Beast: ట్రైలర్కు టైమ్ ఫిక్స్ చేసిన బీస్ట్!
తమిళ స్టార్ హీరో విజయ్ నటిస్తున్న లేటెస్ట్ మూవీ ‘బీస్ట్’ ఇప్పటికే ప్రేక్షకుల్లో ఎలాంటి హైప్ను క్రియేట్ చేసిందో ప్రత్యేకించి చెప్పక్కర్లేదు. ఈ సినిమాను దర్శకుడు నెల్సన్ దిలీప్....
Beast: తమిళ స్టార్ హీరో విజయ్ నటిస్తున్న లేటెస్ట్ మూవీ ‘బీస్ట్’ ఇప్పటికే ప్రేక్షకుల్లో ఎలాంటి హైప్ను క్రియేట్ చేసిందో ప్రత్యేకించి చెప్పక్కర్లేదు. ఈ సినిమాను దర్శకుడు నెల్సన్ దిలీప్ తెరకెక్కిస్తుండగా, పూర్తి యాక్షన్ థ్రిల్లర్ మూవీగా ఈ చిత్రాన్ని రూపొందిస్తున్నారు చిత్ర యూనిట్. ఇక ఈ సినిమా ఫస్ట్ లుక్ పోస్టర్స్తో పాటు ఈ సినిమా నుండి రిలీజ్ అయిన పాటలకు ఎలాంటి క్రేజ్ దక్కిందో మనం చూశాం. ఈ సినిమాను భారీ బడ్జెట్తో మాస్, క్లాస్ ఆడియెన్స్ మెచ్చే విధంగా చిత్ర యూనిట్ తీర్చిదిద్దుతోంది. దీంతో బీస్ట్ చిత్రాన్ని ఎప్పుడెప్పుడు చూద్దామా అని అందరూ ఆసక్తిగా ఎదురుచూస్తున్నారు.
ఇక ఈ సినిమా థియేట్రికల్ ట్రైలర్ను రిలీజ్ చేసేందుకు చిత్ర యూనిట్ రెడీ అవుతోంది. తాజాగా దీనికి సంబంధించిన అఫీషియల్ అనౌన్స్మెంట్ కూడా చేశారు. విజయ్ ఫ్యాన్స్తో పాటు కామన్ ఆడియెన్స్ ఈ ట్రైలర్ను చూసేందుకు ఎంతో ఈగర్గా ఉన్నారని.. వారి అంచనాలకు ఏమాత్రం తగ్గకుండా ఈ ట్రైలర్ ఉండబోతున్నట్లు చిత్ర యూనిట్ పేర్కొంది. బీస్ట్ థియేట్రికల్ ట్రైలర్ను ఏప్రిల్ 2న సాయంత్రం 6 గంటలకు రిలీజ్ చేస్తున్నట్లు చిత్ర యూనిట్ ప్రకటించింది. ఈ సినిమా కోసం కేవలం తమిళ ఆడియెన్స్ మాత్రమే కాకుండా ఇతర భాషల ప్రేక్షకులు కూడా ఎంతో ఆసక్తిగా ఎదురుచూస్తున్నారని చిత్ర యూనిట్ పేర్కొంది.
Beast: దక్షణాది అన్ని భాషల్లో ‘బీస్ట్’.. హిందీలో మాత్రం ‘రా’.. ఎందుకిలా?
కాగా తెలుగు భాషలోనూ బీస్ట్ చిత్రానికి భారీ డిమాండ్ ఏర్పడింది. విజయ్ నటించిన లాస్ట్ మూవీ ‘మాస్టర్’ తెలుగునాట సూపర్ హిట్ చిత్రంగా నిలవడంతో ఇప్పుడు బీస్ట్ చిత్రం కోసం ఇక్కడి ప్రేక్షకులు ఎంతో ఆసక్తిగా చూస్తున్నారు. అయితే ఈ సినిమాలో విజయ్ పాత్ర ఎలా ఉండబోతుందా అని అభిమానులు ఎంతో ఆతృతగా చూస్తున్నారు. ఇక ఈ సినిమా కోసం తెలుగులో బయ్యర్లు పోటీ పడి మరీ ఈ చిత్ర హక్కులను సొంతం చేసుకున్నట్లు ఇండస్ట్రీ వర్గాల్లో టాక్ వినిపిస్తోంది.
Beast: కేజీఎఫ్-2తో యుద్ధానికి సిద్ధమైన బీస్ట్!
బీస్ట్ చిత్ర తెలుగు థియేట్రికల్ రైట్స్ను ఏకంగా రూ.11 కోట్లకు కొనుగోలు చేసినట్లు తెలుస్తోంది. ఇక ఈ సినిమాను ఏప్రిల్ 13న ప్రపంచవ్యాప్తంగా అత్యంత భారీ స్థాయిలో రిలీజ్ చేస్తుండగా, మరో పాన్ ఇండియా మూవీ కేజీఎఫ్ చాప్టర్ 2తో ఈ సినిమా బాక్సాఫీస్ వద్ద పోటీ పడుతోంది. బీస్ట్ చిత్రంలో విజయ్ సరసన అందాల భామ పూజా హెగ్డే హీరోయిన్గా నటించగా, అనిరుధ్ రవిచందర్ ఈ సినిమాకు సంగీతం అందించాడు. మరి బీస్ట్ ట్రైలర్ యూట్యూబ్ను ఎలా షేక్ చేస్తుందో తెలియాలంటే ఏప్రిల్ 2 వరకు వెయిట్ చేయాల్సిందే.
The much-awaited #BeastTrailer is releasing on April 2nd @ 6 PM
Namma aattam inimey vera maari irukum ?@actorvijay @Nelsondilpkumar @anirudhofficial @hegdepooja @selvaraghavan @manojdft @Nirmalcuts @anbariv #BeastTrailerOnApril2 #BeastModeON #Beast pic.twitter.com/EtpNDVKv4L— Sun Pictures (@sunpictures) March 30, 2022