Karate Kalyani: పాపని దత్తత తీసుకోలేదు.. కిడ్నాప్ కూడా చేయలేదు

ప్రచారానికి, వివాదానికి ఫుల్ స్టాప్ పెట్టేందుకు కళ్యాణి ఇప్పుడు మీడియా ముందుకొచ్చారు. ఎస్ఆర్ నగర్ లో ఏర్పాటు చేసిన మీడియా సమావేశంలో మాట్లాడిన కళ్యాణి..

Karate Kalyani: పాపని దత్తత తీసుకోలేదు.. కిడ్నాప్ కూడా చేయలేదు

Karate Kalyani

Karate Kalyani: ఇటీవలే యూట్యూబర్​ శ్రీకాంత్​రెడ్డితో సినీ నటి కరాటే కళ్యాణి మధ్య వివాదం హాట్​టాపిక్​గా మారిన సంగతి తెలిసిందే. ఇద్దరి మధ్య ఘర్షణ జరిగి ఎస్సార్​నగర్​పోలీస్​స్టేషన్​లో ఒకరిపై మరొకరు ఇద్దరు ఫిర్యాదులు చేసుకున్నారు. ఆ తర్వాత కరాటే కళ్యాణిపై మరో వివాదం కూడా మొదలైంది. తాజాగా కరాటే కల్యాణి ఇంట్లో చైల్డ్‌ లేబర్ అధికారులు సోదాలు నిర్వహించగా.. కరాటే కల్యాణి అక్రమంగా చిన్నారిని కొనుగోలు చేసినట్లు వచ్చిన ఫిర్యాదుల నేపథ్యంలో సోదాలు చేపట్టినట్లు అధికారులు చెప్పుకొచ్చారు.

karate Kalyani : కొత్త వివాదంలో కరాటే కళ్యాణి

అయితే, అధికారులు సోదాలకు వెళ్లిన సమయంలో కళ్యాణి ఇంట్లో లేకపోవడంతో ఆమె అజ్ఞాతంలోకి వెళ్లినట్లు ప్రచారం కూడా జరిగింది. మొత్తంగా ఈ ప్రచారానికి, వివాదానికి ఫుల్ స్టాప్ పెట్టేందుకు కళ్యాణి ఇప్పుడు మీడియా ముందుకొచ్చారు. ఎస్ఆర్ నగర్ లో ఏర్పాటు చేసిన మీడియా సమావేశంలో మాట్లాడిన కళ్యాణి.. తన దగ్గర ఉన్న పాపను తాను కిడ్నాప్ చేయలేదని.. అలా అని కిడ్నాప్ కూడా చేయలేదని.. ప్రచారం జరుగుతున్నట్లుగా నేను పాపను ఎవరి దగ్గర నుండి కొనుగోలు చేయడంలేదని చెప్పుకొచ్చారు.

Karate Kalyani: కరాటే కళ్యాణిపై పలు సెక్షన్ల ప్రకారం కేసు నమోదు

నేను పిల్లల్ని అమ్మడం కొనడం ఎవరైనా చూశారా? సినిమా వాళ్ళకి అమ్ముకుంటానని కొందరు ప్రచారం చేస్తున్నారని.. ఎక్కడైనా ఎవరైనా దీనిపై మీకు చెప్పారా? అంటూ ప్రశ్నించిన కళ్యాణి.. ఈ వివాదం వెనక పెద్ద శక్తులు పనిచేసాయని అనుమానం వ్యక్తం చేశారు. తనకు మనసుందని.. ఆడపిల్లలంటే తనకు ఇష్టముండడంతోనే పాపను పెంచుకుంటున్నానని.. పాపతో పాటు చిన్నారి తల్లిదండ్రులు కూడా తనతో పాటు ఉంటున్నారని.. ఇకపై కూడా నాతో అందరూ కలిసే ఉంటారని.. ఏడాది తర్వాతే అధికారికంగా దత్తత తీసుకొనే ఆలోచనలో ఉన్నట్లు చెప్పుకొచ్చారు.