దేశవ్యాప్తంగా అనుసరించాల్సిన పొలిటికల్ ఎజెండాపైనే చర్చ జరిగినట్లు...

Maharashtra : ఉద్ధవ్ ఠాక్రేతో సీఎం కేసీఆర్.. స్పెషల్ అట్రాక్షన్ ప్రకాష్ రాజ్

Maharashtra And Telangana : జాతీయ రాజకీయాల్లో కీ రోల్ పోషించేందుకు సీఎం కేసీఆర్ రెడీ అయిపోయారు. కేంద్ర ప్రభుత్వంతో విబేధిస్తున్న అన్ని పార్టీలను ఒకేతాటిపైకి తీసుకొచ్చేలా ప్రయత్నాలు జరుపుతున్నారు. అందులో భాగంగా ముంబైకి వెళ్లిన సీఎం కేసీఆర్..అక్కడ మహారాష్ట్ర సీఎం ఉద్ధవ్ ఠాక్రేతో సమావేశమయ్యారు. సుమారు రెండు గంటల పాటు జరిగిన ఈ సమావేశం కాసపటి క్రితం ముగిసింది. బీజేపీకి ప్రత్యామ్నాయంగా దేశవ్యాప్తంగా అనుసరించాల్సిన పొలిటికల్ ఎజెండాపైనే చర్చ జరిగినట్లు సమాచారం. దేశంలో వనరులు, రాష్ట్రాల్లో నెలకొన్న పరిస్థితులు, జాతీయ స్థాయిలో ప్రస్తుత రాజకీయ పరిణామాలు, కేంద్ర ప్రభుత్వ విధానాలతో దేశానికి కలుగుతున్న నష్టాలపై ఠాక్రేతో కేసీఆర్‌ చర్చిస్తున్నారు. దేశ రాజకీయాల్లో ప్రాంతీయ పార్టీలు చేపట్టాల్సిన భవిష్యత్‌ కార్యాచరణపై మంతనాలు జరుపుతున్నారు.

Read More : Telangana : హైదరాబాద్ టు ముంబై, సీఎం కేసీఆర్ వెంట వెళ్లిన వారు వీరే

ఠాక్రేతో చర్చలు ముగిశాక ఎన్సీపీ అధ్యక్షుడు శరద్‌ పవార్‌ నివాసానికి సీఎం కేసీఆర్ వెళ్తారు. బీజేపీ పాలనలో ప్రజా వ్యతిరేక విధానాలు, దేశానికి జరుగుతున్న నష్టం గురించి పవార్‌తో చర్చిస్తారు. బీజేపీ విధానాలపై పోరాడుతున్న కేసీఆర్ తమ ప్రయత్నాలకు పవార్‌ మద్దతు కోరనున్నారు. సాయంత్రం 7.20 గంటలకు సీఎం కేసీఆర్‌ ముంబై నుంచి హైదరాబాద్‌కు రానున్నారు. ఎన్డీఏ సర్కార్‌ పోతేనే దేశం అభివృద్ధి చెందుతుందంటున్న కేసీఆర్‌.. బీజేపీయేతర పార్టీల మద్దతు కూడగట్టే యత్నంలో పలు రాష్ట్రాలలో పర్యటించనున్నారు. కోల్‌కతా, చెన్నై, బెంగళూరు త్వరలోనే వెళ్లనున్నారు.

Read More : KCR – Uddhav: నేడు మహారాష్ట్ర సీఎంతో తెలంగాణ సీఎం కేసీఆర్ భేటీ

బెంగాల్ సీఎం మమతా బెనర్జీ, తమిళనాడు సీఎం స్టాలిన్‌, మాజీ ప్రధాని దేవెగౌడతో సమావేశం కానున్నారు. మరోవైపు.. ఈ భేటీలో ప్రకాశ్ రాజ్ అంశం అందరిలోనూ ఆసక్తి పెంచుతోంది. ఎయిర్‌పోర్ట్ నుంచి ఠాక్రే ఇంటి వరకు ప్రకాశ్ రాజ్ ఉండటంపై పొలిటికల్ సర్కిల్‌లో చర్చ జరుగుతోంది. అంతకముందు బేగంపేట విమానాశ్రయం నుంచి ప్రత్యేక విమానంలో కేసీఆర్‌ ముంబయి చేరుకున్నారు. అక్కడి నుంచి ఉద్ధవ్‌ ఠాక్రే నివాసానికి చేరుకున్న కేసీఆర్‌కు ఘన స్వాగతం లభించింది. ఎయిర్ పోర్టులో నటుడు ప్రకాష్ రాజ్.. సీఎం కేసీఆర్ బృందానికి స్వాగతం పలికారు.